Read lulogooli 2 Kyetsinyinga 18 Bible Online

2 Kyetsinyinga 18 - lulogooli bible

2 Kyetsinyinga 18

¹Kunangwa Jehoshafatu ya li nobutugi nelidzominywa linyi ngi; ya lomba bwiko na Ahabu.

²Lwa gya vita mihiga milala ya sulunguta ku Ahabu ha Samaria. Na Ahabu ya mwiitira magondi netsing'ombe tsinyingi, uyu navandu veve, ya mu goonya kwanegira naye Ramothu Gileadi.

³Na Ahabu mwami wa Israeli ya volera Jeho shafatu mwami wa Yuda, Ive u la tsia ninze ha Ramothugileadi? Ya mu tivulira, Inze mbeye kuli ive, navandu vange va veye kuli avandu vovo, na ku la va nive mbulwani.

⁴Na Jehoshafatu ya volera mwami wa Israeli, Mwadza, lero, teva ku likuva lya Yahova.

⁵Hene yaho mwami wa Israeli ya vungidza ava profeti, avandu tsimia tsine na a va teva, Ku tsie Ramothugileadi ku bulwani, naho ku vule kutsia? Na va vola, Yanegira, u tsie; kigira Nyasaye a la li vika mu mukono gwomwami.

⁶Nawtswa Jehosha fatu ya vola, Si ha veye kandi nomu profeti wa Yahova, ku mu teve?

⁷Mwami wa Israeli ya volera Jeho shafatu, A veye ho kandi mundu mulala wokutevera ku Yahova: navu tswa inze mmu dunyira; kigira si ya profetera amalahi ku inze nawtswa madamano madiku gosi: naye ni Mikaia, mwana wa Imla. Jehosha fatu ya vola, Mwami a ta vola ndi mba.

⁸Hene yaho mwami wa Israeli ya langa munyampara, na a mu vole ra, U lete bwangu Mikaia mwana wa Imla.

⁹Ma mwami wa Israeli na Jehoshafatu mwami wa Yuda va li nivikaye mundu sa mulala ku intebe yeye yobwami ni veviki tsingubo tsyavo tsindahi ni vikaye ha mugidzi gu veye ha bwingiriru bwekiribwa kya Samaria; na vaprofeti yavo vosi va profetanga imbiri wavo.

¹⁰Na Ze dekia mwana wa Kenaana ya lomba tsinziga tsyekivya, na a vola, Yahova a vola ndina, Ive u la sindika Vasi ria na yitsi, va luhe va kame.

¹¹Na vaprofeti vosi va profeta ndiyo, ni va volera mu ami, Yanegira, u tsie Ramo thugileadi, u gasidzwe; kigira Yahova a la li vika mmukono gwomwa mi.

¹²Na mutumwa wa tsia kulanga Mikaia ya mu volera, na a vola, Henza, makuva gavaprofeti ga veye malahi ku mwami nomunwa mulala: kunangwa, mwadza, likuva lilyo li ve kuli lilala mu gavo, U vole bulahi.

¹³Mikaia ya mu volera, Kuli Yahova a veye mwoyo, ga Nyasaye wange a vola, nigo aga nda vola.

¹⁴Na lwa ya mala kutsia ku mwami, mwami ya mu teva, Mikaia, ku tsie ku bulwani Ramothugileadi, naho mbule kutsia? Naye ya vola, Mwa negire, mu tsie, mugasidzwe; na va la vikwa mmukano gugwo.

¹⁵Na mwami ya mu volera, Hali kanga ni nkwisuhidzanga nu u vula kumbo lera navutswa ageligali ku lieta lya Yahova?

¹⁶Na ya vola Nda lola Israeli vosi va salani ku vigulu, kuli magondi ga ta li nomwayi: Yahova a vola, Yava si va veye nomunene virane sa mulala mu inyumba yeye nemirembe.

¹⁷Mwami wa Israeli ya volera Jehoshafatu, Inze si nda ku volera a la vula kumprofetera ama lahi, nawtswa madamano?

¹⁸Na Mikaia ya mu volera, Kunangwa mu hulire likuva lya Yahova: Nda lola Yahova ni yikaye ku intebe yeye yobwami, nelihe lyosi lyomigulu va singiye ha mukono gwigwe mu lungi na ha mukono gwigwe mmosi.

¹⁹Yahova ya vola, Ni bwaha u li goonya Ahabu mwami wa Israeli, a duke kwanegira kutsia kugwa ha Ramothugileadi? Na mulala ya vola ndi, nowundi ya vola ndi.

²⁰Na roho gwadza, ni gu singira imbiri wa Yahova, ni gu vola, Inze nda mu goonya. Yahova ya gu teva, U la mu goonya ku inzira ki?

²¹Na gu mu volera, Inze nda twula, mbe roho gwobubehi mu minwa gyavaprofeti veve vosi. Na ya vola, Ive u la mu goonya, kandi u la nyala kuguuta: tsia, u kole ndiyo.

²²Kunangwa, kalunu, Yahova u viki roho gwobu behi mu minwa gyavaprofeti vovo; kandi Yahova a voye ubudamano ku ive.

²³Hene yaho Zedekia mwana wa Kenaana yisunda himbi, na a kuya Mikaia luasaya, na a mu volera, Ya twula ku inze kutsia ku inzira ki Roho wa Yahova, kuduka kukuvolera?

²⁴Mikaia ya mu volera, Henza u la lola ku lidiku yilyo, lwa u lingira mu inyumba yomugati kwivisa.

²⁵Na mwami wa Israeli ya vola, Mu vugule Mikaia, mu mwirannye ku Amoni munene welidala, noku Joashu mwana womwami;

²⁶mu vole, Mwami a vola, Mu vike mundu uyu mu libofwa, mu mu lageridze ubukima bwobudinyu, na madzi gobudinw, kuduka nzirane nemirembe.

²⁷Na Mikaia ya mu volera, Nu u va nu wirane ligali nemirembe, Yahova si ya vola nomunwa gwange. Ya vola, Mu hulire, mwinye avandu vosi.

²⁸Ma mwami wa Israeli na Jehoshafatu mwami wa Yuda vane gira kutsia Ramothugileadi.

²⁹Na mwami wa Israeli ya volera Jehosha fatu, Inze kuli mbeye ndi ndegirunkannya nzingire mbulwani; navutswa ive wivike tsingubo tsitsyo tsindahi. Ma mwami wa Israeli yegirunkannya; na vingira mbulwani.

³⁰Na mwami wa Siria ya laga avanyampara va magari gege, na a va volera, Mu ta lwana nomukekeke kinga munene, na vutswa umwami wa Israeli yeng'ine.

³¹Na ga duka lwa vanyampara vamagari va lola Jehoshafatu, va vola, Uyu niye mwami wa Israeli. Kunangwa va Kirunkana kulwana naye: navutswa Jehoshafatu ya kupa lwanga, na Yahova ya mu konya; na Nyasaye ya va kola va mu leke.

³²Na ga duka, lwa avanyampara vamagari va lola, si a li mwami wa Israeli, virana ni va vula kumulonde rera.

³³Na mundu mulala ya nyira buta bwibwe nelivula kumanya, na a lasa mwami wa Israeli hagati ho bwongeru bwesalamba yeye: hene yaho ya volera mugendidze weligari lilye, Girunkannya mukono gugwo, u mbile kyova welihe; kigira ndaseywi ligali.

³⁴Bulwani bwa kira lidiku yili: navutswa mwami wa Israeli yedinyeridza mwene mu ligari lilye ku Vasiria kuduka mgolova; na kuli inyi nga yeliuva lya yera ya kudza.