Read lulogooli 2 Kyetsinyinga 35 Bible Online

2 Kyetsinyinga 35 - lulogooli bible

2 Kyetsinyinga 35

¹Yosia ya lombera Yahova lipa saka mu Yerusalemi: na viitira lipasaka ku lidiku lyelikumi na gane lyomweli gwokutanga.

²Na ya vika vasalisi sa mulala mbuiindi bwibwe, na a va leminya mwoyo mu butu miki bwenyumba ya Yahova.

³Na ya volera Valevi avegidza Israeli vosi, ava li vatakatifu ku Yahova, Lisanduku litakatifu, mu li vike mu inyumba ya Solomoni yombaka, mwana wa Daudi mwami wa Israeli; mu vule kuminika kandi ku mavega genyu. Kalunu mu tumekira Yahova Nyasaye wenyu, navandu veve Isra eli;

⁴mwetegeke avene kuli tsinyu mba tsyavaguga venyu, kuli litovoka lyenyu, kuli mang'oda ga Daudi mwami wa Israeli, na kuli mang'oda ga Solomoni mwana wewe.

⁵Ka ndi mu singire mu hatakatifu kuli vidieli vyetsinyumba tsyavaguga va vamwavo venyu avana vavandu, na sa mulala mu ve nekidieli kyenyumba yavaguga va Valevi.

⁶Mwiite li pasaka, mwetakase avene, nokulo mbera avamwavo venyu, kukola kuli likuva lya Yahova, nomukono gwa Musa.

⁷Na Josia ya ha avana vavandu, ku kyayo, avana vamagondi, nevi meme, yivyo vyosi vi ve vihaanwa vyelipasaka, ku vosi ava li ho, vya duka livalidzwa tsielfu makumi ga vaka, ya va ha kandi tsing'ombe tsielfu tsivaka: yivyo vya li ku bu tugi bwomwami.

⁸Na vanene veve va ha avandu, na vasalisi, na Valevi vihaanwa vyobuyanzi. Hilikia na Zekaria na Jehieli, avanene venyumba ya Nyasaye, va ha vasalisi kuva vi haanwa vyelipasaka mitugu minye rere tsielfu tsiviri na tsimia tsitano na indala, netsing'ombe tsimia tsi vaka.

⁹Na Konania, navamwavo veve Shemaia na Nathaneli, na Hashabia na Jeieli na Jozabadu, avanene va Valevi, va ha Valevi vihaanwa vyelipasaka, mitugu mi nyerere elfu tsitano, netsing'ombe mia tano.

¹⁰Ma butumiki bwetegeka, nava salisi va singira mbugono l)wavo na Valevi mu litovoka lyavo, kuli lilaga lyomwami.

¹¹Na viita lipasaka, navasalisi vuha masahi ga va nyola ku makono gavo, na Valevi va tsi nyenya.

¹²Na va twulidza vihaanwa vyokusambwa, va duke kuvaha kuli vidieli vyetsinyumba tsyavaguga vavana vavandu, va duke kuhaana ku Yahova, kuli ga ng'odwa mu kitabu kya Musa. Na va kola ndiyo ku tsing'ombe.

¹³Vo minya lipasaka nomuliru kuli ama lago: va deka kihaanwa kitakatifu mu tsinyingu, nomu vifuria, nomu tsisahani, nokuvihila bwangu ku avana vavandu vosi.

¹⁴Na lwe nyima velombere avene, navasalisi, kigira avasalisi avana va Haruni va veye mu lihaana vihaanwa vyokusa mbwa netsitinya, kuduka budiku: kigira yaga Valevi velombera avene, navasalisi avana va Haruni.

¹⁵Na avimbi avana va Asafu va li mbugono bwavo, kuli lilaga lya Daudi, na Asafu, na Heman, na Jeduthun mu loli womwami; na valindi va li mu viribwa vyosi: si va li nelyenya ku twula mu butumiki bwavo; kigira vamwavo vavo Valevi va va lombera.

¹⁶Ma ubutumiki bwosi bwa Ya hova bwa lombwa ku lidiku zana, kulomba lipasaka, nokuhaana vihaa nwa vyokusambwa ku bwali bwa Yahova, kuli amalago gomwami Josia.

¹⁷Na vana va Israeli ava li ho, va lomba lipasaka inyinga yeyo, nelisavo lyobukima bu ta li namamera madiku gatano na gaviri.

¹⁸Si ha li neli pasaka mu Israeli kuli yili kutwula ku madiku gomprofeti Samweli, kandi si ha li mu avami va Israeli wa lomba lipasaka kuli yili lya Josia ya lomba, navasalisi, na Valevi, na Vayuda vosi na Israeli va li ho, na avamenyi mu Yerusalemi.

¹⁹Lipasaka yili lya lombwa mu muhiga gwelikumi na gyitano na gyivaka gwelyameha lya Josia.

²⁰Inyima wa yaga gosi, lwa Josia ya mala kulomba litempeli, Neko mwami wa Egepeti yanegira kulwana na Karkemishi ku luginga lwomugera gwa Farati: na Josia ya mu twulira.

²¹Navutswa ya tuma vatumwa kuye, kumuvolera, Mbeye na ki ku ive, ive mwami wa Yuda? Si nzidza ku ive lero, navutswa ku inyumba ya mbeye nobulwani nayo; na Nyasaye ya ndaga kukola bwangu, welinde ku Nyasaye, u veye halala ninze, gase a la kudividza.

²²Navutswa Josia si ya girunkana mmoni mwimwe ku twula kuye, navutswa yegirunkanya a duke kulwana naye, kandi si ya hulira amakuva ga Neko aga twula mmunwa gwa Nyasaye, ya tsia kulwana naye mwivona lya Megido.

²³Avobuta va lasa mwami Josia; nomwami ya volera avatumekiri veve, Mu nzahule; kigira ndaseywi ligali.

²⁴Ma vatumekiri veve va mu twu lidza ku ligari lilye, nokumuvika mu ligari lya kaviri lya ya li nalyo, na va mu leta Yerusalemi; na a kudza, na a tebwa mu vilindwa vyavaguga veve. Na Yuda vosi na Yerusalemi va syomera Josia.

²⁵Na Jeremia ya syomera Josia: avimbi vosi vasatsa na vakali va laha Josia mu tsinzikulu tsyavo kuduka lero; na va tsi kola kuva lilaga ku Israeli: na, henza, ga ng'odwa mu lisyoma.

²⁶Na vya tigala mu vikolwa vya Josia, na vi kolwa vilahi vivye, kuli vya ng'odwa mmalago ga Yahova,

²⁷na vikolwa vivye, vyokutanga na vyekiheri, henza, vya ng'odwa mu kitabu kya vami va Israeli na Yuda.