Read lulogooli 1 Kyetsinyinga 28 Bible Online

1 Kyetsinyinga 28 - lulogooli bible

1 Kyetsinyinga 28

¹Na Daudi ya vungidza avanene vosi va Israeli kuduka Yeru salemi, avanene vetsihiri, navanya mpara veviduma vya vikwa kutume kira mwami ku litovoka lyobulohidzi, navanyampara vetsielfu, navanya mpara vetsimia, navamehi ku butugi bwosi noku miyandu gyomwami ne gyavana veve, halala navanyampara, navetsingulu, kuduka vosi avasatsa valuviriri.

²Ma mwami Daudi ya singira nevirenge vivye, na a vola, Mu hulire inze, avamitu, na mwinye avandu vange: makuva gange, ga nda saavira mu mwoyo gwange kwo mbaka inyumba yobusosi yelisanduku lyamalago ga Yahova, i ve intebe vevirenye vya Nyasaye wetu; na nda li ni mali kwetegeka kulyombaka.

³Navutswa Nyasaye ya mbolera Ive si u lombakira lieta lyange inyu mba mba, kigira u veye mundu wobulwani, na ive u tahidza amasahi.

⁴Navutswa Yahova, Nyasaye wa Israeli, ya ntovola ku inyumba yosi ya dada wange nduke kuva mwami ku Israeli mihiga nemihiga: kigira ya tovola Yuda kuva mwimiriri; nomu inyumba ya Yuda ya tovola inyumba ya dada wange; nomu avana va dada wange ya yanza inze a duke kunyamehidza mbe umwami ku Isra eli vosi;

⁵noku avana vange vosi (kigira Yahova ya mba avana vayai vanyingi), u tovoye Solomoni mwana wange kwikala ku irtebe yobwami bwa Yahova ku Israeli.

⁶Na ya mbolera, Solomoni mwana wowo, uyu a lombaka inyumba yange nomgidzi gwange; kigira mali kumu tovola a ve mvana wange, na inze nda va dada wewe.

⁷Na nda dinyeridza ubwami bwibwe bu ve bwemihiga nemihiga, ni i va a leguluhidza kukola lilaga lyange, na likalaga lyange kuli lero.

⁸Kuna ngwa kalunu, imbiri wetsimoni tsya israeli vosi, livugana lya Yahova, kandi mu lihulira lya Nyasaye wetu, mu henze nokwenya amalago gosi ga Yahova Nyasaye wenyu: mu duke kugumira kivala kilahi yiki, nokule kera avana venyu kandi inyima wenyu, ki ve miyandu gyavo mihiga nemihiga.

⁹Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

¹⁰Kunangwa u gelihe; kigira Yahova u ku tovoye kumwombakira inyumba ya hatakitifu: u ve mugulu, u gi lombe.

¹¹Ma Daudi ya ha Solomoni mwana wewe, lifwana lyolusimbu na lutelitempeli, na lyetsinyumba tsyalyo, na lyamavikiru galyo ga akiba, na lyetsinyumba tsyegulu tsyalyo, na tsyetsinyumba tsyomugati, na lyobu gono bwentebe yetsimbabasi;

¹²na lifwana lya vyosi vya ya li navyo vi twula ku Roho, na lyemigidzi gye nyumba ya Yahova, na lyetsinyumba tsyosi tsyokumbiridza, na lifuana lyamavikiru ga akiba genyumba ya Nyasaye, na kandi lyamavikiru gevi ndu vyatakaswa;

¹³na kandi lye litovoka lyobulohidzi bwavasalisi na Valevi, na lyemiyinzi gyosi gyobutu miki bwenyumba ya Yahova, na lyeviju vyosi vyobutumiki mu inyu mba ya Yahova;

¹⁴na ithahabu kuli ligerwa, yeviju vyethahabu, yeviju vyosi vyobutumiki bwetsi ng'ano tsyosi; na ifetha kuli li gerwa, yeviju vyosi vyefetha, ye viju vyosi vyobutumiki bwe tsing'ano tsyosi;

¹⁵na ithahabu kuli ligerwa yevinara vyetsitaya tsyetha habu, na sitaya tsyavyo, ithahabu, kuli ligerwa yevinara vyosi se kilala, na yetsitaya tsyavyo; na yevinara vyetsitaya, tsyefetha, kuli ligerwa ye vinara se kilala na yetsitaya tsyavyo kuli ubutumiki bwevinara se kilala,

¹⁶na ithahabu kuli ligerwa i veye ye tsimesa tsyobukima bwokumanyira ku imesa se indala; kandi ifetha yetsimesa tsyefetha;

¹⁷na tsinzago, na tsindavo, na vikombe, vyethahabu indahi; na yetsiyamegere tsyetha habu, kuli ligerwa, yetsiyamegere se indala; kandi yetsiyamegere tsyefetha kuli ligerwa yetsiyamegere se indala;

¹⁸na yobwali bwokuvuyidza kimuli ithahabu indahi kuli ligerwa; na itha habu yelifwana lyeligari kali vakerubi, ava nyira tsimbaha tsyavo, nokukunika lisanduku lyamalago ga Yahova.

¹⁹Yaga gosi, Daudi ya vola, Yahova ya mmannya ku ling'oderwa nomu kono gwa Yahova, kali miyinzi gyosi gyelifwana yili.

²⁰Na Daudi ya volera Solomoni mwana wewe, U ve mugulu nokwele minya, nokugakola; u ta tia mba kinga kukudza mwoyo; kigira Yahova Nyasaye, uyu Nyasaye wange, a veye halala nive, si a la geha ku ive mba, kandi si a la ku leka mba, kuduka miyinzi yigyi gyosi gyobu tumiki bwenyumba ya Yahova gyi tweki.

²¹Na, henza, litovoka lyo bulohidzi bwavasalisi na Valevi, li veye ho, ku butumiki bwosi bwenyu mba ya Nyasaye: na va la va ho halala nive ku miyinzi gyetsing'ano tsyosi, sa mulala u veye nomwoyo gwobula liri, u veye musidza ku butumiki bwosi: kandi avanyampara navandu vosi va la va isi welilaga lilyo ligali.