Read lulogooli Ezara 8 Bible Online

Ezara 8 - lulogooli bible

Ezara 8

¹Na yava nivo mitwe gyetsinyumba tsyavaguga vavo, na makula gavo avanegira halala ninze kutwula Babuloni, inyinga yelyameha lyomwami Aritashashita:

²Ku avana va Fine hasi, Gerishom. Ku avana va Itha maru, Danyeli. Ku avana va Daudi, Hatushu.

³Ku avana va Shekania, ku avana va Paroshu, Zekaria; na avekisatsa mia na makumi gatano ava validzwa halala naye ku lilonda makula.

⁴Ku avana va Pahathu moabu, Elihoenai mwana wa Zerahia; navekisatsa tsimia tsiviri halala naye.

⁵Ku avana va Shekania, mwana wa Jahazieli; navekisatsa tsimia tsivaka halala naye.

⁶Noku avana va Adini, Ebedi mwana wa Jonathan; navekisatsa makumi gatano halala naye.

⁷Noku avana va Elam, Jeshaia mwana wa Athalia; naveki satsa makumi gatano na gaviri halala naye.

⁸Noku avana va Shefatia, Zebadia mwana wa Mikaeli; naveki satsa makumi gatano na gavaka halala naye.

⁹Noku avana va Joabu, Obadia mwana wa Jehieli; navekisatsa tsimia tsiviri nelikumi na vatano na vavaka halala naye.

¹⁰Noku avana va Shelomithu, mwa na wa Josifia; navekisatsa mia na makumi gatano na lilala halala naye.

¹¹Noku avana va Bebai, Zekaria mwana wa Bebai; navekisatsa ma kumi gaviri na vatano na vavaka halala naye.

¹²Noku avana va Azigadi, Johanan mwana wa Haka tan; navekisatsa mia na likumi halala naye.

¹³Noku avana va Adonikam, vakogoti; nameta gavo ni yaga: Elifeleti, na Jeueli, na Shemaia; navekisatsa makumi gatano na lilala halala navo.

¹⁴Noku avana va Bigivai, Uthai, na Zabudu; naveki satsa makumi gatano na gaviri halala navo.

¹⁵Na inze nda va vungidza halala ha mugera ugwikanga kutsia Ahava; na kwa lomba hokusosa hetu ha zana madiku gavaka; na nda liguula avandu, navasalisi, na si nda lola yo avana va Levi:

¹⁶Hene yaho nda langa Eliezeru, na Arieli, na Shemaia, na Elinathan, na Jaribu, na Eli nathan, na Nathan, na Zekaria, na Meshulam, avahdu vanene, kandi nda langa Joiaribu, na Elinathan, ava li avegidzi.

¹⁷Na nda va tuma va tsia ku Ido, wa li munene ha langa ngwa Kasifia; na nda vavolera likuva lya va volera Ido, navamwavo veve Vanethini, ha Kasifia, va ku letere avandu ava tumika mu inyumba ya Nyasaye wetu.

¹⁸Kandi kuli mu kono mulahi gwa Nyasaye wetu gwa li halala nekwinye va ku letera mundu mulala wobugeeri, ku avana va Mahali, mwana wa Levi, mwana wa Israeli; na Sherebia halala navana veve navamwavo veve, avandu likumi na vatano na vavaka,

¹⁹na Ha shabia, halala na Jeshaia ku avana va Merari, navamwavo veve navana vavo, avandu makumi gaviri;

²⁰na Vanethini ava Daudi navanene va va haana va ve avobutumiki bwa Valevi, Vanethini tsimia tsiviri na makumi gaviri: vosi va talwa ku ameta gavo.

²¹Hene yaho nda laga lihonga lilia, ha mugera gwa Ahava, ku duke kwegehidza imbiri wa Nyasaye wetu, kwesavire kuye inzira inungi ya kwinye avene, kandi yavana vetu, nemitugu gyetu gyosi.

²²Kigira nda li ni mbeye isoni kusava mwami a ku he kiduma kyavasikari, navoku nina ku tsiparasi kukukonya ku va sigu va veye ku inzira, kigira kwa li ni ku voleye mwami, ni ku vola, Mukono gwa Nyasaye wetu gu veye halala na yavo vosi ava mwenyanga, kuvaletera ubulahi; navutswa ubu nyali bwibwe nelivihirirwa lilye li veye ku yavo vosi ava mu lekanga.

²³Kunangwa kwa honga lilia noku sava Nyasaye wetu ku likuva yili: naye ya ku hulira.

²⁴Hene yaho nda vika haluvega avanene ku vasalisi likumi na vaviri, navo ni Sherabia, na Hashabia, na likumi ku vamwavo vavo halala navo,

²⁵nda va gerera ifetha, ne thahabu, neviju, nevindu vya haanwa vi ve vyenyumba ya Nyasaye wetu, vya mwami, na avavoli veve, na avanene veve, na Israeli vosi va li yo, va haana:

²⁶nda va gerera mma kono gavo tsitalanta tsyefetha tsimia tsitano na indala, na makumi gatano, neviju vyefetha tsitalenta mia; na tsitalanta mia tsyethahabu;

²⁷nevi tuva vyethahabu makumi gaviri vye tsipaundi elfu; neviju viviri vyomu gasa umulahi mung'ereng'anu ugwa li nobuguli kuli ithahabu.

²⁸Kandi nda va volera, Mu veye avatakatifu va Yahova, neviju yivyo ni vitakatifu; nefetha nethahabu nekindu kya haanwa ku Yahova, Nyasaye wava guga venyu nomwoyo gwobuyanzi.

²⁹Mu henze ligali, kuvilinda, kuduka lwa mu vi gera imbiri wavanene vava salisi na Valevi, navanene vetsinyu mba tsyavaguga tsya Israeli, ha Yerusalemi, mu tsinyumba tsyenyu mba ya Yahova.

³⁰Ma vasalisi na Valevi va vugula ligera lyefetha, nelyethahabu, nelyeviju, kuvileta Ye rusalemi nokuvivika mu inyumba ya Nyasaye wetu.

³¹Hene yaho kwa tsia kutwula ha mugera gwa Ahava, ku lidiku lye likumi na gaviri lyomweli gwokuta nga, kutsia kuduka Yerusalemi: no mukono gwa Nyasaye wetu gwa li halala nekwinye, naye ya ku honnya mukono gwavasigu na gwa yavo ava ku goneka ku inzira.

³²Na kwa duka Yerusalemi, nokumenya yo madiku gavaka.

³³Noku lidiku lya gane ifetha nethahabu neviju vya gerwa mu inyumba ya Nyasaye, nokuvivika mmukono gwa Mere mothu mwana wa Uria musalisi (na halala naye ya li ho Eleazaru mwana wa Finehasi; halala navo ya li ho Jozabadu mwana wa Jeshua, na Noadia mwana wa Binui, Valevi)

³⁴viju yivi vyosi, ku livalidzwa noku ligerwa; ligera lyosi lya ng'odwa inyinga zana.

³⁵Avana velyadikidzwa, ava twula mu lyadikidzwa lyavo, va haana ku Nyasaye wa Israeli vihaanwa vyokusambwa, tsigiriki likumi na tsiviri tsi ve tsya Israeli vosi, namagondi makole makumi gatano na gane na magondi gatano na lilala, na avana vamagondi makumi gatano na gaviri na vatano na vaviri, na tsimbuli tsikole likumi na tsiviri, tsi ve kihaanwa kyobwoni: yivi vyosi vya li kihaanwa kyokusambirwa Yahova.

³⁶Navo va haana malago gomwami ku avamehi vanene navake vengereka wo Mugera: na yava va konya avandu nenyumba ya Nyasaye.