Read lulogooli 2 Kyetsinyinga 16 Bible Online

2 Kyetsinyinga 16 - lulogooli bible

2 Kyetsinyinga 16

¹Mu muhiga gwa makumi ga vaka na gyitano na mulala gwelyameha lya Asa, Baasha mwami wa Israeli yanegira ku Yuda, na yombaka Rama, a duke kwigalira vosi mundu a ta twula kinga kwingira ku Asa mwami wa Yuda.

²Na Asa ya twulidza ifetha nethahabu mu akiba yenyumba ya Yahova, nenyumba yomwami, na a hilira Benhadadi mwami wa Siria, wa li na a menyi Damasko, na a mu volera,

³Lilagana li Deye ho hagati hange nive, kuli ga li hagati ha dada wange na dada wowo: henza nda ku letera if etha nethahabu; tsia, wononnye lila gana lilyo na Baasha mwami wa Israeli, a duke kutwula ku inze.

⁴Na Benhadadi ya hulira mwami Asa, na ya tuma avanyampara va mahe gege ku madala ga Israeli, va kuya Ijon, na Dan, na Abelimaim, na madala gosi gakiba ga veye mu Nafitali.

⁵Na ga duka, lwa Baasha ya hulira yaga, ya leka kwombaka Rama, na miyinzi gyigye gya hera.

⁶Hene yaho mwami Asa ya vugula Yuda vosi; na va hila magina ga Rama, nemisala gyalyo, gya Baasha yombakira; yombaka Geba na Mizipa nevindu zana.

⁷Na inyinga yeyo, muloli Hanani ya tsia ku Asa mwami wa Yuda, na ya mu volera, Kuli wesedama ku mwami wa Siria, na wa vula kwe sedama ku Yahova Nyasaye wo wo, kigira yaga lihe lyomwami wa Siria lya hona ku mukono gugwo.

⁸Vaethiopia na Valubi, si va li lihe linene, halala namagari, navokunina ku tsiparasi vanyingi ligali? Navutswa kigira lisedema lilyo ku Yahova, ya va vika mmukono gugwo.

⁹Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

¹⁰Asa ya vihirirwa muloli uyu, na a mu vika mu inyumba yavahambe; kigira ya nyola butima ubululu kuye ku inkuva yiyi. Inyinga yeyo Asa ya dambidza avalala ku avandu.

¹¹Na, henza, vikolwa vya Asa, vyokutanga na vyekiheri vya ng'odwa mu kitabu kyavami va Yuda na Israeli.

¹²Noku muhiga gwama kumi gavaka na gyitano na gine gwelyameha lya Asa ya lwala virenge; bulwaye bwibwe bwa gwa bunene ligali: navutswa mu bulwaye bwibwe si yenya Yahova, navutswa ya tsia ku avavira.

¹³Na Asa ya gona halala navaguga veve, na ya kudza ku muhiga gwa makumi gane nomu lala gwelyameha lilye.

¹⁴Na va mu ta mu vilindwa vivye, vya yeyavira mu lidala lya Daudi, va mwalira ku kitali kizulitswa vya funyanga mwayu nevyokutsukanywa lugano lugano vya lombwa nobusidza bwavavira: na va mu vuyidzira vimuli vinene ligali.