Read lulogooli Nehemia 13 Bible Online

Nehemia 13 - lulogooli bible

Nehemia 13

¹Ku lidiku yilyo va soma mu kitabu kya Musa, mu amatu gavandu; na ga nyoleka makuva ga ng'odwa mu, Muamon na Mumoabu si a veye nomunwa kwingira mu livu gana lya Nyasaye mihiga nemihiga,

²kigira si va tsia kwaganira avana va Israeli nobukima namadzi, navutswa va lagana na Balaam kuvakyena: navutswa Nyasaye wetu ya girunka nnya vikyeno, ni vi gwa ubugasu.

³Na ga duka, lwa va hulira lilaga, hene yaho va va twulidza ku Israeli vosi ava hambana navo.

⁴Na lwa inkuva yiyi ya li ni ikikiri kukoleka, Eliashibu musalisi, wa vikwa kulinda tsinyumba tsyenyu mba ya Nyasaye wetu, kigira liva lya ya li wa himbi ku uyu Tobia,

⁵ya li ni ya mu lombera inyumba inene, na ha zana na hokutwula kale vya vikangwa ho vihaanwa vyobusie, na ubane, neviju, netsizaka tsyobuswage, netsyewaini, na tsyamaguta, kya Valevi va hebwa, navokwimba, navo kulinda viribwa, kigira lilaga, kandi vihaanwa vyokudigululwa vi ve vya vasalisi.

⁶Navutswa inyinga yeyo yosi inze si nda li Yerusalemi; livola li veye, mu muhiga gwa makumi ga vaka na gyiviri gwelyameha lya Aritashashita mwami wa Babuloni nda tsia ku mwami: nenyima wa madiku malala nda teva munwa gwomwami,

⁷na nda duka Yerusa lemi, na nda manya ubudamano bwa Eliashibu ya kola kigira Tobia, ku lilomba lya ya mu lombera inyumba mu migidzi gyenyumba ya Nyasaye.

⁸Na ga mberereridza ligali: ma nda ta viju vyosi vya Tobia, ni mbi twulidza mu inyumba zana.

⁹Hene yaho nda laga, navo va takasa tsinyu mba zana: kandi nda leta viju zana vyenyumba ya Nyasaye, nokuvi vika halala nevihaanwa vyobusie, na ubane.

¹⁰Na nda manya Valevi si va hebwa vidieli vyavo; na kigira yaga Valevi, navokwimba, ava kola mi yinzi, va li ni viruki sa mulala kutsia ku mulimi gwigwe.

¹¹Hene yaho nda hangala na avamehanga, ni mbola, Kigira ki inyumba ya Nyasaye i lekwa? Na nda va vungidza ha lala, nokuvavika mbugona bwavo.

¹²Hene yaho Vayuda vosi va leta izaka yobuswage na yewaini, na yamaguta mu akiba.

¹³Na nda vika avokulinda akiba, navo ni yava: Shelemia musalisi, na Zadoku mung'odi, noku Valevi, Pedaia: na muke ku yavo, ya li Hanan, mwana wa Zakuru, mwana wa Matania; kigira yavo va volwa kuva avasuuvirifu, nemiyinzi gyavo gya li ligavulira avamwavo vavo.

¹⁴U nzidzulitse, O Nyasaye wange, ku inkuva yiyi, kandi u teya vikolwa vyange vilahi vya nda kolera inyumba ya Nyasaye wange, kandi ku vindu vyayo vyega nehidzwa.

¹⁵Mu madiku yago mu Yuda nda lola avandu ava duvaganga kyokumina iwaini ku lidiku lyelisa bato, na va letanga viganda vyobusuage, nokudwika tsisukiri tsyavo; kandi iwaini na mazabibu, na ma kuyu, nemisigo gyetsing'ano tsyosi, tsya va leta mu Yerusalemi ku lidiku lyelisabato: na nda lolekidza kuvo mu lidiku yilyo lya va gulidzanga vyokulia.

¹⁶Kandi va li ho avandu va Turo ava menya mu, va leta tsisudzi, neviju tsing'ano tsyosi, nokugulidza avana va Yuda, mu Yerusa lemi ku lidiku lyelisabato.

¹⁷Hene yaho nda hangala navanene va Yuda, nokuvavolera, Kindu ki inkuva viyi indamano ya mu kolanga, na mwononnyanga lidiku lyelisabato?

¹⁸Avaguga venyu si va kola ndiyo, na Nyasaye wetu si ya leta ubuda mano yibu bwosi ku kwinye, noku lidala yili? Na kandi mwinye mu letanga ubutima bundi ku Israeli mu lyononya lisabato.

¹⁹Na ga duka, lwa viribwa vya Yerusalemi vya tanga kuva kisundi imbiri welidiku lyelisabato, nda laga viliango vi hanwe, kandi nda laga vi vule kwigulwa; kuduka inyima weli sabato li vita: na nda vika avalala ku vatumekiri vange kulinda viribwa, musigo kali mulala gu vule kuletwa mu ku lidiku lyelisabato.

²⁰Ma vakirannyi na vagulannyi veviju vye tsing'ano tsyosi va gona kyova wa Yerusalemi inyinga indala naho, tsi viri.

²¹Hene yaho nda lolekidza kuvo, na nda va volera, Kigira ki mu goni himbi nelidigi? Ni mu kola ndi hali kaviri, nda leta ku mwinye amakono. Kutwula inyinga yeyo si vadza kandi mba ku lidiku lye lisabato.

²²Na nda laga Valevi vetakase avene, na vadze kulinda viribwa, nokutakasa lidiku lyelisa bato. U nzidzulitse, O Nyasaye wa nge, ku yaga kandi, u mbererere kuli ubunene bwetsimbabasi tsitsyo.

²³Mu madiku yago kandi nda lola Vayuda ava kwa vakali ku Vashidodi, noku Vaamon, noku Vamoabu:

²⁴pavana vavo va vola inusu ku lulimi lwa Ashidodi, na si va nyala kuvola ku lulimi lwa Va yuda, navutswa va vola ku tsinimi tsyavandu yava na yava.

²⁵Na nda hangala navo, nokuvakyena, na valala kuvo nda va kuya, nokuva manyula amasu gavo, na nda vesu hidza ku Nyasaye, kuvola, Mu ta va ha avakana venyu va kwebwe ku vayai vavo mba, kandi mu ta vugula vakana vavo nokuha avayai venyu mba, kandi mwinye avene mu ta va kwa mba.

²⁶Solomoni mwami wa Israeli si ya kola ubwoni mu makuva yaga? Navutswa mu tsihiri tsinyingi si ha li nomwami kuli uyu, Nyasaye wewe ya mu yanza, na Nyasaye ya mwamehidza a ve mwami ku Israeli vosi: navutswa kali uyu avakali ava geni va mbika mbwoni.

²⁷Kwinye kunyala kuhulira mwinye kukola ubudamano bunene yibu bwosi, nokuhyola ku Nyasaye wetu mu likwa avakali avageni?

²⁸Na mulala ku avana va Joiada mwana wa Eliashibu musalisi mu nene, wa li navizala wa Sanbalati Muhoron: kigira yaga nda mu kunga a twule imbiri wange.

²⁹Widzu litse yavo, O Nyasaye wange, kigira va mali kwononnya busalisi, nelilaga na lyobusalisi, na lya Valevi.

³⁰Ni ndiyo nda va takasa ku avageni vosi, nokulaga ubulindi bwa vasalisi na Valevi, sa mulala, mu miyinzi gyigye;

³¹noku kihaanwa kyetsinku, ku tsinyinga tsya lagwa, kandi ku ubuhya. U nzidzuli tse, O Nyasaye wange, u nkolere bulahi.