Read lulogooli 2 Kyetsinyinga 31 Bible Online

2 Kyetsinyinga 31 - lulogooli bible

2 Kyetsinyinga 31

¹Na yaga gosi lwa ga mala kukolwa, Israeli vosi ava li ho va twula kutsia mu madala ga Yuda, ni vononnya minara, ni va tema misala gyimisambwa, ni va sambula hadigu luku nobwali mu Yuda hosi na Benja mini, na Efiraim kandi na Manase kuduka ni va vi dividza vyosi. Hene yaho avana va Israeli virana, vosi sa mulala va tsia ku miyandu gyigye, mu madala gavo.

²Na Hezekia ya vika ubulohidzi bwelitovoka bwavasalisi na Valevi mundu sa mulala kuli bulindi bwibwe avasalisi na Valevi, ku vihaanwa vyokusambwa nevihaanwa vyemi rembe, ku litumika, nelisantidza, nelidzominya mu viliango vyahoku sosa ha Yahova.

³Kandi ya lomba kidieli kyomwami mu vindu vivye vyevihaanwa vyokusambwa, navyo vi veye vihaanwa vyokusambwa mu gamba nomgolova, nevihaanwa vyokusambwa vyamasabato, nevya myeli mihya na vyamasavo ga lagwa, kuli ga ng odwa mu lilaga lya Yahova.

⁴Kandi ya laga avandu va menya mu Yerusalemi va haane kidieli ku vasalisi na Valevi, va duke kwehaana avene mu lilaga lya Yahova.

⁵Na lwa lilaga lya landa, nonoho avana va Israeli va haana ubuhya ubunyi ngi, bwobuswage, nobwevyokunwa, nobwamaguta, nobwobwuki, nobwe liyama lyosi lyemilimi; va leta kandi izaka yevindu vyosi inyingi.

⁶Navana va Israeli na Yuda, ava menya mu madala ga Yuda, navo kandi va leta izaka yetsing'ombe na yamago ndi, na izaka yevindu vya takaswa vya vikwa ku Yahova Nyasaye wavo, na va vi vungidza vitumi nevitumi.

⁷Ku mweli gwa kavaka va tanga kusingeridza mise gyevitumi, kuduka ku mweli gwegyitano negyiviri, va vi mala.

⁸Na Hezekia na vanene lwa va tsia va lola vitumi zana, va ga sidza Yahova, navandu veve Israeli.

⁹Hene yaho Hezekia ya teva vasalisi na Valevi makuva gevitumi.

¹⁰Na Azaria musalisi munene, wenyumba ya Zadoku, ya mu tivulira, na a vola, Kutwula lwa avandu va tanga kuleta vindu vyokuhaana mu inyumba ya Yahova, kwa lia nokwiguuta, ni ku leka vinyingi: kigira Yahova ya gasidza avandu veve; na vya tigala ni yivi akiba inene.

¹¹Hene yaho Hezekia ya laga va lombe tsinyumba mu inyumba ya Yahova, na va tsi lomba;

¹²na va vika mu vindu vya haanwa na tsizaka nevindu vya takaswa, nobusuvirifu. Na Konania Mulevi ya li mulindi wevindu yivi, namwavo wewe Shimei ya li wa kaviri.

¹³Na Jehieli, na Azazia, na Nahathu, na Asaheli, na Jerimothu, na Jazabadu, na Elieli, na Isimakia, na Mahathu, na Benaia, va li avalindi isi womukono gwa Konania na Shimei amwavo wewe, kuli litovola lya Hezekia mwami, na Azaria, mutwe gwenyumba ya Nyasaye.

¹⁴Na Kore mwana wa Imina Mu levi, mulindi wekiribwa kyevugwe, ya li igulu wevihaanwa vya Nyasaye vyobuyanzi, kugavula vindu vya Yahova vyokuhaana, nevindu vita katifu ligali.

¹⁵Na ava li isi wewe ni Edeni, na Miniamin, na Jeshua, na Shemaia, na Amaria, na Shekania, mu madala gavasalisi, mu bulindi bwavo, va haana ku vamwavo vavo kuli litovoka lyavo, avanene na vakekeke halala:

¹⁶halala na yavo ava li mu livalidzwa lyelikula lyava satsa, kutwula ku mundu wemihiga gyivaka nokuvita, kali sa mulala avingira mu inyumba ya Yahova, kuli miyinzi gyamadiku gosi sa malala, mu bulindi bwavo kuli litovoka lyavo,

¹⁷na yavo ava validzwa kuli likula lyavasalisi kuli tsinyumba tsyavagu vavo, na Valevi kutwula wemihiga makumi gaviri nokuvita, mu bulindi bwavo kuli litovoka lyavo;

¹⁸na yavo va li mu livalidzwa lyelikula lyavana vavo vosi, vakali vavo, navayai vavo, nava kana vavo, mu livugana lyavo lyosi: kigira mu busuuvirifu bwavo va li ni vetakasa avene mu butakatifu.

¹⁹Kandi ku avana va Haruni ava salisi ava li ni va menyi mmilimi gyotudala twamadala gavo sa kalala, va li ho vasatsa ava talwa ameta gavo, avokuhaana vidieli ku vasatsa vosi mu vasalisi, na vosi ava li mu livalidzwa lyelikula ku Valevi.

²⁰Na ndiyo Hezekia ya kola mu Yuda hosi; ya kola bulahi nobulungi nobusuuvirifu imbiri wa Yahova Nyasaye wewe.

²¹Noku miyinzi gyosi gya ya vika ku mukono gwigwe mbutumiki bwenyumba ya Nyasaye, nomu lilaga, nomu amalago, kwenya Nyasaye wewe, ya kola nomwoyo gwigwe gwosi, na a gasidzwa.