Read lulogooli 2 Avami 24 Bible Online

2 Avami 24 - lulogooli bible

2 Avami 24

¹Mu madiku gege Nebukadinezaru mwami wa Babuloni yanegira, na Jehoiakim ya gwa mutumekiri wewe mihiga gyivaka: ma ya girunkana na a mu tinguha.

²Yahova ya tuma viduma vya Vakalidei, neviduma vya Vasiria, neviduma vya Vamoabu, neviduma vya avana va Amon, vi tsie kulwana naye, ya tuma yavo va lwane na Y uda va duka kuvadividza, kuli likuva lya Yahova, lya ya vola nomunwa gwavatumekiri veve avaprofeti.

³Inkuva yeyo ligali ya duka ku Yuda, kigira lilaga lya Yahova kuvatwulidza imbiri wetsimoni tsitsye, kigira ubwoni bwa Manase, kuli vyosi vya ya kola,

⁴kandi kigira masahi ga ta li nekindu ga ya tahidza; kigira yizulitsa Yeru salemi namasahi ga ta li nekindu: na Yahova si ya bugirira kusameha mba.

⁵Vikolwa vya Jehoiakim vya tigala, nevyosi vya ya kola, si vya ng'odwa mu kitabu kyetsinyinga tsyavami va Yuda?

⁶Ma Jehoiakim ya gona halala navaguga veve; nomwana wewe Jehoiakin yameha mbugono bwibwe.

⁷Na mwami wa Egepeti si ya twula mkivala kikye kandi: kigira mwami wa Babuloni ya li na a mali kugumira kivala, kutwula ku mugera gwa Egepeti, kuduka ku mugera gwa Farati, kyosi kya li kyomwami wa Egepeti.

⁸Jehoiakin ya li wemihiga likumi na gyitano na gyivaka lwa ya tanga kwameha; na yameha mu Yerusalemi myeli gyivaka: lieta lya mama wewe lya langwa Nehushita mukana wa Elinathan we Yerusalemi.

⁹Na ya kola budamano imbiri wa Yahova, kuli vyosi vya vaguga veve va kola.

¹⁰Inyinga yeyo avatumekiri wa Nebukadinezaru mwami wa Babuloni vanegira kutsia Yerusalemi, nelidala lya kumbiridzwa.

¹¹Na Nebuka dinezaru mwami wa Babuloni ya duka ku lidala yilyo, lwa avatumekiri veve va li kumbiridzanga;

¹²na Jehoiakin mwami wa Yuda ya twula kutsia ku mwami wa Babuloni, uyu, na mama wewe, navatumekiri veve, navanene vavandu veve, navanya mpara veve: nomwami wa Babuloni ya mu gumira muhambe, mu muhiga gwa kola gyitano negyivaka gwelya meha lilye.

¹³Naye ya hila kutwula yo akiba yosi venyumba ya Yahova, na akiba y osi yenyumba yomwami, na yatanya viju vyosi vyethahabu, vya Solomoni mwami wa Israeli ya li ni ya lomba mu litempeli lya Yahova, kuli Yahova ya vola.

¹⁴Naye ya lanya Yerusalemi vosi navanene valyo vosi, na valuviriri avetsingulu vosi, avahambe tsielfu likumi, na vasidza vosi na vatuli vosi; si ha tigala nomundu mba, ni va ta li avadedekere, navadaka vekivala.

¹⁵Na ya hila Jehoiakin muhambe na a tsia naye Babuloni; na mama womwami, navakali vomwami, na vanyampara veve, navanene vekivala, ya va hila vahambe kutwula Yerusa lemi, na a tsia navo Babuloni.

¹⁶Navetsingulu vosi, avandu tsielfu tsitano ne tsiviri, na vasidza navatuli elfu indala, vosi va li avetsingulu kudukana nobulwani, yavo vosi mwami wa Babuloni ya va hila avahambe na a tsia navo Babuloni.

¹⁷Mwami wa Babuloni yamehidza Matania, amwavo ise womwami, kuva mwami mbugono bwibwe, na ya girunkannya lieta lilye na a mu gulika Zedekia.

¹⁸Zedekia ya li wemihiga makumi gaviri na mulala lwa ya tanga kwameha, na yameha mihiga likumi na mulala ha Yerusalemi: na lieta lya mama wewe lya langwa Hamutali mukana wa Jeremia wa Libina.

¹⁹Na ya kola ubudamano imbiri wa Yahova, kuli vyosi vya Jehoiakim ya kola.

²⁰Kigira ubutima bwa Yahova vindu yivi vya duka ku Yerusalemi na Yuda, kuduka lwa ya va ta vosi va twule imbiri wewe ligali.