Read lulogooli 2 Kyetsinyinga 34 Bible Online

2 Kyetsinyinga 34 - lulogooli bible

2 Kyetsinyinga 34

¹Josia ya li wemihiga gyitano na gyivaka lwa ya tanga kwa meha; na yameha mihiga makumi gavaka na mulala mu Yerusalemi.

²Na ya kola agobulungi mu tsimoni tsya Yahova, na ya genda mu tsinzira tsya Daudi guga wewe, si ya giru nkana kutsia ha luvega ku luvega lwomukono mulungi kinga mukono mmosi.

³Kigira ku muhiga gwegyi tano na gyivaka gwelyameha lilye, lwa ya li na a kikiri muyai, ya tanga kwenya Nyasaye wa guga wewe Daudi; noku muhiga gwelikumi na gyiviri ya tanga kutakasa Yuda na Yerusalemi, kutwulidza hadiguluku, nemisala gyamisambwa, nevifwananyi vya vadzwa, nevifwananyi vyo kwelonga.

⁴Ya tsoma hasi imbiri wewe ubwali bwa Vabaal: na a tema vifwananyi vyeliuva, vya singira igulu kubwo; nemisala gyemisambwa nevifwananyi vya vadzwa, nevifwa nanyi vyokwelonga, ya vyatannya, nokuvishonolanya, kuduka kuva lu gukyi, no lugukyi zana ya lu tsuka ku vilindwa vya yavo ava viitira vihaanwa.

⁵Na vigumba vyavasa lisi ya vi sambira ku bwali bwavo, na ya takasa Yuda na Yerusalemi.

⁶Nomu madala ga Manase na Efi raim na Simeoni, kali kuduka Nafitali, mu vyanyi vyago tsimbega tsyosi, ya kola ndiyo.

⁷Ya sambula ubwali, na a shonolonnya misala gyemisa mbwa, nevifwananyi vyokuvadzwa, vi gwe vidonye, na ya tema vifwana nyi vyeliuva mu kivala kyosi kya Israeli, na yirana Yerusalemi.

⁸Kuduka ku muhiga gwelikumi na gyitano na gyivaka gwelyameha lilye, lwa ya mala kutakasa kivala nenyumba, ya tuma Shafan mwana wa Azalia, na Maaseia mutwe gweli dala, na Joa mwana wa Joahazu mung'odi wetsinyinga, kudigulula inyumba ya Yahova Nyasaye wewe.

⁹Va tsia ku Hilikia musalisi munene, va mu ha if etha ya vikwa mu inyumba ya Nyasaye, ya Valevi, avalindi ava muliango, ya va vungidza mu makono ga Vamanase na Vaefiraim, na vosi va tigala va Israeli, na Vayuda na Benjamini, na vosi va menya mu Yerusalemi.

¹⁰Va gi vika mmakono ga vasidza ava li nobulindi bwenyu mba ya Yahova, na vasidza ava kola miyinzi hagati ha inyumba ya Yahova, va gi twulidza kulomba noku digulula inyumba:

¹¹ava hebwa va li avavadzi, na vombaki, va duke kugula magina ga vadzwa, nemisala gyokuhambanyira, negyemialiru gye tsinyumba tsyavami va Yuda vono nnya.

¹²Na vandu yavo va kola miyinzi nobusuuvirifu: na vasingiriri vavo va li Jahathu na Obadia, Valevi, avana va Merari; na Zekaria na Meshulam, ku avana va Vakohathu, kutsuva miyinzi; nomu Valevi, vosi ava li avasidza veviju vyokwimbira.

¹³Navo va li igulu wavagingi, noku vatsuva vosi avakola miyinzi mu butumiki bwosi lugano lugano: nomu Valevi va li avang'odi, navanya mpara, navalindi vemiliango.

¹⁴Na lwa va twulidza ifetha ya letwa mu inyumba ya Yahova, Hilikia musalisi ya nyola kitabu kye lilaga lya Yahova lya twula ku Musa.

¹⁵Na Hilikia ya tivula na a volera Shafan mung'odi, Nyoye kitabu kye lilaga mu inyumba ya Yahova. Na Hilikia ya haana kitabu ku Shafan.

¹⁶Na Shafan ya tsia nakyo ku mwami, na kandi yirannya makuva ku mwami, na a mu volera, Avatu mekiri vovo va kolanga gosi aga vikangwa kuvo.

¹⁷Na ifetha ya nyoleka mu inyumba ya Yahova va gi tsuka, va gi vika mmakono gavasingiriri, nommakono gavasidza.

¹⁸Na Shafan mung'odi ya volera mwami, na a vola, Hilikia musalisi u mbeye kitabu. Na Shafan ya ki soma imbiri womwami.

¹⁹Na lwa mwami ya hulira makuva gelilaga, ya tandula tsingubo tsitsye.

²⁰Mwami ya laga Hilikia, na Ahikam mwana wa Shafan, na Abidon mwana wa Mika, na Shafan mung'odi, na Asaia mutumekiri womwami, na a va volera,

²¹Mu tsie, kuntevera Yahova, inze na vatigala vosi va Israeli na Yuda, ku makuva gekitabu kya nyoleka; kigira ubutima bwa Yahova bwa tsukwa ku kwinye bu veye bunene, kigira avaguga vetu va vula kugu mira likuva lya Yahova, kuduka kukola gosi ga ng'odwa mu kitabu yiki.

²²Ma Hilikia, na yavo avo mwami ya laga, va tsia ku Hulida muprofeti wekikali, naye ni muka Shalum mwana wa Tokathu, mwana wa Hasara, mulindi wetsingubo (a me nyanga Yerusalemi mu lusoma lwa li kaviri); na va mu volera kuli yago.

²³Naye ya va volera, Yahova, Nyasaye wa Israeli, a volanga: Mu volere mundu musatsa wa mu tuma ku inze,

²⁴Yahova a vola ndi, Henza, nda leta budamano yibu hano noku va menyanga ho, nabwo ni vilaamo vyosi vya ng'odwa mu kitabu kya va soma imbiri womwami wa Yuda.

²⁵Kigira va ndeka, nokuvuyidza vimuli ku vanyasaye vandi, va duke kumbihiriridza nemi yinzi gyosi gyamakono gavo; kigira yaga ubutima bwange bu tsukwa hano, bu la vula kusiminywa.

²⁶Na vutswa mwami wa Yuda, wa mu tuma kuteva Yahova, mu mu vo lere, Yahova, Nyasaye wa Israeli, a vola ndi: Ku makuva ga wa hulira

²⁷kigira mwoyo gugwo gwa ii mudoto, wegehidza imbiri wa Nya saye, lwa wa hulira makuva gege ku hano, noku yavo ava menyanga ho, na wegehidzi imbiri wange, na u tanduye tsingubo tsitsyo, nokulira imbiri wange; Yahova a vola, Inze nku huliye.

²⁸Henza, nda ku vungidza u ve halala navaguga vovo, u la vungidzwa mu kilindwa kikyo nemirembe, tsimoni tsitsyo si tsi la lola ubudamano bwosi bwa ndeta hano, noku ava menya ho. Na virannya mativuli ku mwami.

²⁹Hene yaho mwami ya hila vatumwa na ya vungidza halala ava kulundu vosi va Yuda na Yerusalemi.

³⁰Na mwami yanegira mu inyumba ya Yahova, navasatsa vosi va Yuda na ava menya mu Yerusalemi, nava salisi, na Valevi, navandu vosi, ava nene navakekeke: na ya va somera mmatu gavo makuva gosi gekitabu kyamalago kya loleka mu inyumba ya Yahova,

³¹Na mwami ya singira mbugono bwibwe, na ya lomba lilagana imbiri wa Yahova, kulonda Yahova inyima wewe, nokugumira lilagana lilye, nelilolekidza lilye, na malago gege, nomwoyo gwigwe gwosi, naroho gwigwe gwosi, nokukola ma kuva gelilagana lya ng'odwa mkitabu yiki.

³²Ya kola vosi ava li mu Yerusalemi na Benjamini kusingirira lilagana. Ava menyanga Yerusalemi va kola kuli lilagana lya Nyasaye, Nyasaye wavaguga vavo.

³³Na Josia ya twulidza vyokuvihirirldza vyosi mu vivala vyosi vyavana va Israeli, ya kola vosi ava nyoleka mu Israeli kutumika, va tumekira mu bu tumwa bwa Yahova Nyasaye wavo. Madiku gege gosi si va leka kulonda Yahova, Nyasaye wavaguga vavo.