Read lulogooli 1 Avami 22 Bible Online

1 Avami 22 - lulogooli bible

1 Avami 22

¹Na va menya mihiga gyivaka bugira bulwani hagati ha Siria na Israeli.

²Na ga duka ku muhiga gwegyivaka, Jehoshafatu mwami wa Yuda ya sulunguta a duke kulola mwami wa Israeli.

³No mwami wa Israeli ya volera ava tumwa veve, Si mu manya lidala lya Ramothugileadi li veye lyetu, na kwinye ku kiring'ane, ku vule kulitwulidza mu mukono gwomwami wa Siria?

⁴Na ya teva Jehoshafatu U la tsia halala ninze kulwana ha Ramothugileadi? Jehoshafatu ya volera mwami wa Israeli, na a vola, Inze mbeye kuli ive, navandu vange va veye kuli avandu vovo, netsiparasi tsyange tsya li kuli tsiparasi tsitsyo.

⁵Na Jehoshafatu ya volera mwami wa Israeli, Mwadza, u tange kuteva ku likuva lya Yahova lero.

⁶Hene yaho mwami wa Israeli ya vungidza halala avaprofeti, kuli avandu tsimia tsine, na ya va teva, Ntsie kulwana Ramothugileadi, naho mbule ku tsia? Navo va mu volera, Yanegira, kigira Mwami a la li vika mmakono gomwami.

⁷Navutswa Jehoshafatu ya vola, Si ha veye kandi nomprofeti wa Yahova hano ku mu teve?

⁸Mwami wa Israeii ya volera Joho shafatu, A veye ho kandi mundu wa ku nyala kuteva Yahova naye, naye ni Mikaiya mwana wa Imla: navutswa inze mu dunyiranga; kigira uyu si ya profeteranga inze amalahi navutswa madamano. Na Jehoshafatu ya vola, Mwami a ta vola ndi mba.

⁹Hene yaho mwami wa Israeli ya langa munyampara, na a mvolera, Tsia bwangu, u lete Mikaiya mwana wa Imla.

¹⁰Mwami wa Israeli na Jehoshafatu mwami wa Yuda va li nivikaye sa mulala ku intebe yeye yobwami, viviki tsingubo tsyavo tsyobwami, hobwiyangu hobwingi ru mu kiribwa kya Samaria; nava profeti vosi va profetanga imbiri wavo

¹¹Na Zedekia mwana wa Kenaana ya lomba tsinziga tsyekivya, na a vola, Yahova a vola, U la sindika Avasiria na yitsi, kuduka va dividzwe vosi.

¹²Navaprofeti vosi va profeta likuva lyene yilyo, ni va vola, Yanegira u tsie Ramothu gileadi, u gasidzwe; kigira Yahova a la li vika mu makono gomwami.

¹³Na mutumwa wa tsia kulanga Mikaiya ya mu volera, na a vola, Henza, kalunu, makuva gavaprofeti gilwadzeye umwami ubulahi nomunwa mulala; makuva gogo kandi ga ve lugano lulala nagomulala kuvo, na u vole ubulahi.

¹⁴Ma Mikaiya ya vola, Kuli Yahova a veye mwoyo, kya Yahova a mbolera, nikyo kya mbola.

¹⁵Lwa ya duka ku mwami, mwami ya mu teva, Mikaiya, ku tsie kulwana ha Ramothugileadi, naho ku vule kutsia? Naye ya tivula, Yanegira u tsie, na u gasidzwe; na Yahova a la li vika mmakono gomwami.

¹⁶Mwami ya mu volera, Inze nkwisuhidze hali kanga u vule kumbolera likuva kali lilala, navu tswa ageligali ku lieta lya Yahova?

¹⁷Mikaiya ya vola, Inze nda lola Israeli vosi vasalani ku vigulu, kuli magondi ga ta li nomwayi: Yahova ya vola, Yava si va veye nomunene; virane sa mulala mu inyumba yeye nemirembe.

¹⁸Mwami wa Israeli ya volera Jehoshafatu, Si nda ku volera, si ya mprofetera malahi na vutswa madamano ku inze?

¹⁹Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

²⁰Yahova ya vola, Ni bwaha u la gada Ahabu, a duke kwa negirh nokugwa ha Ramothugileadi? Na mulala ya vola kuli yaga, na wundi ya vola kuli yaga.

²¹Na roho mulala gwa twula, ni gu singira imbiri wa Yahova, ni gu vola, Inze nda mu gada.

²²Na Yahova ya mu teva, Na ki? Nagwo gwa vola, Nda twula, ntsie kuva roho gwelivola ububehi mu minwa gyavaprofeti veve vosi Naye ya vola, Ive u la mu gada, kandi u la nyala, tsia u kole ndiyo.

²³Kunangwa kalunu, henza, Yahova u viki roho gwokuvola ububehi mu minwa gyavaprofeti vovo, kandi Yahova u voye ubudamano ku ive.

²⁴Hene yaho Zedekia mwana wa Kenaana yisunda himbi, ni yaala Mikaiya ku hlsaya, na a mu volera, Ya twula ku inze ku inzira ki roho wa Yahova, kukuvolera?

²⁵Mikaiya ya mu volera, Henza, u la lola ku lidiku lya u lingira mu kegodi kyo mu inyumba yoyo kyomugati kwivisa.

²⁶Mwami wa Israeli ya vola, Mu vugule Mikaiya, mu mwirannye ku Amoni governor welidala, noku Joa shu mwana womwami;

²⁷mu vole, Mwami y a vola yaga, Mu vike ugundu yigu mu libofwa, mu mu lageridze ubukima bwobudinyu namadzi gobudinyu, kuduka lwa nzirana nemirembe.

²⁸Na Mikaiya ya mu volera, Nu u va nu wirana nemirembe ligali, Yahova si a vola nomunwa gwange mba. Ya vola, Mu hulire, avandu mwinye mwosi.

²⁹Ma mwami wa Israeli, na Jehoshafatu mwami wa Yuda vanegira kutsia Ramothugileadi.

³⁰Nomwami wa Israeli ya volera Jeho shafatu, na a vola, Inze, ndegirunka nya nduke kwingira mu bulwani; na vutswa ive wivike tsingubo tsitsyo tsyobwami. Ma mwami wa Israeli yegirunkanya ni yingira mu bulwani.

³¹Nomwami wa Siria ya laga avanyampara vamagari gege makumi gavaka na vaviri, na a vola, Mu ta lwana nomuke kinga munene, navutswa mu lwane nomwami wa Israeli yeng'ine.

³²Na ga duka, lwa va nyampara vamagari va lola Jehosha fatu, va vola, Ligali uyu nomwami wa Israeli; ma va tsia kulwana naye: na Jehoshafatu ya kupa lwanga.

³³Na ga duka, avanyampara lwa va lola uyu si a veye mwami wa Israeli mba virana, va vula kumulonda.

³⁴Nomundu mulala ya nyira ubuta bwibwe nobusiru bwibwe, na a lasa mwami wa Israeli hagati hobwongiru bwesalamba yeye: hene yaho ya volera mugendidzi weligari lilye, Girunka nya mukono gugwo u mbile kyova welihe; kigira ndaseywi ligali.

³⁵Nobulwani bwa meda lidiku yili; no mwami yediridzwa a singire mu ligari lilye kulwana na Vasiria, kuduka inyinga ya mgolova ya kudza; na masahi ga twula mu litumiti ni ga tadza mu ligari.

³⁶Makuva ga landa mu lihe kuli inyinga yeliyera lyeliuva, ni ga vola, Mundu sa mulala a tsie mu lidala lilye, kandi sa mulala a tsie mkivala kikye.

³⁷Ma mwami ya kudza, na va mu leta Samaria; ni va ta mwami ha Samaria.

³⁸Ni vogidza ligari himbi nelidavalia lya Samaria; netsimbwa tsya komba masahi gege (na avaheyi vesinganga ha zana); kuli likuva lya Yahova ya vola.

³⁹Na vikolwa vya Ahabu vya tigala, na vyosi vya ya kola, nevyenyumba ya amino getsinzogu ya yombaka, na madala gosi ga yombaka, si vya ng'odwa mu kitabu kyetsinyinga tsyavami va Israeli?

⁴⁰Ahabu ya gona halala navaguga veve; nomwana wewe Aha zia yameha mbugono bwibwe.

⁴¹Jehoshafatu mwana wa Asa ya tanga kwameha ku Yuda ku muhiga gu kola gyine gyelyameha lya Ahabu mu Israeli.

⁴²Jehoshafatu ya li mundu we mihiga makumi gavaka ne gyitano lwa ya tanga kwameha; na yameha mihiga makumi gaviri na gyitano mu Yerusalemi. Ne lieta lya mama wewe lya langwa Azuba mu kana wa Shilihi.

⁴³Naye ya genda ku inzira yosi ya Asa dada wewe; si ya girunkana ha luvega kuyo, na a kola bulungi imbiri wa Yahova: halala na yaga hadiguluku si ha twulidzwa mba; avandu yavo va haananga vihaanwa, nokuvuyidza vimuli hadiguluku.

⁴⁴Na Jehoshafatu ya kola mirembe nomwami wa Israeli.

⁴⁵Vikolwa vyosi vya Jehoshafatu vya tigala, netsingulu tsitsye tsya ya lolekidza, na kuli ya lwana, si vya ng'odwa mu kitabu kyetsinyinga tsyavami va Yuda?

⁴⁶Na litigala lyavaheyi, va tigala kutwula ku madiku ga dada wewe Asa, ya va twulidza mu kivala.

⁴⁷Na si ha li nomwami ha Edom: mundu vutswa ya li munene.

⁴⁸Na Jehoshafatu ya lomba nmato ga Tarshishi kutsia Ofiru kunyola ithahabu; navutswa si ga tsia mba; kigira amato ga vunanywa ha Ezion geberi.

⁴⁹Heneyaho Ahazia mwana wa Ahabu ya volera Jehoshafatu, Mwadza leka avatumekiri vange va tsie halala navatumekiri vovo mu bwato. Navutswa Jehoshafatu si ya bugirira mba.

⁵⁰Na Jehoshafatu ya gona halala na vaguga veve, na ya tebwa halala navaguga veve mu lidala lya Daudi guga wewe; nomwana wewe Jehoram yameha mbugono bwibwe.

⁵¹Ahazia mwana wa Ahabu ya tanga kwameha ku Israeli ha Samaria mmuhiga gu kola likumi na gyitano na gyiviri gyelyameha lya Jehoshafatu mwami wa Yuda, na yameha mihiga gyiviri ku Israeli.

⁵²Naye ya kola budamano imbiri wa Yahova, na ya genda ku inzira ya dada wewe, noku inzira ya mama wewe, noku inzira ya Jeroboam mwana wa Nebati, uyu wa gotidza Israeli.

⁵³Na ya tume kira Baal, nokumusigamira, nokuvihi riridza Yahova, Nyasaye wa Israeli, kuli vyosi vya dada wewe ya kola.