Read lulogooli 2 Avami 25 Bible Online

2 Avami 25 - lulogooli bible

2 Avami 25

¹Na Zedekia ya tinguha mwami wa Babuloni. Na ga duka ku muhiga gwa kola gyitano na gyine gwelyameha lilye, ku mweli gwelikumi, ku lidiku lyelikumi lyomweli Nebukadinezaru mwami wa Babuloni yadza, nelihe lilye lyosi, kulwana na Yerusalemi, navo vombaka mahema gavo ku li kumbiridza; na vombaka tsimpinga kwigalira lidala.

²Ma lidala ligalirwa kuduka ku muhiga gwelikumi na mulala gwelyameha lyomwami Zedekia.

³Noku lidiku lya kola gatano na gane lyomweli gwa kane, inzala ya li inene ligali mu lidala zana, kuduka vyokulia vya vula ku vandu vekivala.

⁴Ma va hudula lidigi lyelidala, navandu vosi velihe viruka ubudiku, va londa inzira yekiribwa kya li hagati ha madigi gaviri, kya li himbi nomulimi gwomwami (Vakalidei va li ni vigaliye lidala zana); nomwami ya tsia ku inzira ye Kereremu.

⁵Navutswa lihe lya Vakalidei lya londerera mwami, na va mu nyolera mu kivala kye kereremu kya Yeriko; navasikari veve va li ni va mali kusalana noku muleka.

⁶Ma va vugula mwami, nokumuhila ku mwami wa Babuloni mu Ribila; na va mu kalagira mzkuva gege.

⁷Na viita avana va Zedekia avayai imbiri wetsimoni tsitsye, na va hudula Zedekia tsimoni, nokumu mbika mmunyororo, ni va mu hila Babuloni.

⁸Kunangwa ku mweli gwegyitano, ku lidiku lya gatano na gaviri lyomweli, nagwo gwa li muhiga gwa kola likumi na gyitano na gyine gwelyameha lya Nebukadinezaru, mwami wa Babuloni, Nebuzaradan, munya mpara wavalindi, mutumekiri wo mwami wa Babuloni, yadza Yerusa lemi.

⁹Na ya samba inyumba ya Yahova, nenyumba yomwami, netsinyumba tsyosi tsye Yerusalemi, sa indala ya li inene, ya gi samba nomuliru.

¹⁰Na lihe lyosi lya Vakalidei, ava li halala nomunyampara wavali ndi, va sambula madigi getsingaga tsye Yerusalemi hosi,

¹¹Na va tigala ku avandu vomu lidala, noku yavo aviruka, avirukira ku mwami wa Babuloni, na yava va tigala ku kiduma kinene, Nebuzaradan mu nyampara wavalindi ya va hila avahambe vosi.

¹²Navutswa mu nyampara wavalindi ya leka valala ku avadedekere vekivala va ve ava lindi vemizabibu na valimi.

¹³Na tsitiru tsyomugasa tsya mu inyumba ya Yahova, na vyoku ginga, nenyanza yomugasa, ya li mu inyumba ya Yahova, Vakalidei va vyatanyi, na va hila mugasa Babulo ni.

¹⁴Na tsinyingu, nevivango, na makasi, nevijiko, neviju vyosi vyomu gasa vya va tumekira mu butumiki bwavo, va vi hila vyosi.

¹⁵Na tsinju, netsindavo; vya li vyethaha bu, ithahabu yakyo, na kya li ifetha, ifetha yakyo, munyampara wavalindi ya vi hila vyosi.

¹⁶Tsitiru tsiviri, inyanza indala nevyokuginga, vya Solomoni ya lombera inyumba ya Yahova, mugasa gwevindu yivi vyosi si gwa li nekigero.

¹⁷Butambi bwetiru indala bwa li ligera lyomukono likumi na gatano na gavaka, nomutwe gwomugasa gwa li kuyonobutambi bwomutwe zana bwa li ligera lyamakono gavaka, halala na mangilinya gatsyo na makomomanga ga kumbiridza mutwe zana tsimbega tsyosi, gosi ga li agomugasa; netiru yindi iya li lugano lulala halala na mangelinya.

¹⁸Na munyampara wavalindi ya vugula Seraia wa li musalisi munene na Zefania musalisi wa kaviri, navalindi vavaka vekiliango:

¹⁹nomu lidala ya vugula munyampara wa li ku avandu wobulwani; navandu vatano ku yavo ava singira imbiri womwami ava nyoleka mu lidala; na uyu mung'odi, munyampara wa vungidza avandu vomu kivaia, navandu ma kumi gatano na lilala ku avandu vekivala, ava nyoleka mu lidala yilyo.

²⁰Na Nebuzaradan, munyampara wavalindi, ya va vugula, na ya va hila ku mwami wa Babuloni wa li Ribila.

²¹Na mwami wa Babuloni ya va kuya, na viitira ha Ribila mu kivala kya Hamathu. Ni ndiyo ya hila Yuda umuhambe kutwula mkivala kikye.

²²Na vandu va tigala mu kivala kya Yuda, ava Nebukadinezaru mwami wa Babuloni ya leka, ya kola Gedalia mwana wa Ahikam, mwana wa Shafan, a ve governor wekivala.

²³Avanyampara vosi vamahe gosi, lwa va hulira mwami wa Babuloni wamehidza Gedalia a ve governor, vadza ku Gedalia ha Mizipa, navo ni yava, Ishmaeli mwana wa Nethania, na Johanan mwana wa Karea, na Seraia mwana wa Tanhumethu Munetofathi na Jazania mwana wa Mumaakathi, yava navandu vavo.

²⁴Na Gedalia yesuhira yavo na vandu vavo, na a va volera, Mu ta tia kigira avatumekiri va Vakalidei: mu menye mu kivala, na mu tumekire mwami wa Babuloni, na mu la va nobugasu.

²⁵Navutswa ga duka ku mweli gwegyitano ne gyiviri, Ishmaeli mwana wa Nethania, mwana wa Elishama, wa li ku kisukululwi kyomwami, yadza, navandu likumi halala naye, na ya kuya Gedalia na ya kudza, na Vayuda na Vakalidei ava li halala naye ha Mizipa.

²⁶Navandu vosi, avakekeke navanene, navanyampara navasikari, va singira nokusulunguta Egepeti; kigira va tia Vakalidei.

²⁷Na ga duka ku muhiga gwa kola makumi gavaka na gyitano na gyiviri gwa libofwa lya Johoiakin mwami wa Yuda, ku mweli gwelikumi negyiviri, ku lidiku lya makumi gaviri na gatano na gaviri lyomweli, Evilimerodaku, mwami wa Babuloni, mu muhiga gwa ya tanga kwameha, ya ginga mutwe gwa Jehoiakin mwami wa Yuda, kumutwulidza mbuhambe;

²⁸na ya mu volera nobulahi, na a mu ha intebe yeye yobwami i ve igulu kuvita intebe yavami ava li halala naye mu Babuloni.

²⁹Na ya girunkannya tsingubo tsitsye tsyobuhambe; na ya lagira imbiri wewe kazozo madiku gosi gelivamwoyo lilye:

³⁰nelihebwa lilye, ya li nelihebwa kazozo lyomwami ya mu ha, lidiku nelidiku kidieli kyikye, madiku gosi agelivamwoyo lilye.