Read lulogooli 2 Kyetsinyinga 30 Bible Online

2 Kyetsinyinga 30 - lulogooli bible

2 Kyetsinyinga 30

¹Na Hezekia ya tuma vatumwa ku Israeli vosi na ku Yuda, ya ng'oda tsibaruwa na a tsi hila ku Efi raim na Manase, vadze mu inyumba ya Yahova ha Yerusalemi, va lombere Yahova, Nyasaye wa Israeli lipasaka

²Kigira mwami ya lomba makuva, na vanene veve, nelivugana lyosi mu Yerusalemi, kulomba lipasaka ku mweli gwa kaviri.

³Kigira si va nyala kulilomba ku inyinga yeyo, kigira vasalisi va li ni va kikiri kwetakasa avene ava duka, kandi avandu va li ni va kikiri kuvugana mu Yerusalemi.

⁴Inkuva yiyi ya yanzidza mu tsimoni tsyomwami neli vugana lyosi.

⁵Ma va singeridza li laga kulandidza hagati ha Israeli hosi, kutwula Beersheba kuduka Dan, vadze va lombere Yahova, Nyasaye wa Israeli lipasaka, ha Yerusalemi: kigira va li ni va ta lomba inyinga intambi kuli ga ng'odwa.

⁶Ma vetsibaruwa va tsia netsibaruwa tsya twula ku mwami noku vanene veve hagati ha Israeli vosi na Yuda, kuli lilaga lyomwami, va va volera, Mwinye avana va Israeli, mwirane kandi ku Yahova, Nyasaye wa Abrahamu, na wa Isaka, na wa Israeli, a duke kwirana ku vahona ku mwinye ku mukono gwavami va Asuria.

⁷Mu ta va kuli vaguga venyu, na vamwavo venyu, ava girunkana kuleka Yahova, Nyasaye wa vaguga vavo, na a luha na a va leka hatswa, kuli mu lolanga.

⁸Ku nangwa mu ta kola magoti genyu madinyu, kuli vaguga venyu mba; navutswa mwivike ku Yahova, mwi ngire hatakatifu hehe, ha ya ta kasa mihiga nemihiga, mu tumekire Yahova Nyasaye wenyu, ubutima bwibwe bululu bu twule ku mwinye.

⁹Kigira ni mwirana ku Yahova, avamwavo venyu navana venyu va la verererwa imbiri wa yavo va va hila vahambe, kandi va lirana mu kivala yiki: kigira Yahova Nyasaye wenyu a veye neliverera netsimbabasi na si a la girunkannya mmoni mwi mwe kutwula ku mwinye mba, ni mu va ni mwirana kuye.

¹⁰Ma vetsibaruwa va vita mu lidala nomu lidala hagati he vivala vya Efiraim na Manase, kuduka Zebuloni: navutswa va va seka no kuvatindira.

¹¹Navutswa avalala Vasheri na Vamanase, na Vazebuloni vegehidza, ni va tsia Yerusalemi.

¹²Kandi mukono gwa Nyasaye gwa li ku Yuda kuvaha mwoyo mulala kukola amalago gomwami na ga vanene kuli likuva lya Yahova.

¹³Va vugana Yerusalemi avandu vanyingi kulomba lisavo lyobukima bu ta li namamera ku mweli gwa kaviri, livugana linene ligali.

¹⁴Ka ndi va singira ni va twulidza ubwali bwa li mu Yerusalemi, nobwali bwosi bwokuvuyidza vimuli va bu twulidza, ni va bu ta mmugera gwa Kidiron.

¹⁵Kandi viita lipasaka ku lidiku lyelikumi na gane lyomweli gwa kaviri: avasalisi na Valevi va lola tsisoni, ni vetakasa avene, na va leta vihaanwa vyokusambwa mu inyumba ya Yahova.

¹⁶Va singira mbugono bwavo mu bulindi bwavo, kuli lilaga lya Musa mundu; wa Nyasaye: vasalisi vuha masahi ga va hebwa na makono ga Valevi.

¹⁷Kigira ha li navandu vanyingi mu livugana va li ni va kikiri kwetakasa: na ndiyo ga manya ga duka ku Valevi kuva ku miyinzi gyokwiita lipasaka kigira yavo sa mulala u ta veye munifu, kuvatakasa ku Yahova.

¹⁸Kigira ubunyingi bwavandu, kali va Efiraim avanyingi na va Manase, na va Isakari na va Zebuloni, va kikiri kwetakasa, navutswa va lia lipasaka ku lugano lundi, si ga li kuli ga ng'odwa mba. Kigira Hezekia ya va saavira na a vola, Yahova mulahi, u va samehe sa mulala

¹⁹u vike mwoyo gwigwe kulyenya Nyasaye, Yahova, Nyasaye wavaguga veve, kali ni ga ta veye kuli litakasa lya hatakatifu.

²⁰Yahova ya hulira Hezekia, na a honnya avandu.

²¹Navana va Israeli ava li ha Yerusalemi va lomba lisavo lyobu kima bu ta li namamera madiku gatano na gaviri nobusangali bunene; Valevi na vasalisi vidzominya Yahova lidiku nelidiku, neviju vyemyoyo minene ku Yahova.

²²Na Hezekia ya leminya Valevi vosi, mwoyo ava li nelimanya lilahi mu butumiki bwa Yahova. Ma va lia mu lisavo mu litanga kuduka ku kiheri kya madiku gatano na gaviri, ni va haana vihaa nwa vyemirembe, nokweyamira Ya hova, Nyasaye wavaguga vavo.

²³Na livugana lyosi va volerana kulomba madiku gatano na gaviri kandi; na va lomba madiku gatano na gaviri nobusangali.

²⁴Kigira Hezekia mwami wa Yuda ya ha livu gana tsigiriki elfu na magondi tsielfu tsitano na tsiviri, vi ve kihaanwa; na vanene va ha livugana tsigiriki elfu na magondi tsielfu likumi: avasalisi avanyingi ligali vetakasa.

²⁵Livu gana lyosi lya Yuda lya sangala, na vasalisi na Valevi, nelivugana lyosi lya twula Israeli, na vageni va twula mu kivala kya Israeli, na yavo ava menya Buyuda.

²⁶Bwa li ubusangali bunene mu Yerusalemi; kigira kutwula madiku ga Solomoni mwana wa Daudi mwami wa Israeli, si ga li mu Yerusalemi kuli yaga.

²⁷Ma vasalisi Valevi va singira ni va gasidza avandu: mwoyo gwavo gwa hulirwa, lisaala lyavo lya nina nelitsia mu bumenyo bwibwe buta katifu mwigulu.