Read lulogooli 2 Avami 21 Bible Online

2 Avami 21 - lulogooli bible

2 Avami 21

¹Manase ya li mundu wemihiga likumi na gyiviri lwa ya tanga kwameha; na yameha mihiga makumi gatano na gyitano ha Yerusalemi: nelieta lya mama wewe lya langwa Hefiziba.

²Na ya kola ubudamano imbiri wa Yahova, kuli kivihiri kyetsihiri tsya Yahova ya kunga kutwula imbiri wavana va Israeli.

³Kigira yombaka kandi hadiguluku ha dada wewe Hezekia ya sambula; naye yombakira Baal ubwali, na a lomba misala gyemisambwa, kuli Ahabu mwami wa Israeli ya kola, na a sigamira lihe lyosi lyomigulu, nokulitumekira.

⁴Kandi yombaka ubwali bwundi mu inyumba ya Yahova, bwa Yahova ya vola ku makuva yaga, Nda vika lieta lyange mu Yerusalemi.

⁵Na yombakira lihe lyosi lyomigulu ubwali bunyingi mu migidzi gyiviri gyenyumba ya Yahova.

⁶Na ya vitidza mwana wewe muyai hagati homuliru, na ya ng'olera ku malesi, na ya kola busegetiri, na ya tsia ku avevigingi vya syukira, na vakumu: ya kola budamano bunyingi imbiri wa Yahova, kurnuvihiriridza.

⁷Kiiwananyi kyokuvadzwa kyomusala gwemisambwa, kya ya lomba, ya ki vika mu inyumba ya Yahova ya volera Daudi na mwana wewe Solomoni, na a vola, Mu inyumba yiyi, nomu Yerusalemi, lidala lya ndetovolera mu tsihiri tsyosi tsya Israeli, nda vika lieta lyange yo mihiga nemihiga;

⁸kandi si ndadikidza virenge vya Israeli kutsia kuvoyavoya nokutwula mkivala yiki kya nda ha vaguga vavo, ni va va ni va gumira nokukola kuli gosi ga nda va laga, na kuli lilaga lyosi lyomutumekiri wange Musa ya va laga.

⁹Navutswa si va hulira: na Manase ya va gotidza va duke kukola ubudamano, kuvita bwa vetsihiri va kola, tsya Yahova ya dividza imbiri wavana va Israeli.

¹⁰Yahova ya vola nomunwa gwavatumekiri veve avaprofeti, na a vola,

¹¹Kigira Manase mwami wa Yuda ya kola kivihiri yiki, nokukola budamano kuvita budamano bwosi bwa Vaamori va kola, ava li imbiri wewe, na ya gotidzira Yuda ku vifwananyi vivye;

¹²kigira yaga Yahova, Nyasaye wa Israeli, a vola, Henza, ndeta ubudamano ku Yerusalemi noku Yuda, kuduka sa mulala u hulira makuva yaga, amatu gege ga la tsinatsina.

¹³Na inze nda nyira ku Yerusalemi mugoye gwa Samaria, na plumb yenyumba ya Ahabu na ndeya Yerusalemi kuli mundu yeyanga isahani, ku lyeya nokuligirunkannya mmoni mu henza hasi.

¹⁴Na nda syuva ligali li tigala lyemiyandu gyange, nokuvavika mmakono gavasigu vavo; navo va la hilwa avahambe, na lilanye lyavasigu vavo;

¹⁵kigira va kola ubudamano imbiri wange, na va mbihiriridza, kutwula lidiku lyavaguga vavo va twula Egepeti, kuduka lero.

¹⁶Kandi Manase ya tahidza masahi manyingi ga ta li nekindu, kuduka ya gizulitsa Yerusalemi kutwula luvega yilu kuduka luvega lundi; kuvita bwoni bwibwe bwa ya kola bwa ya gotidzira ku Yuda, ku likola budamano imbiri wa Yahova.

¹⁷Vikolwa vya Manase vya tigala, nevindi vyosi vya ya kola, nobwoni bwibwe bwa ya kola, si vya ng'odwa mu kitabu kyetsinyinga tsyavami va Yuda?

¹⁸Manase ya gona halala navaguga veve, na a tebwa mu mulimi gwenyumba yeye mwene, nagwo ni mulimi gwa Uzza; na mwana wewe Amoni yameha mbugono bwibwe.

¹⁹Amoni ya li nemihiga makumi gaviri na gyiviri lwa ya tanga kwameha; na yameha mihiga gyiviri mu Yerusalemi: na lieta lya mama wewe lya langwa Meshulemethu mukana wa Haruzu wa Jotiba.

²⁰Naye ya kola budamano imbiri wa Yahova kuli bwa Manase dada wewe ya kola.

²¹Ya genda mu tsinzira tsyosi tsya dada wewe ya genda mu, nokutume kira vifwananyi vya dada wewe ya tumekira, nokuvisigamira:

²²Na ya leka Yahova, Nyasaye wavaguga veve, na a vula kugenda ku inzira ya Yahova.

²³Na vatumekiri va Amoni va kola bwebaali kuye, nokwiitira mwami mu inyumba yeye.

²⁴Navutswa avandu vekivala viita yavo vosi ava kola bwebaali ku mwami Amoni; navandu vamehidza Josia mwana wewe nokumuha ubwami mbugono bwibwe.

²⁵Vikolwa vya Amoni vya tigala vya ya kola, si vya ng'odwa mu kitabu kyetsinyinga tsyavami va Yuda?

²⁶Naye ya tebwa mu kilindwa kikye mu mulimi gwa Uzza: na mwana wewe Josia yameha mbugono bwibwe.