Read lulogooli 2 Avami 13 Bible Online

2 Avami 13 - lulogooli bible

2 Avami 13

¹Muhiga gwa makumi gaviri ne gyivaka gwa Joashu mwana wa Ahazia, mwami wa Yuda, Jehoahazu mwana wa Jehu ya tanga kwameha ku Israeli mu Samaria, na yameha mihiga likumi na gyitano na gyiviri.

²Na ya kola budamano imbiri wa Yahova, nokulonda ubwoni bwa Jeroboam mwana wa Nebati, bwa ya gotidzira ku Israeli; si yavukana nabwo mba.

³Ubutima bwa Yahova bwaaka ku Israeli, na a va vika mu mukono gwa Hazaeli mwami wa Siria, nommukono gwa Benhadadi mwana wa Hazaeli, madiku gosi.

⁴Jehoahazu ya saala Yahova, na Yahova ya mu hulira; kigira ya lola lidambidzwa lya Israeli, kuli mwami wa Siria ya va dambidza.

⁵(Yahova ya ha Israeli umuhonyi, kuna ngwa va twula mmukono gwa Vasiria; navana va Israeli va menya mmahema gavo kuli ku matsyambiri.

⁶Navutswa va vula kwavukana nobwoni bwenyumba ya Jeroboam, bwa ya gotidzira ku Israeli, navutswa va genda mubwo: kandi misala gyemisambwa gya tigala mu Samaria.)

⁷Kigira si ya lekera Jeho ahazu avandu, ni va ta li yavo ava nina ku tsiparasi avandu makumi gatano, na magari likumi, navasikari va genda nevirenge tsielfu likumi; kigira mwami wa Siria ya va dividza, nokuvakola va ve kuli lugukyi mu lihuula lyobuswage.

⁸Na vikolwa vya Jehoahazu vya tagala, na vyosi vya ya kola, netsingulu tsitsye, si vya ng'odwa mu kitabu kyetsinyinga tsyavami va Israeli?

⁹Na Jehoahazu ya gona halala navaguga veve; na va mu ta mu Samaria: na Joashu mwana wewe yameha mbugono bwibwe.

¹⁰Muhiga gwa makumi gavaka na gyitano na gyiviri gyelyameha lya Joashu mwami wa Yuda Jehoashu mwana wa Jehoahazu ya tanga kwameha ku Israeli mu Samaria, naye yameha mihiga likumi na gyitano nomulala.

¹¹Naye ya kola buda mano imbiri wa Yahova; si yavukana nobwoni bwosi bwa Jeroboam mwana wa Nebati, bwa ya gotidzira ku Israeli; navutswa ya genda mubwo.

¹²Na vikolwa vya Joashu vya tigala, nevindu vyosi vya ya kola, netsingulu tsitsye tsya ya lwanira na Amazia mwami wa Yuda, si vya ng'odwa mu kitabu kyetsinyinga tsyavami va Israeli?

¹³Joashu ya gona halala navaguga veve; na Jeroboam yikala ku intebe yeye yobwami: na Joashu ya tebwa mu Samaria halala navami va Israeli.

¹⁴Na Elisha, bulwaye bwibwe bwelikudza bwa mu gumira: na Joashu mwami wa Israeli ya sulunguta kutsia kumulola, na a lirira kuye, na a vola, Dada wange, dada wange, magari ga Israeli navokunina ku tsiparasi veve

¹⁵Elisha ya mu volera, Vugula buta nemibano; na ya vugula buta nemibano.

¹⁶Na a volera mwami wa Israeli, Vika mukono gugwo ku buta; na ya vika ku mukono gwigwe. Na Elisha ya vika makono gege igulu warnakono gomwami.

¹⁷Na ya mu volera, Igula lidirisha ku luvega lwevugwe; naye yigula. Ma Elisha ya mu volera, Lasa mibano; naye ya lasa. Elisha ya vola, Umbano gweliguuta lya Yahova umbano gweliguutwa lya Siria; ki gira u la kuyira Vasiria mu Afeku, u luhe u va dividze.

¹⁸Ya mu volera, Vugula mibano; naye ya gyi vugula. Ya volera mwami wa Israeli, Kuya hasi; naye ya kuya hali kavaka, na a leka.

¹⁹Nomundu wa Nyasaye ya vihirirwa kuye, na a vola, Ga ku dukira kukuya hali gatano kinga hali gatano nolulala: kunangwa ngano wa ka kuya Siria u la luha u la ki heridza; navutswa kalunu u la kuya Siria hali kavaka vutswa.

²⁰Elisha ya kudza, na va mu ta. Viduma vya Vamoabu vingira mu kivala yikyo mu litanga lyomuhiga.

²¹Na ga duka, lwa va li mu lita mundu, henza, va lola kiduma; navo va ta mukudzo mu kilindwa kya Elisha: nonoho mukudzo lwa ya dira ku vigumba vya Elisha, ya simuguka, na a singira.

²²Hazaeli mwami wa Siria ya dambidza Israeli madiku gosi ga Jehoahazu.

²³Navutswa Yahova ya va vererera, na a yeka kuvo, kigira lilagana lilye lya ya kola na Abra hamu, na Isaka, na Yakobo, na ya vula kuvadividza, kandi si ya va syuva kutwula imbiri wewe inyinga yeyo.

²⁴Na Hazaeli mwami wa Siria ya kudza; na Benhadadi mwana wewe yameha mbugono bwibwe.

²⁵Na Jehoashu mwana wa Jehoahazuya vugula kandi madala ga Hazaeli ya twulidza mmukono gwa Jehoahazu dada wewe, nobulwani. Hali kavaka Joashu ya mu guuta, na a nyola madala ga Israeli.