Read lulogooli 2 Kyetsinyinga 7 Bible Online

2 Kyetsinyinga 7 - lulogooli bible

2 Kyetsinyinga 7

¹Solomoni lwa ya mala lisaala, umuliru gwika kutwula mwigulu, ni gu kaminya vihaanwa vyokusamba nevihaanwa vyosi; nobukumi bwa Yahova bwizula inyumba.

²Na vasalisi si va nyala kwingira mu inyumba ya Yahova, kigira ubukumi bwa Yahova bwizula inyumba ya Yahova.

³Avana va Israeli vosi va henza, lwa muliru gwika, nobu kumi bwa Yahova bwa li ku inyumba; na vinama avene matung'ama ku magina galwo, ni va sigamira, na va santidza Yahova, ni va vola, Kigira a veye mulahi; kigira tsimbabasi tsi tsye tsi veye tsyemihiga nemihiga.

⁴Hene yaho mwami navandu vosi va leta kihaanwa imbiri wa Yahova.

⁵Mwami Solomoni ya haana kihaa nwa tsing'ombe tsielfu makumi gaviri na tsiviri, na magondi tsielfu mia na makumi gaviri. Na ndiyo mwami navandu vosi va takasa inyumba ya Nyasaye.

⁶Na vasalisi va singira, sa mulala kuli bulindi bwibwe, na Valevi kandi va ve neviju vyokwimba ku Yahova, vyomwami Daudi ya lomba kusantidzira Yahova (kigira tsimbabasi tsitsye tsi veye tsyemihiga nemihiga), lwa Daudi yidzominyira ku butumiki bwavyo: na vasalisi va kupa visiliva imbiri wavo; na Israeli vosi va singira.

⁷Kandi Solomoni ya takasa hagati homugidzi gwe mbiri wenyumba ya Yahova; kigira ha zana ni ho ha ya haanira vihaanwa vyokusambwa, netsitinya tsyevihaa nwa vyemirembe, kigira ubwali bwo mugasa bwa Solomoni ya lomba, si bwa duka ku vugula tsisadaka tsyokusambwa, nevihaanwa vyobusie, ne tsitinya.

⁸Kunangwa Solomoni ya lomba lisavo inyinga yeyo madiku gatano na gaviri, na Israeli vosi halala naye, na li veye livugana linene ligali, ku twula ho kwingira Hamathu kuduka ku mugera gwa Egepeti.

⁹Noku lidiku lya gatano na gavaka va kola livugana lyokusaala: kigira va gumira litakasa bwali madiku gatano na gaviri, na lisavo madiku gatano na gaviri.

¹⁰Na mweli gwegyitano na gyiviri lidiku lya makumi gaviri na gavaka ya va ha munwa va tsia mu mahema gavo, nobuyanzi nobusa ngali mu myoyo kigira ubulahi bwa Yahova ya kolera Daudi, na Solo moni, navandu veve Israeli.

¹¹Ni ndiyo Solomoni ya twekidza inyumba ya Yahova, nenyumba yo mwami, na vyosi vya duka mu mwoyo gwa Solomoni kuvilomba mu inyu mba ya Yahova, nomu inyumba yeye, ya vi twekidza nobugasu.

¹²Ya hova ya loleka ku Solomoni mbudiku, na a mu volera, Mbuliye lisaala lilyo, ntovoye hano ha ve inyumba yange yevihaanwa.

¹³Ni mba ni mboha ligulu, imbula i vule kukupa, kinga ni mba ni mpa tsisigi munwa ku lia kivala, kinga ni mba ni ndeta iplegi hagati ha vandu vange;

¹⁴ni i va avandu vange, ava langwa ku li eta lyange kuvo, vegehidze avene, nokusaala, nokwenya mmoni mwange, nokwirana kutwula ku tsinzira tsyavo tsindamano tsyosi; hene yaho nda hulira hano miguhl, nokusameha ubwoni bwavo, nokuhonnya kivala kyavo.

¹⁵Kalunu tsimoni tsyange tsi la kunuka, namatu gange ga la tega, ku lisaala li kolangwa hano.

¹⁶Kigira kalunu ntovoye inyumba yiyi nokugitakasa, lieta lyange li ve mu amadiku gosi; netsimoni tsyange nomwoyo gwange vi la va mu kazozo.

¹⁷Na ive, nu u va nu u genda imbiri wange kuli dada wowo Daudi ya genda, nokukola kuli gosi ga nda ku laga, nokugumira lilagana lyange, nelikalaga lyange;

¹⁸hene yaho nda haana tsingulu ku intebe yo bwami bubwo, kuli nda lagana na dada wowo Daudi, lwa nda mu volera, Si a la daka ku ive umundu wokwa meha Israeli.

¹⁹Navutswa ni mu girunkana, nokuleka lilagana lyange na malago gange aga mbiki imbiri wenyu, ni mu tsia kutumekira avanyasaye ava ndi, nokuvasigamira;

²⁰hene yaho ndiha yava na vitinya vyavo mu kivala kyange kya nda va ha; ne nyumba yiyi ya nda takasira lieta lyange, nda gi syuva ihale netsimoni tsyange, kandi nda gi kola kuva lugano na lieta lyokukyaiywa hagati hetsihiri tsyosi.

²¹Na inyumba yiyi i manyekani ku vosi u vitanga ahimbi kuyo i la mu gennya, naye a la vola, Kigira ki Yahova a koli ndi kivala yiki nenyumba yiyi?

²²Navo va la tivuia, Ga veye kigira va leka Yahova, Nyasaye wavaguga vavo, wa va twulidza mu kivala kya Ege peti, nokugumira avanyasaye vandi, kuvasigamira, nokuvatumekira: ki gira yaga ya leta kuvo ubudamano yibu bwosi.