Read lulogooli 2 Kyetsinyinga 24 Bible Online

2 Kyetsinyinga 24 - lulogooli bible

2 Kyetsinyinga 24

¹Joashu ya li wemihiga gyitano negyiviri lwa ya tanga kwa meha, na yameha mihiga makumi gane mu Yerusalemi: na lieta lya mama wewe lya langwa Zibia, wa Beersheba.

²Joashu ya kola ago bulungi mu tsimoni tsya Yahova madiku gosi gomusalisi Jehoiada.

³Jehoiada ya mu letera avakali vaviri; na yivula avayai navakana.

⁴Na ga duka inyima wa yaga, Joashu ya saavira ku digulula inyu mba ya Yahova.

⁵Na ya vungidza vasalisi na Valevi, na a va volera, Mu twule mu tsie mmadala ga Yuda, mu solole ku Israeli vosi ifetha yokulombera inyumba ya Nya saye wenyu muhiga nomuhiga: mu kole bwangu inkuva yiyi. Navutswa Valevi si va kola bwangu.

⁶No mwami ya langa Jehoiada munene, na a mu volera, Kigira ki u vuli kwenya ku Valevi va solole ku Yuda noku Yerusalemi, lisolola lya Musa mutumekiri wa Yahova, nowelivugana lya Israeli, ua letere lihema lyelilolekidza?

⁷Kigira avana va Athalia, mukali mudamano uyu, wo nonnya inyumba ya Nyasaye; kandi vindu vyosi vya takaswa vyenvumba ya Yahova va vi haana ku Vabaal.

⁸Ma mwami ya laga, ni va lomba lisanduku, ni va livika kyova ha kiri bwa kyenyumba ya Yahova.

⁹Na va landidza lilaga mu Buyuda nomu Yerusalemi, kuleta ku Yahova lisolola lya Musa mutumekiri wa Nyasaye ya vika ku Israeli mwigendanyama.

¹⁰Na vanene vosi navandu vosi va sangala, ni va leta, ni va vika mu lisa nduku, kuduka ni va mala.

¹¹Na ga duka lwelisanduku lya letwa ku vasingeriri vomwami na makono ga Valevi, lwa va lola ifetha i gwiye inyingi, mung'odi womwami ya tsia nomusingeriri womusalisi munene va twulidza ifetha ni va leka lisa nduku lyere, na va li hila kwirana mbugono bwalyo kandi. Ni va kola ndiyo lidiku nelidiku, kuduka ni va vungidza ifetha inyingi.

¹²Na mwami na Jehoiada va gi haana ku yavo ava kola miyinzi gyobutumwa bwenyumba ya Yahova; na va lagana na avombaki na vavadzi ku lidigulula lyenyumba ya Yahova, nokuvasidza vekivya nomugasa kulomba inyumba ya Yahova.

¹³Ma avayinziri va kola miyinzi, ni va dukidza miyinzi ni va singeridza inyumba ya Nya saye kuli kigero kyayo, ni va gi dinyeridza.

¹⁴Lwa va mala, va leta kya tigala ku ifetha imbiri womwami na Jehoiada, va lomba viju vyenyumba ya Yahova, navyo ni viju vyokukola miyinzi, na vyo ku haanira ku, nevijiko, na viju vyefetha nethahabu. Va haana vihaanwa vyokusambwa mu inyumba ya Ya hova kazozo mu madiku gosi ga Jehoiada.

¹⁵Navutswa Jehoiada ya gwa musakulu na ya dukidza madiku gege, na a kudza; ya li mundu wemihiga mia na makumi gavaka lwa ya kudza.

¹⁶Na va mu ta mu lidala lya Daudi hagati ha avami, kigira ya kola bulahi mu Israeli, noku Nyasaye nomu inyumba yeye.

¹⁷Inyima welikudza lya Jehoiada avanene va Yuda vadza, ni vinama imbiri womwami. Hene yaho mwami ya va hulira.

¹⁸Na va leka inyumba ya Yahova, Nyasaye wavaguga vavo, na v a tumekira misala gyemisambwa nevifananyi: nobutima bwa Yahova bwa duka ku Yuda na Yerusalerni, kigira ubwoni bwavo yibu.

¹⁹Na vutswa ya tuma vaprofeti kuvo kuvirannya ku Yahova; na va lolekidza kuvo: navutswa va vula kuva hulira.

²⁰Na Roho wa Nyasaye ya duka ku Zekaria mwana wa Jehoiada musalisi, na ya singira igulu wavandu, na a va volera, Nyasaye a vola, Kigira ki mwononnya amalago ga Yahova, kuduka si mu nyala kuga sidzwa? Kigira mwa leka Yahova, naye u leki mwinye.

²¹Na va mwekiruka ni va mu lasa magina ku lilaga lyomwami mu mumugidzi gwenyumba ya Yahova.

²²Ni ndiyo Joashu mwami, ya vula kwidzulitsa ubulahi bwa Jehoiada dada wewe ya mu kolera, navutswa yiita mwana we we. Mu likudza lilye, ya vola, Yahova a lole yaga, nokugavanzira kisalya.

²³Na ga duka ku kiheri kyomu higa, lihe lya Vasiria lyanegira kuye: na va tsia ku Yuda na Yeru salemi, ni va dividza hagati ha avandu, avanene vosi vavandu, na va hilira mwami wa Damasko vilanye vyavo vyosi.

²⁴Kigira lihe lya Vasiria lyadza nekiduma kikekeke kyavandu; na Yahova ya vika mu makono gavo kiduma kinene, kigira va leka Yahova, Nyasaye wavaguga vavo. Ni ndiyo va leta likalagirwa ku Joashu.

²⁵Na lwa va twula kuye (kigira va mu leka na a lwalanga ligali), vatumekiri veve mwene va mweki ruka kigira masahi gavana va Je hoiada musalisi, na va mwiitira ku kitali kikye, na a kudza; na va mu ta mu lidala lya Daudi, navutswa si va mu ta mu vilindwa vyavami.

²⁶Na yava nivo ava mwekiruka: Zabadi mwana wa Shimeathi mukana wa Kiamon, na Jehozabadu mwana wa Shimrithu mukana wa Kimoabu.

²⁷Noku makuva gavana veve, no bunene bwemisigo gya riku a kuye, mu lidigulula inyumba ya Nyasaye, henza, ga ng'odwa mu makuva gekitabu kyavami. Na Amazia mwa na wewe yameha mbugono bwibwe.