Read lulogooli 1 Kyetsinyinga 15 Bible Online

1 Kyetsinyinga 15 - lulogooli bible

1 Kyetsinyinga 15

¹Daudi yeyombakira tsinyumba mu lidala lya Daudi; na ya lomba hango helisanduku lya Nya saye, na a li singeridzira lihema.

²Hene yaho Daudi ya vola, Si ga dukiranga mundu ku vosi kuginga lisanduku lya Nyasaye ni va ta li Valevi veng'ine: kigira yavo nivo va Yahova ya tovola va ginge lisanduku lya Nyasaye, nokumutumekira ka zozo.

³Kunangwa Daudi ya vungi dza Israeli vosi ha Yerusalemi, va duke kuleta lisanduku lya Nyasaye nokulivika hango halyo, ha ya li lombera.

⁴Daudi ya vungidza ha lala avana va Haruni, na Valevi:

⁵ku avana va Kohathu, munene wavo Urieli, navamwavo veve mia na makumi gaviri;

⁶noku avana va Merari, munene wavo Asaia, navamwavo veve tsimia tsiviri na makumi gaviri;

⁷noku avana va Gerishom, munene wavo Joeli, nava mwavo veve mia na makumi gavaka

⁸noku avana va Elizafan, munene wavo Shemaia, navamwavo veve tsimia tsiviri;

⁹noku avana va Hebironi, munene wavo Elieli, nava mwavo veve makumi gatano na gavaka;

¹⁰noku avana va Uzieli, munene wavo Aminadabu, nava mwavo veve mia na likumi na vaviri.

¹¹Kandi Daudi ya langa Zadoku na Abiatharu avasalisi, na Valevi, na Urieli, na Asaia, na Joeli, na Shemaia na Elieli, na Aminadabu,

¹²na a va volera, Mwinye mu veye mitwe gyetsinyumba tsyavaguga va Valevi: mwetakase avene, mwinye nava mwavo venyu, mu duke kwanegeridza lisanduku lya Yahova, Nyasaye wa Israeli, lingire hango ha nda li lo mbera.

¹³Kigira si mwa li ginga ku matsyambiri, Yahova Nyasaye wetu ya ku twulira, kigira si kwa mwenya kuli lilagano.

¹⁴Ma vasa lisi na Valevi vetakasa avene va duke kwanegeridza lisanduku lya Yahova Nyasaye wa Israeli.

¹⁵Navana va Levi va ginga lisanduku lya Nyasaye ku mavega gavo ku misala gyokuli ginga, kuli Musa ya laga kuli likuva lya Yahova.

¹⁶Na Daudi ya volera munene wa Valevi kuvika vamwavo vavo vo kwimba, halala neviju vyavo vyetsi nyimbu, ubukana, nobukana bwemi goye, nevikuli vyokulangirira, na va ginga myoyo gyavo nobusangali.

¹⁷Ma Valevi va tovola Heman mwana wa Joeli, noku vamwavo veve, va vika Asafu mwana wa Berekia; noku avamwavo vavo ava na va Merari, va Ethan mwana wa Kushaia;

¹⁸na halala navo avamwavo vavo velivalidzwa lya kaviri, Zekaria, na Ben, na Jaazieli, na Shemiramothu, na Jehieli, na Unni, na Eliabu, na Benaia, na Maaseia, na Matithia, na Elifelehu, na Mikineia, na Obededom, na Jeieli, avalindi vemiliango.

¹⁹Ma avetsinyimbu, Heman na Asafu, na Ethan, va tovolu a halala nevikuli vyomugasa kusaalidza nokulangirira ligali;

²⁰na Zekaria, na Azieli, na Shemiramothu, na Jehieli, na Unni, na Eliabu, na Maaseia, na Benaia, halala nobukana bwemyoyo kuli myoyo gyavakana vasoleli;

²¹na Matithia, na Elife lehu, na Mikineia, na Obededom, na Jeieli, na Azazia, halala nobukana bwavo, bwemigoye gyitano na gyi vaka, va duke kwimirira.

²²Na Kenania, munene wa Valevi, niye wa li igulu wolwimbu: niye wegidza makuva golwimbu, kigira ya li nobusidza.

²³Na Berekia, na Eli kana va li avalindi vomuliango gwenyumba gwe lisanduku.

²⁴Na Shebania, na Joshafatu, na Nethaneli, na Amasai, na Zekaria, na Benaia, na Eliezeru, avasalisi, va kupa visiliva imbiri welisanduku lya Nyasaye: na e Obededom na Jehia va li avalindi va muliango gwokwingira ha lisanduku.

²⁵Ma Daudi, navakulundu va Israeli, navanyampara vetsielfu, va tsia kwanegeridza lisanduku lyelila gana lya Yahova kutwula mu inyu mba ya Obededom nobusangali.

²⁶Na ga duka, lwa Nyasaye ya konya Valevi ava ginga lisanduku lyelilagana lya Yahova, hene yaho viita tsing'ombe tsitano na tsiviri, namagondi makole gatano na gaviri kuva kihaanwa.

²⁷Na Daudi yi vika ingubo yekatani indahi, na Valevi vosi ava ginga lisanduku, navetsinyimbu, na Kenania, wa li munene ku vetsinyimbu halala na vetsinyumbu: na Daudi yivika kisi bao kyekatani.

²⁸Na ndiyo Israeli vosi vanegeridza lisanduku lyelilagana lya Yahova halala nelihanzuka, no mwoyo gwevisiliva, na ling'alala, nevikuli, ni va hanzuka ligali halala nobukana, nobukana bwemigoye.

²⁹Na ga duka lwa lisanduku lyeli lagana lya Yahova lya duka mu lidala lya Daudi, Mikali mukana wa Saulo ya henzera mu lidirisha, na a lola mwami naudi na a tumatuma noku kina; na ya mu lega mu mwoyo gwigwe.