Read lulogooli 2 Kyetsinyinga 28 Bible Online

2 Kyetsinyinga 28 - lulogooli bible

2 Kyetsinyinga 28

¹Ahazu yali wemihiga makumi gaviri lwa ya tanga kwameha; na yameha mihiga likumi na gyitano na mulala mu Yerusalemi: na si ya kola agobulungi mu tsimoni tsya Yahova, kuli guga wewe Daudi;

²navutswa ya genda mu tsinzira tsyavami va Israeli, ya lombera Vabaal vifwananyi vyokwelonga.

³Ka ndi ya vuyidza vimuli mwivona lyavana va Hinom, na ya samba ava na veve mu muliru, kuli livihiridza lyetsihiri tsya Yahova ya ta kyova imbiri wavana va Israeli.

⁴Na yiita vihaanwa nokuvuyidza vimuli ku hadiguluku, noku tugulu, na isi wa misala sa mulala muvisi.

⁵Kigira yaga Yahova Nyasaye wewe ya mu vika mmukono gwo mwami wa Siria; na va mu kuya, na va hila kiduma kinene kya va hambe ku vandu veve, na va tsia navo Damasko. Kandi mwene ya vikwa mmukono gwomwami wa Isra eli, ya mu kuya likuywa lyokwiitua linene.

⁶Kigira Peka mwana wa Remalia yiita mu Yuda avandu tsielfu mia na makumi gaviri ku lidiku lilala, avaluviriri vosi; kigira va leka Yaho va, Nyasaye wavaguga vavo.

⁷Na Zikiri Muefiraim mundu wetsingulu yiita Maaseia mwana womwami, na Azirikam mwamehi wenyumba, na Elikana, wa li wa kaviri inyima womwami.

⁸Avana va Israeli va gumira vahambe ku vamwavo vavo avandu tsielfu tsimia tsiviri, avakali, navayai, navakana, va vugula kandi vilanye vinyingi, ni va tsia nevilanye zana Samaria.

⁹Navutswa muprofeti wa Yahova ya li yo, lieta lilye lya langwa Odedi: naye ya twula kutsia kwagana nelihe lidzanga Samaria, na ya va volera, Henza, kigira Yahova, Nyasaye wavaguga venyu, ya vihirirwa Yuda, ya va vika mmukono gwenyu, na mwinye mu mali kuviita nobutima bwa duka migulu.

¹⁰Na kalunu mu ganagana kugehidza avana va Yuda na Yerusalemi va gwe avatugwa, nava tugwa vakana venyu: navutswa ku mwinye si ha veye na mahyolo genyu avene hu Yahova Nyasaye wenyu?

¹¹Kunangwa kalunu mu mbulire; mwirannye avahambe, va mwa gu mira ku vamwavo venyu; kigira ubutima bululu bwa Yahova bu veye ku mwinye.

¹²Hene yaho va si ngira avalala ku vemitwe gyavana va Efiraim, Azaria mwana wa Jo hanan, na Berekia mwana wa Meshi lemothu, na Jehizikia mwana wa Shahlm, na Amasa mwana wa Hadi lai, ku yavo ava twula mbulwani,

¹³ma va va volera, Mu tingeridza yi mu vahambe: kigira mu ganagana kukuletera ubwoni ku Yahova, noku meda mahyolo getu nobwoni bwetu; kigira ubwoni bwetu nobunene, kandi ha veye nobutima bululu ku Israeli.

¹⁴Ma avevyuma va leka avahambe nevilanye imbiri wavanene nelivugana lyosi.

¹⁵Na avandu yava va talwa ameta gavo va singira, na va vugula avahambe, nevilanye, na va va vika tsingubo ava li kyahonyo vosi, ni va va huma tsingubo nokuvavika vilatu, ni va va ha vyokulia namadzi, na vava vaka maguta, ni va va nyinnya ku tsisukiri vosi ava ta li netsingulu, na va va leta Yeriko, lidala lya ma kindu, ku vamwavo vavo: ma virana Samaria.

¹⁶Inyinga yeyo mwami Ahazu ya hila vatumwa ku avami va Asuria vadze kumukonya.

¹⁷Kigira Va edom vadza hali kaviri kukuya Yuda, na va hila avahambe.

¹⁸Na Vafili siti kandi va twulira madala gekivala kyekireremu, na ga Yuda ku luvega lwa Kusini, na va vugula Beth shemeshi, na Aijalon, na Gederothu na Soko halala na tudala twalyo, na Timna halala na tudala twalyo, na Gimizo halala na tudala twalyo: na yavo ava menya mu.

¹⁹Kigira Yahova ya gehidza Yuda kigira Ahazu mwami wa Israeli; kigira ya sula kwegaya mu Yuda, na a hyola ku Yahova ligali.

²⁰Na Tigilathu pilineseri mwami wa Asuria ya tsia kuye, na a mu dambidza, na si a mu ha tsingulu.

²¹Kigira Ahazu ya vu gula kidieli mu inyumba ya Yahova, nomu inyumba yomwami, na kyava nene, ya ha mwami wa Asuria: na si vya mu konya mba.

²²Nomu lidambidzwa lilye ya kira kuhyola imbiri wa Yahova, uyu mwami zana Ahazu.

²³Kigira yii tira vanyasaye va Damasko vi haanwa, yava va mu duya; na ya vola, Kigira avanyasaye vavami va Siria va va konya, na inze nda viitira, va duke kunkonya. Navutswa yava va mu dividza, na Israeli hosi.

²⁴Ahazu ya vungidza viju vyenyumba ya Nya saye, ni yatannya viju vyenyumba ya Nyasaye, na a hana miliango gye nyumba ya Yahova; na yelombera ubwali mu tsikona tsyosi tsya Yeru salemi.

²⁵Nomu madala gosi ga Yuda ya lomba hadiguluku kuvuyidza kimuli ku vanyasaye vandi, na ya vihiridza Yahova, Nyasaye wavaguga veve.

²⁶Na vya tigala ku vikolwa vivye, na tsinzira tsitsye tsyosi, vyokutanga nevyekiheri, henza, vya ng'odwa mu kitabu kyavami wa Yuda na Israeli.

²⁷Na Ahazu ya gona halala navaguga veve, na va mu ta mu lidala, livola li veye mu Yerusalemi; kigira si va mu ta mu vilindwa vyavami va Israeli: na Hezekia mwana wewe yameha mbu gono bwibwe.