Read lulogooli 2 Avami 8 Bible Online

2 Avami 8 - lulogooli bible

2 Avami 8

¹Na Elisha ya li ni ya volera mukali, wa ya simugukidza mwana wewe, na a vola, Vuka, ive navenyumba yoyo, u tsie kumenya hosi ho u nyola ubumenyo: kigira Yahova wa langa inzala i duke; nayo i la va ku kivala mihiga gyitano na gyiviri.

²Na mukali zana ya singira, na a kola kuli livola lyomundu wa Nyasaye; na a tsia navenyumba yeye, na a menya mu kivala kya Vafilisiti mihiga gyitano na gyiviri.

³Na ga duka, inyima wemihiga gyitano na gyiviri, umukali uyu yirana kutwula mu kivala kya Vafilisiti: naye ya twula kutsia kwanira ku mwami kigira inyumba yeye kandi kigira milimi gyigye.

⁴Na mwami ya volerana na Gehazi mutumekiri womundu wa Nyasaye, na a vola Mwadza, u mbolere vindu vinene vyosi vya Elisha ya kola.

⁵Na ga duka, lwa ya li na a voleranga mwami kuli ya simugukidza wa li na a kudzi, henza, mukali zana, wa ya simugu kidza mwana wewe, yanira ku mwami kigira inyumba yeye, nemilimi gyigye. Gehazi ya vola, O munene wange, mwami, henza nguyu mukali zana, nomwana wewe nguyu, wa Elisha ya simugukidza.

⁶Mwami lwa ya teva mukali zana, ya mu volera. Ma mwami ya mu ha munyampara mulala, na a vola, Wiranyire mukali uyu vyosi vya li vivye, nelyama lyosi lyomulimi kutwula lidiku lya ya leka kivala, kuduka lero.

⁷Na Elisha ya tsia Damasko; na Ben-hadadi mwami wa Siria ya li mulwaye; naye ya volerwa, kuvola, Mundu wa Nyasaye udzi ino.

⁸Mwami ya volera Hazaeli, Vugula madanyi mmukono gugwo, u tsie kulolana nomundu wa Nyasaye, u te vere Yahova kuye, u vole, Nda hona ku bulwaye yibu naho?

⁹Ma Ha zaeli ya tsia na a lolana naye, na ya vugula madanyi mmukono gwigwe, ku vindu vyosi vilahi vya nyoleka mu Damasko, vya dwka misigo gyetsi ngamia makumi gane, na yadza na a singira imbiri wewe, na a vola, Mwana wowo Benhadadi, mwami wa Siria u ntumi ku ive, a teva Nda hona ubulwayi yibu, nahoi

¹⁰Na Elisha ya mu volera, Tsia, u mu volere, Ligali ive u la hona; navutswa Yahova u mmannyi inze ligali a la kudza.

¹¹Ya mwumika ligali, kuduka na ava isoni: na mundu wa Nyasaye yidoola maliga.

¹²Ha zaeli ya teva, Munene wange a lilira ki? Ya tivula, Kigira man, a ubu damano ubwa ive u la kolera avana va Israeli: u la samba tsimpinga tsyavo, na vasoleli vavo u la viita nekivavi, na u la shonolannya twana twavo, na vakali vavo ava veye inda u latannya.

¹³Na Hazaeli ya vola, Navutswa mutumekiri wowo a veye ki, inze u veye imbwa vutswa, nduke kukola kindu kinene yiki? Na Elisha ya tivula, Yahova a mmannyi ive u la va mwami ku Siria.

¹⁴Ma ya leka Elisha, na a tsia ku munene wewe; ya mu teva, Elisha a ku voleye ndi? Naye ya tivula, Ya mbolela ligali u la hona.

¹⁵Na ga duka mugamba, ya vugula ingubo indiduhu, ni yina mu madzi, ni ye huma mmoni, kuduka na a kudza: na Hazaeli yameha mbugono bwibwe.

¹⁶Mu muhiga gwa kola gyitano gwelyameha lya Joram mwana wa Ahabu mwami wa Israeli, Jehoshafatu niye wa li mwami wa Yuda, Jehoram mwana wa Jehoshafatu mwami wa Yuda, ya tanga kwameha.

¹⁷Ya li mundu wemihiga makumi gavaka na gyiviri lwa ya tanga kwa meha; na yameha mihiga gyitano na gvivaka mu Yerusalemi.

¹⁸Ya genda mu tsinzira tsyavami va Israeli, kuli avandu venyumba ya Ahabu va kola: kigira mukali wewe ya li mukana wa Ahabu; na ya kola ubu damano imbiri wa Yahova.

¹⁹Navutswa Yahova si a bugirira kwono nya Yuda, kigira mutumekiri wewe Daudi, kuli ya mu suuviridza a la mu ha itaya i ve avana veve kazozo.

²⁰Mu madiku gege Edom ya tinguha nokutwula isi womukono gwa Yuda, na velombera umwami wavo avene.

²¹Hene yaho Joram yambuka kutsia Zairu, na magari gege gosi halala naye: na ya vuka budiku, na a kuya Vaedom ava mu kumbiri dza tsimbega tsyosi, navanyampara vamagari: navandu avene virukira mmahema gavo.

²²Navutswa Edom yebaala nokutwula isi womukono gwa Yuda kuduka lero. Inyinga yeyo kandi Libina yebaala.

²³Vikolwa vya Joram vya tigala, nevindu vyosi vya ya kola, si vya ng'odwa mu kitabu kyetsinyinga tsyavami va Yuda?

²⁴Na Joram ya gona halala navaguga veve, na a tebwa halala navaguga veve mu lidala lya Daudi; na Ahazia mwana wewe yameha mbugono bwibwe.

²⁵Mu muhiga gwelikumi na gyiviri gwelyameha lya Joram mwana wa Ahabu mwami wa Israeli Ahazia mwana wa Jehoram mwami wa Yuda ya tanga kwameha.

²⁶Ahazia lwa ya tanga kwameha ya li mundu wemi higa makumi gaviri na gyiviri yameha muhiga mulala mu Y eru salemi. Mama wewe ya langwa Athalia mukana wa Omri mwami wa Israeli.

²⁷Ya genda ku inzira yenyumba ya Ahabu, na ya kola budamano imbiri wa Yahova, kuli inyumba ya Ahabu ya kola; kigira ya li nomukali wenyumba ya Ahabu.

²⁸Ya tsia halala na Joram mwana wa Ahabu kulwana na Hazaeli mwami wa Siria ha Ramothu gileadi: Vasiria vaata Joram tsing'oma.

²⁹Mwami Joram yirana Jezireeli kulwalidzwa tsing'oma tsya Vasiria va mwaatira ha Rama, lwa ya lwana na Hazaeli mwami wa Siria. Na Ahazia mwana wa Jehoram mwami wa Yuda ya sulunguta kulola Joram mwana wa Ahabu ha Jezireeli, kigira ya li mulwaye.