Read lulogooli 2 Kyetsinyinga 32 Bible Online

2 Kyetsinyinga 32 - lulogooli bible

2 Kyetsinyinga 32

¹Inyima wevindu yivi, nobusuu virifu yibu, Senakeribu mwami wa Asuria yadza, na yingira Yuda, ni yombaka, a duke kulwana na madala getsingaga, ya ganagana ku ganyola ga ve agege.

²Na Hezekia lwa ya lola Senakeribu ni yadzi, na a saavira kulwana Yerusalemi,

³ya volerana navanene veve navaluviriri veve, kwigalira amadzi gevisenukiru vya li kyova welidala; na va mu konya.

⁴Ma va vugana avandu vanyingi, ni vigalira visenukiru vyosi, nomugera gu vitanga hagati he kivala, ni va vola, Kigira ki avami va Asuria vadza, kunyola amadzi manyingi?

⁵Ya kola ubugulu, ni yombaka lidigi lyosi lyolugaga lya li ni lya sambuka, ya li digulula ni li gwa lilungi neminara, nelidigi lindi lyekyova, na a vika tsingulu Milo, mu lidala lya Daudi, na a lomba viyuma na tsingavo tsinyingi.

⁶Na ya vika vanyampara vobulwani igulu wavandu, na ya va vungidza kuye mmugidze gwekiribwa kyelidala, na a va leminya mwoyo, na a va volera,

⁷Mu ve avagulu, mu ve avaluviriri, mu ta tia mba kandi mu ta degera mba kigira mwami wa Asuria, kinga kigira kiduma kyosi kya a veye nakyo; kigira ku kwinye ku veye nomunene kuvita ku uyu:

⁸kuye ha veye nomukono gwekinyama; na vutswa ku kwinye ha veye na Yahova Nyasaye wetu, wokukonya kwinye, nokukulwanira ubulwani bwetu. Na vandu vesedema ku makuva ga Hezekia mwami wa Yuda.

⁹Kandi inyima ku yaga Senakeribu mwami wa Asuria ya tuma ava tumwa veve kutsia Yerusalemi (naye ya li imbiri wa Lakishi, netsingulu tsitsye tsyosi halala naye), ku Hezekia mwami wa Yuda, noku Yuda vosi ava li Yerusalemi, ya va volera,

¹⁰Sena keribu mwami wa Asuria a vola, Mwesedemi ku kindu ki, kuduka mwekudziye kukumbiridzirwa mu Ye rusalemi?

¹¹Si a li Hezekia u mu goonyanga, kumuleka mu likudza nenzala nobuluhu, na a mu volera, Yahova Nyasaye wetu a la ku honnya kutwula mu mukono gwomwami wa Asuria?

¹²Kigira uyu Hezekia si ya sambula hadiguluku hehe nobwali bwibwe, nokulaga Yuda na Yerusa lemi, na ya va volera, Mu sigamire imbiri wobwali bulala, na mu vuyidze vimuli kubwo?

¹³Si mu manya aga inze na vadada vange va kolera avandu vevivala vyosi? Avanyasaye vetsihiri tsyevivala yivyo va nyala kuhonnya vivala vyavo ku mukono gwange naho?

¹⁴Mu vanyasaye vosi vetsihiri tsyavadada va twulidza, ni bwaha wa nyala kuhonnya avandu veve mmukono gwange, kuduka Nya saye wenyu a duke kumuhonnya mmukono gwange?

¹⁵Kunangwa kalunu Hezekia a ta mu gada mba kandi a ta mu goonya ku inkuva yiyi, kandi mu ta bugirira mba; kigira si ha veye nanyasaye mu tsihiri tsyosi, kinga ubwami u nyala kuho nnya avandu veve mmukono gwange, nomukono gwavadada vange: nasindi Nyasaye wenyu a la nyala ndi kumuhonnya mmukono gwange?

¹⁶Na vatumwa veve va vola kuvita ku Yahova Nyasaye, noku mutumekiri wewe Hezekia.

¹⁷Na ya ng'oda tsibaruwa tsyokukola kihe nyahenyi ku Yahova, Nyasaye wa Israeli, nokumutala budamano, na a vola Kuli avanyasaye vetsihiri tsye vivaia, va vula kuhonnya avandu vavo mmukono gwange, na ndiyo kandi Nyasaye wa Hezekia a la vula kuhonnya avandu veve mmukono gwange.

¹⁸Na vanira nomwoyo munene mu lulimi lwa Kiyuda ku avandu va Yerusalemi ava li igulu welidigi, va duke kuvatihidza, noku vahendidza myoyo: va duke kuvugulalidala.

¹⁹Na va tala Nyasaye we Yerusalemi, kuli ku avanyasaye va vandu vevivala, ava li miyinzi gya makono gavandu.

²⁰Na Hezekia mwami, na Isaya mwana wa Amozu muprofeti, va saala kigira yaga, ni va ginga lilira lyavo migulu.

²¹Na Yahova ya tuma ingelosi, na a twulidza avaluvi riri vosi, na viminri na vanyampara mu hokusosa ho mwami wa Asuria. Ma yirana mkivala kikye netsisoni mmoni. Na lwa ya duka mu inyu mba yomunyasaye wewe, yavo ava twula mmunda mwimwe va mwiitira yo nekivavi.

²²Na ndiyo Yahova ya honnya Hezekia navamenyi Yeru salemi mmukono gwa Senakeribu mwami wa Asuria, na mmakono gavandu vosi, na ya vimirira ku tsimbega tsyosi.

²³Avanyingi va letera Yahova vihaanwa ha Yerusale mi, kandi va letera Hezekia mwami wa Yuda vindu vyobuguli budinyu; kuduka ya kuminywa mu tsimoni tsyetsihiri kutwula mmadiku yago.

²⁴Mmadiku yago Hezekia ya lwala na a vuyika: na a saala Yahova; na a mu volera, na a mu ha kilole kidzu.

²⁵Navutswa Hezekia si ya kola kandi kuli ubulahi bwa ya kolerwa; kigira mwoyo gwigwe gwe ginga: kigira yaga ubutima bwa li kuye, noku Yuda na Yerusalemi.

²⁶Navutswa Hezekia yegehidza ku luyai lyomwoyo gwigwe, uyu nava menyi Yerusalemi, kuduka ubutima bwa Yahova bwa vula kuduka kuvo mmadiku ga Hezekia.

²⁷Hezekia ya li nobutugi bunyingi ligali nelidzominywa: na yelombera amagungi gefetha, nethahabu, nama gina gobuguli budinyu, na vya tsukanywa manamana, netsingavo, noku viju vyosi vyobuguli budinyu;

²⁸na videera vivye vyelimedeka lyobuswage, na iwaini, na maguta; nevigo vyemitugu gyetsing'ano tsyosi, nevyayo mu vigo.

²⁹Kandi ya lomba madala gege, nevyayo vyama gondi netsing'ombe tsinyingi; kigira Nyasaye ya mu ha ubutugi bunyingi ligali.

³⁰Uyu Hezekia ya kunika kisenukiru kyamadzi ga Gihon, na ya ga leta hasi ku luvega lwamadioli lwelidala lya Daudi. Hezekia ya gasi dzwa mu miyinzi gyigye gyosi.

³¹Navutswa mu makuva yavatumwa vavanene va Babuloni va tuma kuye ku liteva lyekyokugenya kya kolwa mu kivala, Nyasaye ya mu leka, a geridzwe, a duke kumanya gosi ga veye mmwoyo gwigwe.

³²Na vya tigala mu vikolwa vya Hezekia, nevikolwa vivye vilahi, henza, vya ng'odwa mmalola gomu profeti Isaya mwana wa Amozu, mu kitabu kyavami va Israeli na Yuda.

³³Na Hezekia ya gona halala nava guga veve, ni va mu ta ha kwane gira mu vilindwa vyavana va Daudi: na Yuda hosi na vamenyanga Yerusa lemi va mwidzominya inyinga yeli kudza lilye. Na Manase mwana wewe yameha mbugono bwibwe.