Read lulogooli Kutwula 27 Bible Online

Kutwula 27 - lulogooli bible

Kutwula 27

¹Kandi u la lomba ubwali bwomusala gwe kikuma, butambi bwabwo bu la va ligera lyamakono gatano, nobugalamu bwabwo bu la va ligera lyamakono gatano; kandi ubwali zana bu la va ligera lilala tsimbega tsyosi: na budiguluku bwabwo bu la va ligera lyamakono gavaka.

²Na u la lomba tsinziga tsyabwo tsine mu tsikorna tsyabwo tsine; tsinziga tsyabwo tsi la va tsyekindu kilala nabwo: na u la handidza kubwo mugasa.

³Kandi u la lomba viju vyabwo vyokung'uula ligoke lyabwo, na vivango vyabwo, na vituva vyabwo, na tsinzago vyabwo, na ulugyu lwomuliru lwabwo; viju vyabwo vyosi u la lomba nomugasa.

⁴Kandi u la lomba kikereko kyomugasa; na u la vika tsimingiri tsyomugasa mu tsikorna tsine tsyekikereko.

⁵Na u la ki vika isi wolusigi lwokukumbiridza ubwali tsimbega tsyabwo, kikereko ki duke hagati hobwali.

⁶Na u la lombera ubwali misala gye kikuma, na u la handidza ku mugasa.

⁷Na misala gyabwo gyi la vikwa mu tsimingiri, na misala gyi la va mu tsimbega tsiviri tsyobwali kubuginga.

⁸U la lomba ubwali netsimbao, bu la va nobwiyangu mubwo: kuli wa mannywa mu kigulu u la bu lomba ndivo.

⁹Kandi u la lomba mugidzi gwelihema: ku luvega lwa kusini gu la va nengubo yekatani indahi ya navirwa mugidzi, ubutambi bwayo ku luvega lulala bu la va ligera lyamakono mia:

¹⁰na tsitiru tsyayo tsi la va makumi gaviri, na viduku vi la va makumi gaviri vyomugasa; na visunga vyetsitiru na vyulu vyatsyo vi la va vyefetha.

¹¹Kandi ga la va ndiyo ku luvega lwa kasikasini, ubutambi bwetsingubo bu la va ligera lyamakono mia, na tsitiru tsyatsyo tsi la va makumi gaviri, na viduku vyatsyo makumi gaviri vyomugasa; na visunga vyetsitiru na vyulu vyatsyo vi la va vyefetha.

¹²Noku luvega lwemadioli ubugalamu bu la va netsingubo tsyeligera lyamakono makumi gatano, na tsitiru likumi, na viduku likumi.

¹³Na ubugalamu bwoluvega lwevugwe bwomugidzi bu la va neligera lyamakono makumi gatano.

¹⁴Tsingubo tsyoluvega lulala lwekiribwa tsi la va tsyeligera lyamakono likumi na gatano ubugalamu bwatsyo; na tsitiru tsyatsyo tsivaka, na viduku vyatsyo tsivaka

¹⁵noku luvega lundi tsingubo tsyeligera lyamakono likumi na gatano; na tsitiru tsyatsyo tsivaka, na viduku vyatsyo tsivaka.

¹⁶Na kiribwa kyomugidzi ki la va nengubo yokukinga yeligera lyamakono makumi gaviri, i la va yeblue, na kiforosadi, na inzakanyu, na ikatani indahi, ya lombwa nemiyinzi gyomunavi musidza; na tsitiru tsyayo tsine, na viduku vyayo vine.

¹⁷Tsitiru tsyosi tsyomugidzi tsya kumbiridza tsimbega tsyosi, tsi la va ne vibohero vyefetha vi tsi kumbiridza; na visunga vyatsyo vyefetha, na viduku vyatsyo vyomugasa.

¹⁸Butambi bwomugidzi bu la va ligera lyamakono mia, na bugalamu bu la va ligera lyannakono makumi gatano tsimbega tsyosi, na budiguluku ligera lyamakono gatano yekatani indahi, na viduku vyatsyo vyomugasa.

¹⁹Vigyu vyosi vyelihema mu butumiki bwalyo bwosi, na vigimiriru vyalyo vyosi, na vigimiriru vyomugidzi, vi la va vyomugasa vyosi.

²⁰Kandi u la laga avana va Israeli va ku letere maguta agemizaituni milahi gyi minwe, ga ve gobulavu, kwaakidza itaya kazozo.

²¹Mu lihema lyokuvuganira mu, imbiri wengubo yokukinga i veye imbiri welilole kidza, Haruni na avana veve va la gi lungikidza imbiri wa Yahova kutwula mgolova kuduka mugamba: li la va lilaga lyemihiga nemihiga mu visukululwi vyavo kigira avana va Israeli.