Read lulogooli 1 Kyetsinyinga 26 Bible Online

1 Kyetsinyinga 26 - lulogooli bible

1 Kyetsinyinga 26

¹Avelilohidza lyelitovoka lyava lindi avomuliango: ku Vakora, Meshelemia mwana wa Kore, ku avana va Asafu.

²Na Meshelemia ya li navana veve avayai: wokutanga kwivulwa Zekaria, wa kaviri Jediaeli, wa kavaka Zebadia, wa kane Jathi nieli,

³wa katano Elam, wa ka tano na lilala Jehohanan, wa ka tano na kaviri Eliehoenai.

⁴Kandi Obededom ya li navana avayai: wa tanga kwivulwa Shemaia, wakaviri Jehozabadu, wa kavaka Joa, wa kane Sakaru, wa katano Nethaneli,

⁵wa katano na mulala Amieli, wa katano na kaviri Isakari, wa katano na kavaka Peulethai; kigira Nyasaye ya mu gasidza.

⁶Kandi mwana wewe Shemaia yivula avana avayai, avameha ku inyumba ya guga wavo; kigira va li avetsingulu avobuluviriri.

⁷Avana va Shemaia: Othini, na Refaeli, na Obedi, na Elizabadi, navamwavo vavo va li avobuluviriri, Elihu na Semakia.

⁸Yavo vosi va li avana va Obededom: yavo navana vavo navamwavo vavo, avobunyali ku butumiki; avandu makumi gatano na lilala na vaviri, ava Obededom.

⁹Na Meshelemia ya li navana veve navamwavo veve, avetsingulu nobu luviriri, avandi likumi na vatano na vavaka.

¹⁰Kandi Hosa wa li ku avana va Merari, ya li navana: Shimiri munene wavo (kigira kali ni ya vula kuva wokutanga kwivulwa, dada wewe ya mu kola munene),

¹¹Hilikia wa kaviri, Tebalia wa kavaka, Zekaria wa kane: avana navamwavo vosi va Hosa va li avandu likumi na vavaka.

¹²Ku yavo lya li mu lilohidza lyelitovoka lyavalindi avomuliango, kuduka mu vanene, ava li nobulindi kuli avamwavo vavo, kuduka kutu mika mu inyumba ya Yahova.

¹³Navo va kola ikura, avakekeke kuli avanene, kuli liva lyetsinyumba tsyavaguga vavo, va ve veviribwa sa kilala.

¹⁴Na ikura yekiribwa kye vugwe ya gwira Shelemia. Ma va kola ikura ku Zekaria mwana wewe, wa li mboli wobugeeri; va kola ikura na ikura yeye ya twulira ku luvega lwakasikasini.

¹⁵Noku Obed Edom ku luvega lwa kusini; navana veve va nyola inyumba yokuvika tsikiba.

¹⁶Noku Shupim na Hosa ku luvega lwe madioli, aha li nekiribwa kya Shalekethu, ha bulalo bwokwane gira, nobulindi kuhenzana nobulindi.

¹⁷Ku luvega lwevugwe Valevi va tano na mulala va li yo, noku luvega lwa kasikasini avandu vane ku lidiku se lilala, no ku luvega lwe kusini avandu vane ku lidiku se lilala noku inyumba yokuvika tsikiba ava ndu vaviri, vaviri.

¹⁸Ku Paribari, ku luvega lwa madioli, vane ha bulalo bwokwanegira, na vaviri ha Paribari.

¹⁹Yili nilyo lilohidza lyelitovoka lyavalindi vomuliango: ku avana va Vakora, noku avana va Merari.

²⁰Noku Valevi, Ahija ya li igulu ku butugi bwa akiba yenyumba ya Nyasaye, noku butugi bwa akiba yevindu vitakatifu.

²¹Avana va Ladan, avana va Vagerishon ava li Valadan, mitwe gyetsinyumba tsya vaguga va Valadan Mugerishon: Jehieli.

²²Avana va Jehieli; Ze tham, na Joeli amwavo wewe, ku butugi bwa akiba ya inyumba ya Yahova.

²³Ku Vaamram noku Vaizihari, noku Vahebironi, noku Vauzieli;

²⁴na Shebueli mwana wa Gerishom, mwana wa Musa, ya li mwamehi ku butugi bwa akiba.

²⁵Navamwavo veve: ku Eliezeru Rehabia mwana wewe, na Jeshaia mwana wewe, na Joram mwana wewe na Zikiri mwana wewe, na Shelo mothu mwana wewe.

²⁶Shelomo thu uyu navamwavo veve va li igulu ku butugi bwetsikiba tsyosi tsyevindu vigimwa, vya Daudi mwami, halala na yavo ava li mitwe gyetsinyumba tsyavaguga, navanyampara vetsielfu, na vetsimia, avanyampara velihe, va gimwa.

²⁷Mu vindu vya hulwa mbulwani, va vi gimwa vi duke kulo mba inyumba ya Yahova.

²⁸Kandi vyosi vya Samweli, muloli, na Saulo mwana wa Kishi, na Abineri mwana wa Neri, na Joabu mwana wa Zeruia va vi gimwa, mundu ku vosi wa gimwa kindu, kya zana kya li isi wornukono gwa Shelomothu, na ma kono gavamwavo veve.

²⁹Ku Vaizihari, Kenania navana veve va li ku miyinzi gyekyova ku Israeli, kuva vanyampara, navaka lagi.

³⁰Ku Vahebironi, Hashabia navamwavo veve, avetsingulu valuvi riri, elfu netsimia tsitano na tsiviri, va li valindi ku Israeli engereka wa Yordani ku luvega lwa madioli, ku miyinzi gyosi gya Yahova, kandi ku ubutumiki bwomwami.

³¹Ku Va hehironi, munene ya li Jerija, kali ku yavo Vahebironi, kuli visukululwi vyavo ku tsinyumba tsyavaguga. Ku muhiga gwa makumi gane gwe lyameha lya Daudi venywa, na muvo va nyoleka avetsingulu, avaluviriri, MU Jazeri lya Gileadi.

³²Nava mwavo veve, avaluviriri, va li tsielfu tsiviri na tsimia tsitano na tsiviri, mitwe gyetsinyumba tsyavaguga, avo mwami Daudi ya vika va ve ava henzi ku Varubeni na Vagadi, noku inusu yehiri ya Manase, ku vindu vyosi vya Nyasaye, kandi ku mi yinzi gyomwami.