Read lulogooli 1 Kyetsinyinga 20 Bible Online

1 Kyetsinyinga 20 - lulogooli bible

1 Kyetsinyinga 20

¹Na ga duka, inyinga yelirana lyomuhiga, inyinga yelitwula lyavami va tsia kuluana, Joabu ya vimiririra bunyali bwelihe lyavasikari, na yononya kivala kyavana va Amon, kandi ya tsia kukumbiridza lidala lya Raba. Navutswa Daudi ya menya ha Yerusalemi. Na Joabu ya kuya Raba, nokulitung'aminya.

²Daudi ya vugula itaji yomwami wavo ku mutwe gwigwe, ya lola ubuliduhu bwayo bwa li ubu duka italenta indala yethahabu, nayo ya li mu namagina gobuguli budinyu; na ya vikwa ku mutwe gwa Daudi: naye ya vugula na a leta kyova vya hulwa mu lidala, vindu vinyingi ligali.

³Na ya twulidza avandu va li mu lidala, na ya va donyannya nemisameno, nevivambo vyevivya, netsimbadzi. Na ndiyo Daudi ya kolera madala gosi gavana va Amon. Ma Daudi navandu vosi virana Yerusalemi.

⁴Na ga duka inyima wa yaga, ubulwani bwa vuka kandi ha Gezeri na Vafilisiti: na Sibekai Muhushathu yiita Sibekai, wa li mulala ku avana va uyu gundu; navo va guutwa.

⁵Na kandi ubulwani bwa duka na Vafilisiti; na Elihanan mwana wa Jairu yiita Lahami amwavo Goliati Mugiti, woluvango lwelitimu lilye lwa li kuli muluguyu.

⁶Kandi ubulwani bwa duka ha Gathu, ha li ho no mundu mutambi ligali, wevidete vivye nevino vivye vya li makumi gaviri na vine, vitano na kilala ku mukono mulala, na vitano na kilala ku kirenge kilala: uyu kandi yivulwa ku gundu.

⁷Na lwa ya lega Israeli, Jonathan mwana wa Shimea amwavo wa Daudi ya mwiita.

⁸Yavo nivo avivulwa ku gundu ha Gathu; navo va gwa nomukono gwa Daudi, noku makono gavatumekiri veve.