Read lulogooli 2 Kyetsinyinga 19 Bible Online

2 Kyetsinyinga 19 - lulogooli bible

2 Kyetsinyinga 19

¹Na Jehoshafatu mwami wa Yuda yirana nemirembe na a tsia ingo wewe ha Yerusalemi.

²Na Jehu mwana wa Hanani muloli ya tsia kumwaganira, na ya teva mwami Jeboshafatu, Ga ku dukira kukonya mudamano, nokuyanza ava dunyira nga Yahova? Kigira inkuva yiyi ubutima bu veye ku ive bu twula imbiri wa Yahova.

³Halala na yaga ubulahi bu loleki ku ive, kigira wa twulidza misala gyemisambwa mu kivala, nokuyekidza mwoyo gugwo kwenya Nyasaye.

⁴Ma Jehoshafatu ya li na a menyi Yerusalemi: ya twula kandi na a tsia hagati ha vandu kutwula Beersheba kuduka mu vigulu vya Efiraim, ya virannya ku Yahova, Nyasaye wavaguga vavo.

⁵Ya vika vakalagi mu kivala mu madala gosi ga Yuda agetsingaga, lidala nelidala,

⁶na ya volera avakalagi yavo, Mu ganagane aga mu kola: kigira si mu kalaga kigira mundu, navutswa kigira Yahova; naye a veye halala nemwinye mu likaiaga.

⁷Kunangwa, kalunu, litibwa lya Yahova li ve ku mwinye; mwelinde mu kole: kigira ku Yahova Nyasaye wetu, si ha veye nobuda mano, kinga kuhenza amagondo, kinga kuvugula vikukula.

⁸Kandi mu Yerusalemi Jehosha fatu ya vika avalala ku Valevi na vasalisi, nemitwe gyetsinyumba tsya vaguga mu Israeli, ku likalaga lya Yahova, noku mahangali. Na virana Yerusalemi.

⁹Na ya va laga, na a va volera, Mu kole ndi mu litibwa lya Yahova, ku busuuvirifu, nomwoyo mudukiru.

¹⁰Na lwa mahangali ga duka ku mwinye ku gosi aga twula ku vamwavo venyu ava menya mu madala gavo, hagati ha masahi nama sahi, hagati ha megidza na lilaga, kinga amalago nelikalaga, mu vegane hidze, va vule kugwa mu lihyolo ku Yahova, na ndiyo ubutima bu la duka ku mwinye noku vamwavo venyu: mu kole ndi, na mu la vula kuva nekindu ku mwinye.

¹¹Kandi, henza, Arna ria musalisi munene a veye igulu ku mwinye mu vindu vyosi vya Yahova; na Zebadia mwana wa Ishmaeli, munene wenyumba ya Yuda, a veye igulu ku vindu vyosi vyomwami: kandi Valevi va la va vanyampara imbiri wenyu. Mu kole nobugulu, na Yahova a la va halala navalahi.