Read lulogooli Ezara 9 Bible Online

Ezara 9 - lulogooli bible

Ezara 9

¹Vindu yivi lwa vya mala kukolwa, avanene vesunda ku inze, ni va mbolera, Avandu va Israeli, avasalisi na Valevi, si veyahula ku avandu vomkivala yiki mba, va kolanga kuli livihiriridza lyavo, kuli Vakanani, na Vahiti, na Vaperizi, na Vajebusi, na Vaamon, na Vamoabu, na Vaegepeti, na Vaamori.

²Kigira va vugula avakana vavo kuva avakali vavo navakali vavana vavo, kali kuduka yava ava veye kisukululwi kitakatifu vetsugannyi avene navandu vevivala yivyo: yee, na makono gavanene, navo avamehi gimiriye mu mahyolo yaga.

³Na inze lwa mbuliye likuva yili, nda tandula ingubo yange na ijoho yange, nokumanyula lisu lyo mutwe gwange netsinderu tsyange, nokwikala mu litangalala.

⁴Hene yaho va vugana ku inze sa mulala wa degera kigira makuva ga Nyasaye wa Israeli, kigira lihyolo lya yavo ava lyadikidzwa; na ndikala mu litanga lala kuduka inyinga yokuhaana ki haanwa kyomgolova.

⁵Inyinga yokuhaana kihaanwa kyomgolova nda singira kutwula ku lyegehidzira lyange, kali nengubo yange nejoho yange tsi tanduki; na nda gwa ku masigamo gange, noku nyira makono gange ku Yahova Nyasaye wange;

⁶na nda vola, O Nyasaye wange, mbeye isoni, tsisoni tsi ngumiye kali ni ng'inga mmoni mwange ku ive Nyasaye wa nge, kigira ubudamano bu medeki igulu ku mitwe gyetu, mahyolo gyetu ga viruki kuduka migulu.

⁷Ku twula ku madiku gavaguga vetu ku gwiye avamahyolo ligali kuduka lero; kandi kigira ubudamano bwetu, kwi nye, navami vetu, navasalisi vetu, kwa li ni kwa vikwa mmakono gavami vevivala, nekivavi, nokuhilwa ava hambe, nokuhilwa valanye, noku tsisoni tsyommoni mwetu, kuli ga veye lero.

⁸Kalunu ku tsidagika tsinkekeke Yahova Nyasaye wetu u ku leminye mwoyo, u ku lekeye ava tigaye va hone, nokukuha kivambo mu hatakatifu hehe, Nyasaye wetu a duke kukuvikira ubulavu mu tsimoni tsyetu, nokukuha livuka likekeke mu libofwa lyetu.

⁹Kigira kwinye ku veye avatugwa; navutswa Nyasaye wetu si a ku leka ligali mu libofwa Ivetu, navutsvva u ku leminye mwoyo imbiri wommoni mwa avami va Persia, a duke kukuha livuka, ku duke kusingeridza inyumba ya Nyasaye wetu, nokudigulula vya nyi vyayo, nokukuha lidigi mu Yuda, nomu Yerusalemi.

¹⁰Ka lunu, O Nyasaye wetu, ku vole ki inyima wa yaga? Kigira ku leki ama lago gogo,

¹¹ga wa laga neminwa gyavatumekiri vovo avoprofeti, lwa wa vola, Kivala kya mu tsitsanga kugumira, ki veye kivala kyobuda mano kigira ububi bwavandu vevivala yivyo, na kigira livihiriridza lyavo, vya vizulitsa ububi bwavo kutwula ku luvega yilu kuduka ku luvega yilu:

¹²kunangwa kalunu, mu ta kwa avakana venyu ku vayai vavo, kinga mu ta vugula avakana vavo kukwehidza avayai venyu, kandi mu tenya mirembe gyavo kinga ligasi dzwa lyavo mihiga nemihiga; mu duke kuva netsingulu, mu duke kulia bulahi bwekivala, nokukileka ki ve miyandu gyavana venyu mihiga nemihiga.

¹³Nenyima wa yaga aga ku gwira kigira vikolwa vyetu vidamano, na kigira mahyolo getu manene, kigira ive Nyasaye wetu wa ku ha mageli navutswa si ga li kuli ubudamano bwetu bu dukanga mba, na wa ku lekera ava tigala kuli yava,

¹⁴kwononnye amalago gogo kandi, nokutsuganywa ku likwererana na vandu va kolanga livihiriridza yili? Nkano si wa ka vihirirwa kwinye, kuduka wa ku dividza ligali, nokuvula ku tigala nelitigala kali lilala, kinga lihona?

¹⁵O Yahova, Nyasaye wa Israeli, ive u veye mulungi; kigira kwinye ku veye litigala li honi, kuli ga veye lero: henza, ku veye imbiri wowo mu mahyolo getu; kigira si ha veye nu u nyala kusingira imbiri wowo kigira inkuva yiyi.