Read lulogooli Esther 3 Bible Online

Esther 3 - lulogooli bible

Esther 3

¹Inyima wevindu yivi mwami Ahasueru ya nenehidza Haman mwana wa Hamedatha, Muagagi, na a mu ha ubunene, na a vika intebe yeye igulu ku avanene vosi ava li halala naye.

²Na vatumekiri vosi vomwami, ava li mu kiribwa kyo mwami, vinama, ni va sigamira Haman, kigira mwami ya laga ndiyo kuye. Navutswa Mordekai ya vula kwinama, kinga kumusigamira.

³Kunangwa avatumekiri vomwami ava li mu kiribwa kyomwami, va volera Mordekai, Kigira ki wononnya lilaga lyomwami?

⁴Kunangwa lwa va mu volera kazozo, naye si ya va hulira, va volera Haman, kulola makuva ga Mordekai ga la singira naho mba: kigira ya va volera a veye Muyuda.

⁵Na Haman lwa ya lola Mordekai ya vula kwinama nokumusigamira, ya vihirirwa ligali.

⁶Navutswa ya lola si ga mu dukira kuhila makono ku Mordekai yeng'ine; kigira va li va mu vuuliye avandu va Mordekai: kigira yaga Haman yenya kudividza Avayuda vosi ava li mu bwami bwa Ahasueru, kali avandu va Mordekai.

⁷Mu mweli gwokutanga, gwa li mweli gwa Nisan, mu muhiga gwelikumi na gyiviri gwelyameha lya Ahasueru, va kola Puru, livola li veye ikura, imbiri wa Haman kazozo, mweli nomweli, kuduka ku mweli gwelikumi na gyiviri gwa li mweli gwa Adari.

⁸Na Haman ya volera mwami Ahasueru, Va veye ho avandu valala ava salana nokwavukana ha gati ha vandu vetsiprovinse tsyosi tsyobwami bubwo; na amalago gavo ga veye lugano ku yago ga vandu vosi; kandi va vula kugimira amalago gomwami: kigira yaga mwami si a nyola vyambeti kuvaleka va tigala.

⁹Ni i va mwami a yanza, ga ng'odwe va dividzwe: na inze nda tunga tsita lenta tsyefetha tsielfu likumi noku tsivika mmakono ga yavo ava singirira miyinzi gyomwami, tsi vikwe mu butugi bwomwami.

¹⁰Na mwa mi ya twulidza imingiri yeye ku mu kono gwigwe, na a ha Haman mwana wa Hamedatha Muagagi, musigu wa Vayuda.

¹¹No mwami ya volera Haman, U hebeywi ifetha, na kandi avandu, kuvakolera kuli u lola nobulahi.

¹²Kunangwa avang'odi vomwami va langwa ku mweli gwokutanga lidiku lyelikumi na gavaka lyomweli, na gosi ga ng'odwa kuli Haman ya laga avanyampara na avagovona avameha mu tsiprovinse se indala, navanene vosi va avandu ku tsiprovinse tsyosi se indala kuii ling'oda lyayo, noku avandu vosi kuli ululimi lwavo; ga ng'odwa mu lieta lya mwami Ahasueru, na ga vikwa ku na muhuri gwemingiri yomwami.

¹³Na tsibaruwa tsya hilwa netsiposti ku duka mu tsiprovinse tsyosi tsyomwami, kwononya, kwiita, nokudi vidza, Avayuda vosi, avasoleli na vasakulu, avana navakali, ku lidiku lilala, nalyo ni lidiku lyelikumi na gavaka lyomweli gwelikumi na gyi viri, gu veye mweli gu langwa Adari, nokuvugula vindu vyavyo vi ve vilanye.

¹⁴Na lilaga lya ng'odwa, kuhilwa mu tsiprovinse tsyosi se indala, va landidzirwa ku vandu vosi vetegeke ku lidiku yilyo.

¹⁵Avetsi posti va twula kutsia bwangu ku lilaga lyomwami, na lilsga lya twula mu Shushan inyumba yobwami. Na mwa mi na Haman vikala kunwa; navu tswa lidala lya Shushan lya genya.