Read lulogooli 2 Kyetsinyinga 22 Bible Online

2 Kyetsinyinga 22 - lulogooli bible

2 Kyetsinyinga 22

¹Na avamenyi mu Yerusalemi vamehidza Ahazia mukogoti womwami mbugono bwibwe; kigira kiduma kyavandu vadza hokusosa halala na Vaarabu viita avanene vosi. Ma Ahazia mwana wa Jehoram mwami wa Yuda yameha.

²Ahazia ya li wemihiga makumi gane negyi viri lwa ya tanga kwameha; yameha muhiga mulala mu Yerusalemi: na lieta lya mama wewe lya langwa Athalia mukana wa Omri.

³Uyu kandi ya genda mu tsinzira tsyenyumba ya Ahabu; kigira mama wewe ya li mboli wewe wokumuvika mmakuva madamano.

⁴Ya kola ubudamano mu tsimoni tsya Yahova, kuli yavo avenyumba ya Ahabu va kola: kigira va li avavoli veve inyima welikudza lya dada wewe, ku lidividza lilye.

⁵Ya londa amakuva gavo na ya tsia halala na Jehoram mwana wa Ahabu mwami wa Israeli ku tsia mbulwani ha Ramothugileadi ku Hazaeli mwami wa Siria: Avasi ria va tumita Joram.

⁶Naye yi rana Jezireeli na kutsia kulwalidzwa tsing'oma tsya yatirwa ha Rama, lwa ya lwana na Hazaeli mwami wa Siria. Na Ahazia mwana wa Je horam mwami wa Yuda ya sulu nguta kutsia Jezireeli kulola Jehoram mwana wa Ahabu, kigira ya li mu lwaye.

⁷Kunangwa lidividza lya Ahazia lya twula ku Nyasaye, ku litsia lilye ku Joram: kigira lwa ya mala kuduka, ya tsia na Jehoram kutwulira Jehu mwana wa Nimshi, wa Yahova ya vaka maguta a duke kutwulidza inyumba ya Ahabu.

⁸Na ga duka lwa Jehu ya li mu likalaga ku inyu mba ya Ahabu, ya nyola avanene va Yuda, avana vavamwavo Ahazia, ava li va tumekiranga Ahazia, na ya viita.

⁹Na yenya Ahazia, ni va mu gumira (naye ya li ni yivisi Samaria), na va mu leta ku Jehu, ni va mwiita; ni va mu ta, kigira va vola, Uyu nomwana wa Jehoshafatu, wa li ni yenya Yahova nomwoyo gwigwe gwosi. Na inyumba ya Ahazia si ya li netsingulu tsyokwa meha ubwami.

¹⁰Na lwa Athalia mama wa Ahazia ya lola mwana wewe na a kudzi ya vuka na a dividza lwivulo lwosi iwobwami lwenyumba ya Yuda.

¹¹Navutswa Jehoshabeathu, mu kana womwami, ya vugula Joashu mwana wa Ahazia, ya mwiba hagati ha vana vomwami aviitwa, na a muvika nomuleli wewe mu inyumba yokugona. Ma Jehoshabeathu, mu kana womwami Jehoram, mukali wa Jehoiada musalisi (kigira ya li mbotso wa Ahazia), ya mu visa ku Athalia, a vule kumwiita.

¹²Na ya viswa halala navo mu inyumba ya Nyasaye mihiga gyitano nomulala: na Athalia yameha ku kivala.