Read lulogooli Nehemia 9 Bible Online

Nehemia 9 - lulogooli bible

Nehemia 9

¹Kunangwa ku lidiku lya makumi gaviri na gane lyomweli zana avana va Israeli va vugana halala nokuhonga lilia, na vivika tsingubo tsyamagunia, nokwevaka ubudohi.

²Kandi visukululwi vya Israeli veya hula avene ku vageni vosi, na va singira nokweyama ubwoni bwavo, nobudamano bwavaguga vavo.

³Na va singira mbugono bwavo, ni va soma mu kitabu kyelilaga lya Yahova Nyasaye wavo kidonye kya kane kye lidiku; kandi kidonye kindi kya kane kyelidiku veyama, nokusigamira Yahova Nyasaye wavo.

⁴Hene yaho va singira kuvikaa vya Valevi, Jeshua, na Bani, na Kadimieli, na Shebania, na Buni, na Sherebia, na Bani, na Kenani, na vanira Yahova Nyasaye wavo nomwoyo munene.

⁵Hene yaho Valevi, Jeshua, na Kadimieli, na Bani, na Hashabaneia, na Sherebia, na Hodia, na Shebania, na Pethahia, va vola, Mu singire mu santidza Yahova Nyasaye wenyu wokutwula mihiga nemihiga kuduka ku mihiga nemihiga; na lieta lilyo lyobukumi lidzominywe, lyobukumi kuvita bugasu bwosi nelidzominywa lyosi.

⁶Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

⁷Ive u veye Yahova Nyasaye, wa tovola Abram, nokumuleta a twule Uru lya Vakalidei, na wa mu gulika lieta lya Abrahamu,

⁸na wa lola mwoyo gwigwe kuva nobusuuvirifu imbiri wowo, na wa lomba lilagana halala naye kumuha kivala kya Mu kanani, na Muhiti, na Muamori, na Muperizi, na Mujebusi, na Mugiri gashi, kukihaana ku kisukululwi kikye, na u dukidzi makuva gogo; kigira ive u veye mulungi.

⁹Kandi wa lola kivi kyavaguga vetu mu Egepeti, na wa hulira lilira lyavo ku luginga lwa Inyanza Inzakanyu,

¹⁰wa lolekidza vilolekidza vinyingi nevyokugenya ku Farao, noku vatumekiri veve vosi, noku avandu vosi avekivala kikye; kigira ive u manya va va kolera nobwigingiri na wenyolera lieta, kuli li veye lero.

¹¹Na watannya inyanza imbiri wavo, kuduka va vita hagati henyanza mu kivala kyumu; na yavo ava va londerera wa va ta mu luliva, kuli ligina mu madzi manene.

¹²Kandi wa vimirira mu munara gwelilesi inyinga yombasu; kandi mu munara gwomuliru inyinga yobudiku, kuvaha ubulavu ku inzira ya ga va dukira kutsia kuyo.

¹³Kandi wika ku kigulu kya Sinai, na wa volerana navo nomwoyo gwa twula migulu, na wa va ha miima gyobulungi namalago geli gali, namalago malahi, nelilagana,

¹⁴na wa va kola va manye lisabato lilyo litakatifu nokuvalaga lilagana, namalago, nelilaga, nomukono gwo mutumekiri wowo Musa,

¹⁵na wa va ha vyokulia vya twula migulu vi ve vya inzala yavo, nokuvatwulidzira amadzi ga twula ku lwanda ga ve gobuluhu bwavo, na wa va laga vingire nokugumira kivala kya wa mala kugingira mukono gugwo u duke kuvaha.

¹⁶Navutswa yavo na vaguga vetu va kola noluyai, na va kola amagoti gavo kuva madinyu, na va vula kuhulira amalago gogo,

¹⁷na va sula kugakola, kandi si va ganagana vyokugenya vya wa kola hagati havo, navutswa va kola amagoti gavo kuva madinyu, nomu bwebaali bwavo ve tovolera munyampara va duke kwira na mu butugwa bwavo. Navutswa h ive u veye Nyasaye wetegeki kusame ha, wetsimbabasi, na wizula liverere ra, wa galaha ku butima, nowobunyi ngi bwetsimbabasi, si wa va leka mba.

¹⁸Yee, lwa va lomba kimoli kyokwe longa, nokuvola, Uyu niye Nyasaye wowo wa kwanegeridza kutwula Ege peti, navo va li ni va kola kivihiri kinene;

¹⁹navutswa ive mu tsi mbabasi tsinene tsitsyo, si wa va leka mu kyangalangwi: munara gwe lilesi si gwa twula kuvo mmbasu, kuvimirira inzira; kinga munara gwo muliru inyinga yobudiku, kuvaha ubulavu, nenzira ya ga va dukira kutsia kuyo.

²⁰Halala na yaga ive wa va ha Roho wowo mulahi kuvegidza, na si wa vima maana gogo kuminwa gyavo mba, wa va ha amadzi ga ve gobuluhu bwavo.

²¹Yee ku mihiga makumi gane wa va dukidza mu kyangalangwi, si va gehera kindu kali kilala mba; tsingubo tsyavo si tsya kunguha mba, netsi nduvatiru tsyavo si tsya vimba mba.

²²Halala na yaga, wa va ha ubwami navandu, vya wa va gavulira kuli vidieli vyavo: ma va gumira kivala kya Sihon, kali kivala kyomwami wa Heshibon, nekivala kya Ogu mwami wa Bashan.

²³Avana vavo wa va meda livalidzwa lyavo kuli tsing'ering'ana tsyomigulu, na wa va leta nokuvavika mu kivala yikyo, kya wa volera avaguga wavo amakuva gakyo, va lingira nokukyameha.

²⁴Ma avana yavo vingira mu, nokugumira kivala yikyo, na wa guuta ava menya mkivala yikyo imbiri wavo, Vakanani wa va vika mu makono gavo, halala navami vavo, navandu vekivala, va duke kuvakolera kuli venya.

²⁵Na va vugula madala gavo getsingaga, neki vala kinolu, navo va nyola tsinyumba tsizula vindu vilahi vyosi, nevidaho vya yavwa, nemilimi gyemizabibu nemilimi gyemizeituni, nemisala gyamakuyu manyingi ligali: na va lia, nokwiguta, na va komera, nokwesa ngalidza mu bulahi bubwo bunene.

²⁶Navutswa va sula kuhulira ni vebaala ku ive, nokuvika lilaga lilyo himugongo havo, na viita vaprofeti vovo ava lolekidza kuvo kuvirannya ku ive, na va kola kivihiri kinene.

²⁷Kigira yaga wa va vika mmakono gavasigu vavo, ava va vika ku kivi: na inyinga yelinyankana lyavo, lwa vanira ive, wa va hulira mwigulu; na kuli tsimbabasi tsitsyo tsi veye tsinene ligali, wa va ha avahonnyi va va honnya ku makono ga vasigu vavo.

²⁸Navutswa inyima wa bweleme ridzi bwavo, va kola budamano kandi imbiri wowo; kigira yaga wa va leka mmukono gwa vasigu vavo, kuduka yavo vameha kuvo: navutswa lwa virana kandi, nokwanira ive, wa hulira mwigulu; na ive wa va honnya hali kanyingi kuli tsimbabasi tsitsyo,

²⁹na wa lolekidza kuvo u duke ku valeta kandi mu lilaga lilyo. Na vutswa va kola noluyai, na va vula kuhulira amalago gogo, navutswa va kola ubwoni ku likalaga lilya (gyomundu a va na a li kola, a la va mwoyo mulyo), na va twulidza mavega gavo, nokukola amagoti gavo madinyu, nokusula kuhulira.

³⁰Navutswa wekudzira kuvo mihiga minyingi, na wa lolekidza kuvo na Roho wowo ku vaprofeti vovo: navutswa si va yanza ku tegidza amatu: kigira yaga wa va vika mmakono gavandu vevivala yivyo.

³¹Navutswa mu tsimbabasi tsitsyo tsinene si wa va mala ligali mba, kandi si wa va leka; kigira u veye Nyasaye wetsimbabasi tsinene.

³²Kunangwa kalunu, O Nyasaye wetu, munene, nowetsingulu, Nya saye wokutibidza, u gumiranga lila gana netsimbabasi, kivi kyosi kya gwira kuinye, navami vetu, navanene vetu, navasalisi vetu, navaprofeti vetu, navaguga vetu, navandu vovo vosi, kutwula ku tsinyinga tsyavami va Asuria, kuduka lero, ki ta loleka kuva kikekeke, kivi zana imbiri wowo.

³³Navutswa ive u veye wobulungi mu yaga gosi aga gwira kwi nye; kigira wa kola ageligali, navu tswa kwinye kwa kola agobudamano;

³⁴navami vetu si va gumira lilaga lilyo, kinga vanene vetu, kinga vasa lisi vetu, kinga vaguga vetu, si va hulira amalago gogo, na lilolekidza lilyo lya wa lolekidza kuvo.

³⁵Kigira si va tumekira ive mu bwami bwavo, nomu bulahi bubwo bunene bwa wa va ha, nomu kivala kinene kinolu kya wa va ha imbiri wavo, kandi si va girunkana kutwula ku vikolwa vyavo vidamano.

³⁶He nza, kwinye ku veye avatumekiri lero, noku makuva gekivala kya wa ha avaguga vetu kulia makuyu gakyo nobulahi bwakyo, henza, kwinye ku veye avatumekiri rnukyo.

³⁷Na kivala yiki ki hedzanga avami ava mehidzwa ku kwinye vyambeti nelimedeka kigira ubwoni bwetu: navo va veye nobunyali ku mibiri gyetu, noku mitugu gyetu, kuli va yanza, na kwinye ku veye mu lidambidzwa linene.

³⁸Halala na yaga gosi, ku lombanga lilagana lyeligali, na ku li ng'oda; navanene vetu, na Valevi vetu, navasalisi vetu, va vika kulyo muhuri.