Read lulogooli 2 Kyetsinyinga 33 Bible Online

2 Kyetsinyinga 33 - lulogooli bible

2 Kyetsinyinga 33

¹Manase ya li wemihiga likumi na gyiviri lwa ya tanga kwa meha; na yameha mihiga makumi gatano na gyitano mu Yerusalemi.

²Na ya kola budamano mu tsimoni tsya Yahova, ku lilonda livihiriridza lyetsihiri tsya Yahova ya ta imbiri wavana va Israeli.

³Kigira ya digulula hadiguluku ha dada wewe Hezekia ya sambula; na ya singeridzira Vabaal ubwali na ya lomba misala gyemisambwa, na ya sigamira lihe lyosi lyomigulu, na ya va tume kira.

⁴Na yombaka ubwali mu inyumba ya Yahova, ya Yahova ya vola ku makuva gayo, Lieta lyange li la va mu Yerusalemi mihiga nemi higa.

⁵Na yombakira lihe lyosi lyomigulu ubwali mu migidzi gyiviri gyenyumba ya Yahova.

⁶Kandi ya vitidza avana veve hagati homuliru mwivona lyo mwana wa Hinom; na ya henza ku vindu vyomu bwerefu, na a kola bukumu bwobusegetiri, na a tumekira avevigingi, na vasegetiri na a kola budamano bunyingi mu tsimoni tsya Yahova, kumuvihiriridza.

⁷Na kifwananyi kyokuvadzwa, kya ya lomba, ya ki vika mu inyumba ya Nyasaye, ya Nyasaye ya volera Daudi nomwana wewe Solo moni, Mu inyumba yiyi, nomu Yerusalemi, lya nda tovola mu tsi hiri tsyosi tsya Israeli, nda vika lieta lyange mihiga nemihiga:

⁸kandi induvatiru ya va Israeli si nda gi twulidza kandi mu kivala kya nda vikira avaguga venyu, ni va va ni va linda nokukola aga nda va laga gosi, nago ga veye lilaga lyosi na malago nelikalaga ku mukono gwa Musa.

⁹Manase ya kyaminya Yuda, na vamenya Yerusalemi va luha va kola ubudamano kuvita tsihiri tsva Yahova ya dividza imbiri wavana va Israeli.

¹⁰Na Yahova ya volera Manase navandu veve; navutswa si va hulira.

¹¹Ma Yahova ya leta kuvo avanya mpara velihe lyomwami wa Asuria wa vugula Manase na a boheywi munyororo, ni va mu vika kivya, na va tsia naye Babuloni.

¹²Na lwa ya li mu kivi, yanira Yahova Nyasaye wewe, ni yegehidza ligali imbiri wa Nyasaye wavuguga veve.

¹³Ya mu saala, na a hulirwa, na Nyasaye ya hulira lyegehidza lilye, na a mira nnya Yerusalemi mu bwami bwibwe. Hene yaho Manase ya manya Yahova niye Nyasaye.

¹⁴Inyima wa yaga yombakira lidala lya Daudi lidigi lyolugaga lwe kyova, ku luvega lwemadioli lwa Gihon, mwivona, kuduka ha bwingi riru bwekiribwa kyetsisudzi; na ya kumbiridza Ofeli nolugaga tsimbega tsyosi, na ya lu tambehidza kutsia igulu ligali: na ya vika avanyampara avaluviriri mu madala gosi ga Yuda, getsingaga.

¹⁵Ya twulidza avanya saye vageni, nekifwananyi mu inyu mba ya Yahova, nobwali bwosi bwa yombaka mu kigulu kyenyumba ya Yahova, nomu Yerusalemi, na a vi ta kyova welidala.

¹⁶Na ya digu lula bwali bwa Yahova, na ya haana kubwo vihaanwa vyemirembe, na vyokusantidza, na ya laga Yuda va tumekire Yahova, Nyasaye wa Israeli.

¹⁷Navutswa avandu va li ni va ki haananga vihaanwa ku hadiguluku, navutswa va haana ku Yahova Nyasaye wavo yeng'ine.

¹⁸Na vya tigala ku vikolwa vya Manase, na lisaala lilye ku Nyasaye wewe, noku makuva ga valoli va mu volera ku lieta lya Yahova, Nyasaye wa Israeli, henza, ga ng'odwa mu vikolwa vyavami va Israeli.

¹⁹Ka ndi lisaala lilye, na kuli ya hulirwa, nobwoni bwibwe nelihyola lilye, na hadiguluku ha yombaka, nelisingeridza lilye misala gyemisambwa, neki fwananyi kyokuvadzwa, lwa ya li na a kikiri kwegehidza, henza, vyosi vya ng'odwa mu makuva ga Hozai.

²⁰Ma Manase ya gona halala na vaguga veve, ni va mu ta mu inyumba Jeye mwene: Amoni mwana wewe ya meha mbugono bwibwe.

²¹Amoni ya li wemihiga makumi gaviri na gyiviri lwa ya tanga kwa meha; ni yameha mihiga gyiviri mu Yerusalemi.

²²Na ya kola buda mano mu tsimoni tsya Yahova, kuli dada wewe Manase; Amoni ya haana vihaanwa ku vifwananyi vyosi vyo kuvadzwa vya Manase dada wewe ya lomba, na a vi tumekira.

²³Naye si yegehidza mwene imbiri wa Yahova, kuli Manase dada wewe yegehidza; navutswa uyu Amoni ya kiridza ubwoni.

²⁴Na vatumekiri veve va mwekiruka, ni va mwiitira mu inyumba yeye.

²⁵Navutswa ava ndu vekivala viita yavo vosi aveki ruka umwami Amoni: navandu veki vala vamehidza Josia mwana wewe mbugono bwibwe.