Read lulogooli 2 Kyetsinyinga 36 Bible Online

2 Kyetsinyinga 36 - lulogooli bible

2 Kyetsinyinga 36

¹Hene yaho avandu vekivala va vugula Jehoahazu mwana wa Josia, na va mwamehidza mbugono bwa dada wewe mu Yerusalemi.

²Joahazu ya li wemihiga makumi gaviri na gyivaka lwa ya tanga kwameha; na yameha myeli gyivaka mu Yerusalemi.

³Na mwami wa Egepeti ya mu twulidza ha Yerusa lemi, na ya solola ku kivala tsitelanta mia tsyefetha, netalenta indala yetha habu.

⁴Mwami wa Egepeti yame hidza amwavo wewe Eliakim ku Yuda na Yerusalemi, na a mu giru nkannya lieta lilye na a mu gulika Jehoiakim. Neko ya vugula Joahazu amwavo wewe, na ya tsia naye Egepeti.

⁵Jehoiakim ya li wemihiga ma kumi gaviri na gyitano lwa ya tanga kwameha; na yameha mihiga likumi na mulala mu Yerusalemi: na ya kola budamano mu tsimoni tsya Yahova Nyasaye wewe.

⁶Nebuka dinezaru mwami wa Babuloni yadza kuye, na a mboha nevivya, na a tsia naye Babuloni.

⁷Kandi Nebukadi nezaru ya hila viju vyenyumba ya Yahova na a tsia navyo Babuloni, na a vi vika mu litempeli lilye ha Babuloni.

⁸Na vya tigala ku viko lwa vya Jehoiakim, nevivihiriridzi vivye vya ya kola, na vya loleka muye, henza, vya ng'odwa mu kitabu kyavami va Israeli na Yuda: na Jehoiakin mwana wewe yameha mbu gono bwibwe.

⁹Na Jehoiakin ya li wemihiga gyitano na gyivaka lwa ya tanga kwa meha; na yameha myeli gyivaka na madiku likumi mu Yerusalemi: na ya kola budamano mu tsimoni tsya Yahova.

¹⁰Na lwa muhiga gwi rana mwami Nebukadinezaru ya tuma vatumwa, na ya mu hila Babuloni, halala neviju vyobuguli budinyu vyenyumba ya Yahova, na yamehidza Zedekia amwavo wewe ku Yuda na Yerusalemi.

¹¹Zedekia ya li wemihiga makumi gaviri na mulala lwa ya tanga kwa meha; na yameha mihiga likumi na mulala mu Yerusalemi:

¹²na ya kola budamano mu tsimoni tsya Yahova Nyasaye wewe; na si yege hidza mwene imbiri womuprofeti Jeremia, lwa ya vola nomunwa gwa Yahova.

¹³Ya sula amalago go mwami Nebukadinezaru, niye wa mwisuhidza ku Nyasaye: navutswa ya kola ligoti lilye lidinyu, na ya dinye ridza mwoyo gwigwe a vule kwirana ku Yahova, Nyasaye wa Israeli.

¹⁴Kandi mitwe gyosi gyavasalisi na gyavandu, va kola mahyolo ligali kulonda vivihiriridzi vyosi vyavatsi hiri, na vononnya inyumba ya Ya hova ya ya takasa mu Yerusalemi.

¹⁵Na Yahova, Nyasaye wavaguga vavo, ya hila kuvo avatumwa veve, ya wka mmabwebwe kuvatuma, kigira ya vererera avandu veve, na ha bume nyo hehe:

¹⁶navutswa va tindira avatumwa va Nyasaye, na va lega makuva gege, na va kolera vaprofeti veve kihenyihenyi, kuduka ubutima bwa Yahova bwa vuka ku avandu veve, kuduka ha vula kuva nekyoku honnya.

¹⁷Kunangwa ya leta kuvo mwami wa Vakalidei, wiita vasoleli vavo nekivavi mu inyumba ya hatakatifu havo, na si va li nelivererera ku vaso leli avekiyai kinga avekikana; kinga ku mundu u duki, kinga musakulu: yavo vosi ya va vika mmukono gwigwe.

¹⁸Na viju vyosi vyenyu mba ya Nyasaye, vinene nevike keke, na akiba ye inyumba ya Yahova, na akiba yomwami, na ya vanene veve, yivi vyosi ya tsia navyo Babuloni.

¹⁹Na va samba inyu mba ya Nyasaye, na va sambula lidigi lyolugaga lwa Yerusalemi, na va samba tsinyumba tsyalyo tsyosi tsyobwami nomuliru, na vononnya viju vyosi vilahi vyalyo.

²⁰Navo va hona ku kivavi ya tsia navo Babu loni; ni va gwa avatugwa kuye noku avana veve kuduka ku lyameha lya Vapersia:

²¹kudukidza likuva lya Yahova ku munwa gwa Jeremia, kuduka kivala kya dukidza masa bato gakyo; kigira kya li nelisabato ku madiku gosi gelyoneka lyakyo, kuduka mihiga makumi gatano na gaviri.

²²Kunangwa mu muhiga gwokutanga g va Kurusi mwami wa Persia, kuduka likuva lya Yahova ku mu nwa gwa Jeremia li dukidzwe, Yahova ya vukidza mwoyo gwa Kuru si mwami wa Persia, kulandidza mu bwami bwibwe bwosi, nokung'oda tsibaruwa kandi, na a vola,

²³Kurusi mwami wa Persia a volanga, Ubwami bwosi bwelirova Yahova, Nyasaye womigulu, u heye inze; kandi u lagi inze kumwombakira inyumba ha Yerusalemi, li veye mu Yuda. U veye ku mwinye mu avandu veve vosi, Yahova Nyasaye wewe ave naye, yanegire, a tsie.