Read lulogooli Nehemia 7 Bible Online

Nehemia 7 - lulogooli bible

Nehemia 7

¹Na ga duka, lwa lidigi lya mala kwombakwa, na inze ni mali kusingeridza miliango, nokuvika avalindi, navokwimba, na Valevi,

²hene yaho nda ha amwavo wange Hanani, halala na Hanania munyampara wempinga, miyinzi gyokwameha ku Yerusalemi; kigira ya li mundu musuuvirifu, na ya li wa tia Nyasaye kuvita vanyingi.

³Na nda va volera, Mu ta leka viribwa vya Yerusalemi kwigulwa kuduka lwa mbasu gu lula; kandi valindi ni va kikiri mu lisingira, viribwa vi haanwe, nokuvasirwa: na mu vike avalindi ava li avatovole va Yerusalemi, sa mulala mu bulindi bwibwe a kagate ku inyumba yeye mwene.

⁴Kunangwa lidala lya li nobugalamu nobubunene; navutswa avardu va li mulyo va li vakekeke, netsinyumba tsya li ni tsi kikiri kwombakwa.

⁵Nyasaye wange ya vika mmwoyo gwange mbugannye avandu vanene, navamehi, navandu, va duke kuvalidzwa kulonda visukululwi. Na nda nyola kitabu kya visukululwi vya yavo ava tanga kwanegira, na nda lola aga ng'odwa mu:

⁶Yava va li avana voluprovinse, avanegira kutwula mu lyadekidzwa mu yavo ava hilwa avahambe, ava Nebukadinezaru mwami wa Babuloni ya hila mbuhambe, na virana Yerusalemi na Yuda, sa mulala ku lidala lilye;

⁷nivo avadza halala na Zerubabeli, na Jeshua, na Nehemia, na Azaria, na Raamia, na Nahamani, na Mordekai, na Bilshan, na Misiperethu, na Bigivai, na Nehum, na Baana. Yili ni livalidzwa lyavasatsa vavandu va Israeli:

⁸Avana va Paroshu, tsielfu tsiviri nemia indala na makumi gatano na gaviri na vaviri.

⁹Avana va Shefatia, tsimia tsivaka na makumi gatano na gaviri na vaviri.

¹⁰Avana va Ara, tsimia tsitano na indala na makumi gatano na vaviri.

¹¹Avana va Pahathumoabu, ku avana va Jeshua na Joabu, tsielfu tsiviri, netsimia tsitano na tsivaka na likumi na vatano na vavaka.

¹²Avana va Elam, elfu netsimia tsiviri na makumi gatano na vane.

¹³Navana va Zatu, tsimia tsitano na tsivaka na makumi gane na vatano.

¹⁴Avana va Zakai, tsimia tsitano na tsiviri, na makumi gatanonelilala.

¹⁵Avana va Binui, tsimia tsitano na indala na makumi gane na vatano na vavaka.

¹⁶Avana va Bebai, tsimia tsitano na indala, na makumi gaviri na vatano na vavaka.

¹⁷Avana va Azigadi, tsielfu tsiviri na tsimia tsivaka na makumi gaviri na vaviri.

¹⁸Avana va Adonikam, tsimia tsitano na indala na makumi gatano nelilala, na vatano na vaviri.

¹⁹Avana va Bigivai, tsielfu tsiviri na makumi gatano na lilala na vatano na vaviri.

²⁰Avana va Adini, tsimia tsitano na indala na makumi gatano na vatano.

²¹Avana va Ateri, ku va Hezekia, makumi gatano na gane na vatano na vavaka.

²²Avana va Hashum, tsimia tsivaka na makumi gaviri na vatano na vavaka.

²³Avana va Bezai tsimia tsivaka na makumi gaviri na vane.

²⁴Avana va Harifu, mia indala nelikumi na vaviri.

²⁵Avana va Gibeon, makumi gatano na gane na vatano.

²⁶Avandu va Beth-lehemu na Netofa, mia indala na makumi gatano na gavaka na vatano na vavaka.

²⁷Avandu va Anathothu, mia indala na makumi gaviri na vatano na vavaka.

²⁸Avandu va Beth-azamavethu, makumi gane na vaviri.

²⁹Avandu va Kiriathujearim, Kefira, na Beerothu, tsimia tsitano na tsiviri na makumi gane na vavaka.

³⁰Avandu va Rama na Geba tsimia tsitano na indala na makumi gaviri na mulala.

³¹Avandu va Mikimasi, imia indala na makumi gaviri na vaviri.

³²Avandu va Beth-eli na Ai, mia indala na makumi gaviri na vavaka.

³³Avandu va Nebo wa kaviri, makumi gatano na vaviri.

³⁴Avana va Elam wa kaviri, elfu na tsimia tsiviri na makumi gatano na vane.

³⁵Avana va Harim, tsimia tsivaka na makumi gaviri.

³⁶Avana va Yeriko, tsimia tsivaka na makumi gane na vatano.

³⁷Avana va Lodi, Hadidi, na Ono, tsimia tsitano na tsiviri na makumi gaviri na mulala.

³⁸Avana va Senaa, tsielfu tsivaka na tsimia tsitano na tsine na makumi gavaka.

³⁹Navasalisi: avana va Jedaia, ku inyumba ya Jeshua, tsimia tsitano na tsine na makumi gatano na gaviri na vavaka.

⁴⁰Avana va Imeri, elfu na makumi gatano na vaviri.

⁴¹Avana va Pashuri, elfu na tsimia tsiviri na makumi gane na vatano na vaviri.

⁴²Avana va Harim, elfu nelikumi na vatano na vaviri.

⁴³Na Valevi: avana va Jeshua, wa Kadimieli, ku avana va Hodeva, makumi gatano na gaviri na vane.

⁴⁴Navokwimba: avana va Asafu, mia indala na makumi gane na vatano na vavaka.

⁴⁵Navalindi veviribwa: avana va Shalum, navana va Ateri, avana va Talimon avana va Akubu, avana va Hatita avana va Shobai, mia indala na makumi gavaka na vatano na vavaka.

⁴⁶Na Vanethini: avana va Ziha, avana va Hasufa, avana va Tabaothu

⁴⁷avana va Keroso, avana va Sia, avana va Padon,

⁴⁸avana va Lebana, avana va Hagaba, avana va Salimai,

⁴⁹avana va Hanan, avana va Gideli, avana va Gaharu

⁵⁰avana va Reaia, avana va Rezin, avana va Nekoda,

⁵¹avana va Gazam, avana va Uzza, avana va Pasea,

⁵²avana va Besai, avana va Meunim, avana va Nefushesim,

⁵³avana va Bakabuku, avana va Hakufa, avana va Harihuru,

⁵⁴avana va Bazilithu, avana va Mehida, avana va Harasha,

⁵⁵avana va Barikosi, avana va Sisera, avana va Tema,

⁵⁶avana va Nezia, avana va Hatifa.

⁵⁷Avana vavatumekiri va Solomoni: avana va Sotai, avana va Soferethu, avana va Perida,

⁵⁸avana va Jaala, avana va Darikon, avana va Gideli,

⁵⁹avana va Shefatia, avana va Hatili, avana va Pokerethu hazebaim, avana va Amoni.

⁶⁰Vanethini vosi, navana vatumekiri va Solomoni, va li tsimia tsivaka na makumi gatano na gane na vaviri.

⁶¹Na yavo nivo avanegira kutwula Teli-mela, na Teli-harasha, na Kerubu, na Adon, na Imeri; navutswa si va nyala kulolekidza tsinyumba tsyavaguga vavo, kinga kisukululwi kyavo, ni va va ni va li Vaisraeli:

⁶²avana va Delaia, avana va Tobia, avana va Nekoda, tsimia tsitano na indala na makumi gane na vaviri.

⁶³Noku vasalisi: avana va Hobaia, avana va Hakozu, avana va Barizilai wa kwa mukali ku vakana va Barizilai Mugileadi, na ya langwa kuli ameta gavo.

⁶⁴Yavo venya kitabu kyavo mu yavo ava validzwa kulonda visukululwi, navutswa si kya nyoleka mba: kigira yaga va volwa kuva avadamano na va twulidzwa mu busalisi.

⁶⁵Na mwamehi ya va volera, si ga dukira yavo kulia vindu vitakatifu ligali mba, kuduka lwa musalisi wa Urim na Thumim a singira.

⁶⁶Livugana lyosi halala lya li tsielfu makumi gane na tsiviri na tsimia tsivaka na makumi gatano nelilala,

⁶⁷halalanavatumekiriva vo vasatsa navakali, navo va li avand u tsielfu tsitano na tsiviri na tsimia tsivaka na makumi gavaka na va tano na vaviri: na va li navokwimba avasatsa navakali tsimia tsiviri na makumi gane na vatano.

⁶⁸Netsiparasi tsya li tsimia tsitano na tsiviri na makumi gavaka na tsitano na indala, netsinyumbu tsyavo tsya li tsimia tsiviri na makumi gane na tsitano;

⁶⁹na tsing'amia tsyavo tsya li tsimia tsine na makumi gavaka na tsitano; netsisukiri tsya li tsielfu tsitano na indala na tsimia tsitano na tsiviri na makumi gaviri.

⁷⁰Kandi avalala ku va li mitwe gyetsinyumba tsyavaguga va haana vind u vyemiyinzi. Na mwamehi ya haana nokuvika mu akiba tsipaundi tsyethahabu elfu, nevituva makumi gatano, netsingubo tsyavasalisi tsimia tsitano na makumi gavaka.

⁷¹Navandi mu yavo ava li mitwe gyetsinyumba tsyavaguga va haana, nokuvika mu akiba yemiyinzi tsipaundi tsyethahabu tsielfu makumi gaviri; na tsiratili tsyefetha tsielfu tsiviri ne tsimia tsiviri.

⁷²Kandi ligera lya yavo ava tigala va haana kya li tsipaundi tsyethahabu tsielfu makumi gaviri, netsiratili tsyefetha tsielfu tsiviri, netsingubo tsyavasalisi makumi gatano na lilala na tsitano na tsiviri.

⁷³Ma vasalisi, na Valevi, navokulinda viribwa, navokwimba, navandi ku avandu, na Vanethini, na Vaisraeli vosi, va menya mu madala gavo. Kandi lwa mweli gwa gatano na gyiviri gwa duka, avana va Israeli.