Read lulogooli 2 Kyetsinyinga 23 Bible Online

2 Kyetsinyinga 23 - lulogooli bible

2 Kyetsinyinga 23

¹Noku muhiga gwegyitano na gyiviri Jehoiada yevika tsi ngulu, na a vugula avanyampara vetsimia, Azaria mwana wa Jeroham, na Ishmaeli mwana wa Jehohanan, na Azaria mwana wa Obedi, na Maaseia mwana wa Adaia, na Elisha fatu mwana wa Zikiri, va duke kukola lilagana naye.

²Na va vodonkana mu Yuda, ni va vungidza Valevi kutwula madala gosi ga Yuda, ne mitwe gyetsinyumba tsyavaguga tsya Israeli, na vadza Yerusalemi.

³Na livugana lyosi lya lomba lilagana nomwami mu inyumba ya Nyasaye. Na ya va volera, Henza, mwana uomwami a lamehe, kuli Yahova ya vola ku avana va Daudi.

⁴Yili nilyo likuva lya mu kola: kidieli kyenyu kilala, avingira ku lisabato, ku vasalisi na Valevi, va la va avalindi vemiliango;

⁵nekidieli ki lala ki ve mu inyumba yomwami; nekidieli kya kavaka ha kiribwa kyomuse: navandu vosi va ve mu mugidzi gwenyumba ya Yahova.

⁶Navutswa mundu a tingira mba mu inyumba ya Yahova, ni va ta li vasalisi na yavo ava tumekanga mu Valevi; yava va lingira kigira va veye vatakatifu: navandu vosi va linde ubulindi bwa Yahova.

⁷Na Valevi va kumbiridze mwami tsi mbega tsyosi, sa mulala nevyuma vivye mu mukono: noku vosi wingira mu inyumba, yiitwe: na mwinye mu ve halala nomwami lwa yingira, na lwa a twula.

⁸Ma Valevi na Vayuda vosi va kola kuli gosi ga Jehoiada musalisi ya laga: na va vugula sa mulala avandu veve, yavo avingira ku lisa bato, halala na yavo ava twula ku lisabato; kigira Jehoiada musalisi si ya boholola ubulohidzi bwelitovoka.

⁹Na Jehoiada musalisi ya ha avanya mpara ve tsimia matimu, netsingavo, netsikuti, ivya li vyomwami Daudi vyomu inyumba ya Yahova.

¹⁰Ya vika vandu vosi, sa mulala nevyuma vivye mmukono, kutwula ku luvega lwenyumba lwomukono mulungi, ku duka ku luvega lwenyumba lwomu kono mmosi, himbi nobwali nenyu mba, ku tsimbega tsyomwami yiyi neyiyi.

¹¹Hene yaho va twulidza mwana womwami, na va vika itaji kuye, ni va mu ha kilolekidzu, ni va mu kola mwami: na Jehoiada navana veve va mu vaka maguta; ni va vola, Mwami a hindire.

¹²Na lwa Athalia ya hulira muli viti gwavandu va nyagulanga, no kwidzominya mwami, yingira ku avandu mu inyumba ya Yahova:

¹³na ya lola, henza, mwami u singiye ku kigutu kikye ha bwingeriru, na vanyampara na vamang'alala hi mbi nomwami; navandu vosi vekivala va sangala, nokukupa amang'alala; navimbi neviju vyavo vyokwimba, vimirira tsinyimbu tsyokwidzominya. Hene yaho Athalia ya tandula tsi ngubo tsitsye, na a vola, Bwebaali bwebaali

¹⁴Na Jehoiada musalisi ya leta vanyampara ve tsimia ava vikwa igulu ku lihe, na a va volera, Mu mu twulidze a vite hagati hetsimbaso; na ku vosi u mu londa yiitwe nekivavi: kigira musalisi ya vola, Mu ta miitira mu inyumba ya Yahova mba.

¹⁵Ma va mu ha ubr iyangu; na a tsia ha bwengiru bwenyumba yomwami ku kiribwa kyetsiparasi: ni va mwiitira ho.

¹⁶Na Jehoiada ya lomba lilagana hagati hehe mwene, navandu vosi, nomwami, va la va avandu va Yahova.

¹⁷Navandu vosi va tsia ku inyumba ya Baal, ni va gi sambula va sambula kandi bwali bwibwe nevi fwananyi vivye va vi donyannya, na viita Matan musalisi wa Baal imbiri wobwali.

¹⁸Jehoiada ya tovola avanyampara venyumba ya Yahova isi wamakono gavasalisi na Valevi, ava Daudi ya vika mu inyumba ya Yahova, kuhaana vihaanwa ku Yahova vyokusambwa, kuli vyang'odwa mu lilaga lya Musa, nobu yanzi nokwimba, kuli malago ga Daudi.

¹⁹Na ya vika valindi mu viribwa vyenyumba ya Yahova, gase mundu mudamano ku vyosi a lingira.

²⁰Na ya vugula vanyampara vetsi mia, na vanene, na avagovernor ku vandu, navandu vosi vekivala, na ya sulungutidza mwami kutwula mu inyumba ya Yahova: vingira mu inyumba yomwami ku kiribwa kye gulu, na va vika mwami ku intebe yobwami.

²¹Ma avandu vosi vekivala va sangala, na lidala lye hodzeridza. Viita Athalia nekivavi.