Read lulogooli 2 Kyetsinyinga 29 Bible Online

2 Kyetsinyinga 29 - lulogooli bible

2 Kyetsinyinga 29

¹Hezekia ya li wemihiga makumi gaviri na gyitano lwa ya tanga kwameha; na yameha mihiga makumi gaviri na gyitano na gyine mu Yerusalemi: na lieta lya mama wewe lya langwa Abija, mukana wa Zekaria.

²Naye ya kola agobulungi mu tsi moni tsya Yahova, kuli gosi ga guga wewe Daudi ya kola.

³Na mumu higa gwokutanga gwelyameha lilye, ku mweli gwelitanga, yigula miliango gwenyumba ya Yahova, na ya gi lomba.

⁴Na yingeridza vasalisi na Valevi, na a va vungidza mu mugidzi gwoluvega lwobutwuliru bweliuva,

⁵ma na a va volera, Mu mbulire, mwinye Valevi; mwetakase avene kalunu, kandi mu takase inyumba ya Yahova, Nyasaye wavaguga venyu, mu hile kyova ubudamano bu twule hatakatifu.

⁶Kigira vadada vetu va girunkana, na va kola budamano mu tsimoni tsya Yahova Nyasaye wetu, nokumuleka, nokugirunkannya mmoni mwavo kutwula ku bumenyo bwa Yahova, nokumukupa mugongo.

⁷Kandi va hana miliango gyolu simbu, nokusiminya tsitaya, noku vula kuvuyidza vimuli nokuhaana vihaanwa vyokusambwa mu hataka tifu ku Nyasaye wa Israeli.

⁸Kigira yaga ubutima bwa Yahova bwa li ku Yuda na Yerusalemi, naye ya va vika habulavu va sikiswa yiyi neyiyi, va ve kyokugenyirwa, na kyokuku nukirwa, kuli mu lola netsimoni tsyenyu.

⁹Kigira, henza, vadada vetu va gwa ku kivavi, navana vetu vayai na vakana na vakali vetu va veye mbuhambe kigira yaga.

¹⁰Ka lunu ga veye mu mwoyo gwange kulomba lilagana na Yahova, Nya saye wa Israeli, ubutima bwibwe bululu bu duke kutwula ku kwinye.

¹¹Avana vange, mu ta gadahala kalunu; kigira Yahova ya tovola mwinye kusingira imbiri wewe, ku mutumekira, mu ve avatumekiri veve, nokuvuyidza kimuli.

¹²Hene yaho Valevi va singira, Mahathu, mwana wa Amasai, na Joeli mwana wa Azaria, ku avana va Vakohathu; noku avana va Merari, Kishi mwana wa Abadi, na Azaria mwana wa Jehaleleli; noku Vageri shon, Joahu mwana wa Zima, na Edeni mwana wa Joa,

¹³noku avana va Elizafan, Shimiri na Jeueli; navana va Asafu, Zekaria, na Ma tania,

¹⁴noku avana va Heman, Jehueli, na Shimei; noku avana va Jeduthun, Shemaia, na Uzieli.

¹⁵Na va vungidza vamwavo vavo, ni vetakasa, ni vingira, kuli lilaga lyo mwami kuli makuva ga Yahova, va duke kutakasa inyumba ya Yahova.

¹⁶Na vasalisi vingira mugati mu inyumba ya Yahova, kugitakasa, na va twulidza mu budamano bwosi bwa va nyola mu litempeli lya Ya hova, na va bu ta ha mugidzi gwenyu mba ya Yahova. Na Valevi va bu vugula, ni va bu hila kyova mu mugera gwa Kidiron.

¹⁷Ma va tanga kutakasa ku mweli gwokutanga nelidiku lyokutanga, kuduka ku lidiku lya gatano na gavaka lyomweli va duka ku lusimbu lwa Yahova; na va takasa inyumba ya Yahova mu madiku gatano na gavaka: nokuduka ku lidiku lyelikumi na gatano na lila la lyomweli gwokutanga, ma va mala.

¹⁸Ma vingira ku mwami Hezekia, ni va mu volera, Ku mali kutakasa inyumba ya Yahova yosi, nobwali bwevihaanwa vyokusambwa, halala neviju vyabwo vyosi, na imeza yobu kima bwokumanyira, halala neviju vyayo vyosi.

¹⁹Kandi viju vyosi, vyomwami Ahazu ya ta mu lyameha lilye; mu lihyola lilye, ku mali kuvilomba nokuvitakasa; henza, vi veye imbiri wobwali bwa Yahova.

²⁰Hene yaho Hezekia mwami ya vuka mabwebwe, na ya vungidza ava nene velidala, na yanegira kutsia mu inyumba ya Yahova.

²¹Na va leta tsigiriki tsitano na tsiviri, na magondi makole gatano na gaviri, navana vamagondi vatano na vaviri, netsikole tsitano na tsiviri, vi ve kihaanwa kyobwoni kyobwami, kandi kya hatakatifu, na kya Yuda. Na ya laga vasalisi avana va Haruni va vi haane kuva kihaanwa ku bwali bwa Yahova.

²²Ma viita tsigiriki, na vasalisi va kingeridza masahi nokuguha ku bwali: na viita magondi makole, ni vuha masahi ku bwali: na viita kandi avana vamagondi, ni vuha masahi ku bwali.

²³Na va leta tsikole tsi ve kihaanwa kyobwoni imbiri womwami nelivugana; va vika kutsyo makono gavo:

²⁴na vasalisi va tsiita, ni va haana kihaanwa kyobwoni ku bwali na masahi gatsyo, kulomba kyokukunikira Israeli vosi ubwoni; kigira mwami ya laga, kihaanwa kyokusambwa, nekihaanwa kyobwoni ki lomberwe Israeli vosi.

²⁵Na ya vika Valevi mu inyumba ya Yahova halala nevikuli, nobu kana, nobukana bwemigoye, kuli lilaga lya Daudi, na Gadi muloli womwami, na Nathan muprofeti; kigira lilagana lya twula ku Yahova ku vaprofeti veve.

²⁶Na Valevi va singira neviju vya Daudi uyokwimbira, na vasalisi va li nevisiliva.

²⁷Na Hezekia ya laga va haane kihaanwa kyokusambwa ku bwali. Lwa ki haanwa kyokusambwa kya tanga, lwimbu lwa Yahova kandi lwa tanga, na visiliva kandi, halala neviju vya Daudi mwami wa Israeli.

²⁸Na livugana lyosi lya sigamira mu, na avimbi vimba, na vevisiliva va kupa; yaga gosi ga hongera kuduka lihera lyekihaanwa kyokusambwa.

²⁹Na lwa va mala kuhaana ki haanwa, mwami na vosi ava li mu halala naye vinama ni va sigamira mu.

³⁰Kandi mwami Hezekia na vanene va laga Valevi kwimbira Yahova lidzominywa na makuva ga Daudi, na gomuloli Asafu. Navo vimba lidzominywa nobusangali, na vinaminya mitwe gyavo ni va sigamira mu.

³¹Hene yaho Hezekia ya va volera, Kalunu kuli mwivika ku Yahova; ku miyinzi mitakatifu, mwisunde ahimbi mu lete kihaanwa nekihaa nwa kyokusantidza mu inyumba ya Yahova. Ma livugana lya leta kihaanwa, nevihaanwa vyokusantidza; na vosi ava li nomwoyo gwokuyanza ua leta vihaanwa vyokusambwa.

³²Na livalidzwa lyevihaanwa vyokusambwa vyelivugana lya haana lya li tsigiriki makumi gatano na gaviri, na magondi makole mia, navana va magondi tsimia tsiviri: yivi vyosi vya li vihaa nwa vyokusambira Yahova.

³³Na vindu vya gimwa ku Yahova vya li tsing'ombe tsimia tsitano na indala, na magondi tsielfu tsivaka.

³⁴Na vutswa avasalisi va li vakekeke, si va nyala kunyenya fsinyama tsyosi tsye vihaanwa vyokusambwa: ma va mwavo vavo Valevi va va konya, kuduka miyinzi gyosi gya hera, nokuduka lwa vasalisi va mala kwetakasa avene; kigira Valevi va li nobulungi bwomwoyo kwetakasa avene kuvita vasalisi.

³⁵Na kandi vihaanwa vyokusambwa vya li vinyi ngi, halala na tsitinya tsyevihaanwa vyemirembe, nevihaanwa vyokunwa vye kihaanwa kyokusambwa sekilala. Na ndiyo ubutumiki bwenyumba ya Yahova bwa singeridzwa.

³⁶Na Hezekia ya sangala, navandu vosi, kigira ku yaga ga Nyasaye ya lombera avandu: kigira inkuva yiyi ya lombeka nonoho.