Read lulogooli 2 Kyetsinyinga 1 Bible Online

2 Kyetsinyinga 1 - lulogooli bible

2 Kyetsinyinga 1

¹Na Solomoni mwana wa Daudi ya nyola tsingulu mu bwami bwibwe, na Yahova Nyasaye wewe ya li halala naye, na a mu kuminya ligali.

²Solomoni ya volera Israeli vosi, ku vanyampara vetsielfu na vetsimia, na vakalagi, navanene sa mulala mu Israeli vosi, ava veye mi twe gyetsinyumba tsyavaguga.

³Ma Solomoni, nelivugana lyosi halala naye, va tsia hadiguluku mu Gibeon; kigira ha zana niho helihema lyoku vuganira mu lya Nyasaye, lya li lya Musa mutumekiri wa Yahova ya lomba mu kyangalangwi.

⁴Navu tswa lisanduku lya Nyasaye, Daudi ya lyanegeridza kutwula Kiriathujearim na a li leta ha Daudi ya li lombera; kigira ya lyombakira lihema Yerusa lemi.

⁵Kandi bwali bwomugasa, bwa Bezaleli mwana wa Uri, mwana wa Huru, ya lomba, bwa li ha zana imbiri we lihema lya Yahova: Solo moni nelivugana va tsia kubwo.

⁶Solomoni yanegira na a tsia yo ku duka ku bwali bwomugasa bwa li mu lihema lyokuvuganira mu imbiri wa Yahova, na a haana kubwo vihaanwa elfu vyokusambwa.

⁷Ku ubudiku zana Nyasaye ya loleka ku Solomoni, na a mu volera, Sava kya nku ha.

⁸Solomoni ya vo lera Nyasaye, Wa kolera dada wange Daudi tsimbabasi tsyobuyanzi bu nene, na u koli inze mbe umwami mbugono bwibwe.

⁹Na kalunu, O Yahova Nyasaye, lisuuviridza lya wa ha dada wange Daudi li dinyeri dzwe; kigira u nyamehidzi ku va ndu vanyingi kuli lugukyi lwelirova.

¹⁰Kalunu u mbe ubugeeri neli manya, nduke kutwula nokwingira imbiri wavandu yava; kigira ni bwaha u nyala kukalagira avandu vovo yava, avanyingi?

¹¹Na Nya saye ya volera Solomoni, Kigira u veye namakuva yaga mmwoyo gu gwo, na si u savi ubutugi, kinga ubu hinda, kinga ubukumi, kinga liva mwoyo lya yavo avasigu vovo, kandi si wa teva ubuhindiri mihiga minyi ngi; navutswa u tevi ubugeeri neli manya, u duke kukalagira avandu vange, ava nda ku kola mwami kuvo:

¹²ubugeeri nelimanya u hebeywi; kandi nda ku ha ubutugi, nobuhinda, nobukumi, vya wa vula kunyola li fwana lyavyo avami va li inyima wowo; kandi si va la nyola lifwana lyavyo ava veye imbiri wowo.

¹³Ma Solomoni ya twula mu lugendo lwilwe lwa ya tsia hadiguluku ha Gibeon, kutwula imbiri welihema lyokuvuga nira mu, na a tsia Yerusalemi; na yameha ku Israeli.

¹⁴Solomoni ya vungidza magari manyingi na avokunina ku tsiparasi: ya li namagari elfu netsimia tsine, na avokunina ku tsiparasi tsielfu likumi na tsiviri, na ya va vika mu madala gamagari, na halala nomwami ha Yerusalemi.

¹⁵Ya kola i gwe if etha nethahabu mu Yerusalemi kuli ama gina, kandi ya kola mitaragwa gyi gwe kuli makuyu gyi veye mu kivala kyekirereu nobunyingi.

¹⁶Na tsi parasi tsya Solomoni ya li natsyo tsya letwa kutwula Egepeti; navandu vomwami ava kolanga likeranya va tsi vugula vyayo ni vyayo, kyayo sa kilala nobuguli bwakyo.

¹⁷Vane geridza magari ni va ga leta kutwula Egepeti ku tsishekeli tsimia tsitano na indala tsyefetha, neparasi ku mia na makumi gatano: ni ndiyo va letera avami vosi va Vahiti, vavami va Siria, kutwula yo namakono gavo.