Read lulogooli 1 Kyetsinyinga 21 Bible Online

1 Kyetsinyinga 21 - lulogooli bible

1 Kyetsinyinga 21

¹Inyinga yeyo Setani ya vukira Israeli, na a vukidzira Daudi tsiganagani tsyokuvalidza Israeli.

²Na Daudi ya volera Joabu nava nene vavandu, na a vola, Mu tsie kuvalidza Israeli, kutwula Beersheba kuduka Dan; mu lete makuva ku inze, nduke kumanya livalidzwa lya vo.

³Joabu ya tivula, Yahova a kole avandu veve kumedeka hali mia kuvita livalidzwa lya va veye navyo: navutswa, umunene wange mwami, yavo vosi si va veye avatumekiri vomunene wange? Munene wange yenyanga likuva yili kigira ki? A la va wokwikigitalidza Israeli kigira ki?

⁴Navutswa likuva lyomwami lya li netsingulu kuvita Joabu. Ma Joabu ya twula, na a tsia mu Israeli mwosi, na ya duka Yerusalemi.

⁵Na Joabu ya letera Daudi liduka lyelivalidzwa lyavandu yavo lyosi. Yavo vosi va Israeli va li tsielfu elfu na tsielfu mia, (1,100,000) avasatsa vekivavi: navandu va Yuda va li tsielfu tsimia tsine na makumi gatano na gaviri (470,000) avasatsa vekivavi.

⁶Navutswa avandu va Levi na va Benjamini si ya va validzira mu yavo mba; kigira likuva lyomwami lya vihiriridza Joabu.

⁷Nyasaye ya lola inkuva yiyi i veye indamano imbiri wetsimoni tsitsve: kigira yaga ya duya Israeli.

⁸Na Daudi ya volera Nyasaye, Inze mali kukola ubwoni ligali, kigira nkoli inkuva yiyi; navutswa kalunu nku goonyanga, u ntwulidzire ubudamano bwomutume kiri wowo, kigira nkoli agobusiru ligali.

⁹Na Yahova ya volera Gadi, muloli wa Daudi, na a mu volera,

¹⁰Tsia u volere Daudi, u vole, Yahova a ku volera, Nsundanga ku ive vindu vivaka: na ive u tovole kilala ku yivi vivaka, nduke kukukolera.

¹¹Ma Gadi ya tsia ku Daudi, na a mu volera, Yahova a ku volera, Vugula kya wenyanga:

¹²ni gyi veye mihiga gyivaka gyenzala; kinga ni gyi veye myeli gyivaka gyokuduywa imbiri wavasigu vovo, lwa kivavi kyavasigu vovo ki ku londa nokukunyola; naho ni ga veye madiku gavaka agekivavi kya Yahova, livola li veye, iplegi mu kivala, na ingelosi ya Yahova kudi vidza hagati hetsinzako tsyosi tsya Israeli. Kunangwa kalunu ganaga ne u lole nelitivula ki lya u ngalukilza ku uyu wa ntuma.

¹³Daudi ya volera Gadi, Henza mbeye mu kivi kinene: mwadza, leka ngwe mmukono gwa Yahova; kigira tsimbabasi tsitsye tsi veye tsinene: mbule kugwa mmu kono gwomundu.

¹⁴Ma Yahova ya tuma iplegi ku Israeli; na va gwa kuvo avasatsa tsielfu makumi gatano na gaviri avandu va Israeli.

¹⁵Na Nyasaye ya tuma ingelosi ku Yeru salemi kulidividza: na lwa yenya kulidividza, Yahova ya lola, na yeganira ku budamano zana, na ya volera ingelosi zana wokudividza, Ga duki; gaya mukono gugwo. Na ingelosi wa Yahova ya li na a singiye ahimbi nolodze lwa Orinan Mujebusi.

¹⁶Daudi ya ginga tsimoni tsitsye, na a lola ingelosi wa Yahova na a singiye hagati helirova neligulu, na ya li nekivavi kisomole mmukono gwigwe gwa sonwa Yerusalemi. Hene yaho Daudi navakulundu, va li ni veviki tsingubo tsyamagunia, va gwa has; mammama.

¹⁷Na Daudi ya volera Nyasaye, Si a veye inze wa laga avandu va validzwe? Ni inze wa kola ubwoni nokukola ubudamano bunyingi; navutswa amagondi yaga, ga koli ki? Nku goonya, O Yahova, Nyasaye wange, leka mukono gugwo gu ve ku inze, noku inyumba ya dada yange; navutswa gu ta va ku avandu vovo, va luhe va duywe mba.

¹⁸Hene yaho ingelosi wa Yahova ya laga Gadi a volere Daudi, Daudi yanegire, nokwombakira Yahova ubwali mu lodze lwa Orinan Muje busi.

¹⁹Daudi yanegira ku livola lya Gadi, lya ya vola mu lieta lya Yahova.

²⁰Na Orinan yekevuka, na a lola ingelosi: navana veve vane ava li halala naye vivisa. Inyinga yeyo Orinan ya li na a huulanga ingano.

²¹Na Daudi lwa ya tsia ku Orinan, Orinan ya henza na a lola Daudi, na ya twula ku lodze, na yinama imbiri wa Daudi na mmoni mwimwe mwa henza hasi.

²²Hene yaho Daudi ya volera Orinan, Mbe ha lodze hano, nduke kwombakira ho Yahova ubwali: u la mba nobuguli bwalyo bwosi, iplegi yiyi i duke ku gaywa i vule kuva mu avandu.

²³Na Orinan ya volera Daudi, Vugula, umunene wange umwami, a kole ga veye malungi imbiri wewe: henza, nda ku ha tsing'ombe kuva kihaanwa kyokusambwa, nevyoku huulira vi ve tsinku, na ingano yiyi i ve kihaanwa kyobusie; nku hedzanga vyosi.

²⁴Na mwami Daudi ya volera Orinan, Auwa, si ga veye ndiyo; navutswa ligali nda lu gula ku ive kuli ubuguli bwalwo: kigira si mbugula ki veye kikyo kuha Yahova kandi si nda haana kihaanwa kyoku sambwa bugira kukitungira.

²⁵Ma Daudi ya ha Orinan tsishekeli tsimia tsitano na indala tsyethahabu ku ligera yokugula ha zana.

²⁶Daudi yombakira Yahova ubwali ha zana na a haana vihaanwa vyokusambwa nevihaanwa vyemirembe, na yanira Yahova; na Yahora ya mu tivulira mmuliru gu twula migulu, nogwika ku bwali bwevihaanwa vyokusambwa.

²⁷Na Yahova ya laga ingelosi; naye ya vika kivavi kikye mu Iwula kandi.

²⁸Inyinga yeyo, Daudi lwa ya lola u mu tivuliye ku lodze lwa Orinan Mujebusi, hene yaho ya haana vihaanwa ha zana.

²⁹Kigira lihema lya Yahova, lya Musa ya lo mba migendanyama, na bwali bwevi haanwa vyokusambwa, inyinga yeyo vya li hadiguluku ha Gibeon.

³⁰Na vutswa Daudi si a nyala kutsia yo kuteva Nyasaye; kigira ya tia kivavi kyengelosi wa Yahova.