Read lulogooli 2 Kyetsinyinga 12 Bible Online

2 Kyetsinyinga 12 - lulogooli bible

2 Kyetsinyinga 12

¹Na ga duka, lwa ubwami bwa Rehoboam bwa dinyeridzwa, naye ya nyola tsingulu, ya leka lilaga lya Yahova, na Israeli vosi halala naye.

²Na ga duka mu muhiga gu kola gyitano gwo mwami Rehoboam, Shishaka mwami wa Egepeti yanegira kuduka Yerusalemi, kigira va hyola imbiri wa Yahova,

³halala nama gari gobulwani tsimia likumi na tsiviri, navanina ku tsiparasi tsielfu makumi gatano na lilala. Navandu va ta nyala kuvalidzwa vadza halala naye kutwula Egepeti: Valubi, na Vasuki, na Vaethiopia.

⁴Naye ya vugula madala getsingaga ga li ga Buyuda, na ya duka Yerusalemi.

⁵Ma muprofeti Shemaia ya tsia ku Rehoboam noku vanene va Yuda, ava vungidzwa ha Yerusalemi ha virukira Shishaka, na ya va volera, Yahova a vola, Mwinye mwa leka inze, kigira yaga inze nda leka mwinye mmukono gwa Shishaka.

⁶Hene yaho avanene va Israeli nomwami vegehidza avene; ni va vola, Yahova a veye mulungi.

⁷Na lwa Yahova ya lola vegehidze avene, likuva lya Yahova lya duka ku Shemaia, ni li mu volera, Va mali kwegehidza avene: si nda va dividza mba: navutswa nda va ha uhukonyi bukekeke, kandi ubutima bwange si bu la tsukwa ku Yerusalemi nomu kono gwa Shishaka.

⁸Navutswa va la va avatumekiri veve, va duke kumanya ubutumiki bwange, nobu tumiki bwobwami bwevivala.

⁹Na Shishaka mwami wa Egepeti yadza ku Yerusalemi, na ya vugula akiba yenyumba ya Yahova, na akiba yenyumba yomwami; ya gi vu gula vyosi: ya vugula kandi tsingavo tsyethahabu tsya Solomoni ya lomba.

¹⁰Na mwami Rehoboam ya lomba mbugono bwatsyo tsingavo tsyomu gasa, na a tsi vika mmakono ga vanyampara vavalindi, ava linda nga muliango gwenyumba yomwami.

¹¹Na ga duka, tsinyinga tsyosi lwa mwami yingira mu inyumba ya Yahova, avalindi va tsitsanga ku tsi vugula, nokutsirannya mu inyumba yavalindi.

¹²Na lwa yegehidza mwene, ubutima bwa Yahova bwa twula kuye, a vule kumudividza ligali: nomu Yuda vindu vilahi vya loleka mu kandi.

¹³Ni ndiyo mwami Rehoboam ya nyola tsingulu mu Yerusalemi, ni yameha: naye ya li wemihiga makumi gane na mulala lwa ya tanga kwa meha, na yameha mihiga likumi na gyitano na gyiviri ha Yerusalemi, nalyo li ve lidala lya Yahova ya tovola mu tsihiri tsyosi tsya Israeli, kuvika mu lieta lilye: na lieta lya mama wewe lya langwa Naama Muamon.

¹⁴Ya kola ubudamano kigira ya vula kuyekidza mwoyo gwigwe kwenya Yahova.

¹⁵Na vikolwa vyosi vya Reho boam, vyokutanga nevyekiheri, si vya ng'odwa mu vitabu vyetsinyinga tsyomuprofeti Shemaia, netsyomuloli Ido, kuli miima gyamakula? Na bwa li ubulwani hagati ha Rehoboam na Jeroboam madiku gosi.

¹⁶Na Re hoboam ya gona halala navaguga veve, na a tebwa mu lidala lya Daudi: nomwana wewe Abija yameha mbu gono bwibwe.