Read lulogooli Kutwula 28 Bible Online

Kutwula 28 - lulogooli bible

Kutwula 28

¹Kandi u la leta amwavo wowo Haruni ku ive, na avana veve vadze halala naye, kutwula mu avana va Israeli, ya ntumekire mu miyinzi gyomusalisi, navo ni Haruni, na Nadabu na Abihu, na Eleazaru na Ithamaru, avana va Haruni.

²Na u la lombera amwavo wowo Haruni tsingubo tsintakatifu, tsyobukumi nobulahi.

³Na ive u la volera vosi avemyoyo gyelimanya, yava ava nda vika mu roho gwobugeeri, va lombe tsingubo tsya Haruni kumutakasa, a duke kuntumekira mu miyinzi gyomusalisi.

⁴Na tsingubo tsya va la lomba ni yitsi; isalamba yomkiritu, na kisibao, na joho, na likoti li lombwa ku busalago, na igudwa, na musipi: navo va la lombera Haruni amwavo wowo na avana veve, tsingubo tsintakatifu, a ntumekire mu miyinzi gyomusalisi.

⁵Navo va la vugula ithahabu, na iblue, na kiforosadi, na inzakanyu, na ikatani indahi.

⁶Na va la lomba kisibao, ne ithahabu, na iblue, na kiforosadi, na inzakanyu, na ikatani indahi, miyinzi gyomusidza weligali.

⁷Na kisibao ki la va kyevidonye viviri vya mavega vi hambannywe nemikanda gyavo gyiviri, ki duke kuhambannywa.

⁸Na ingubo i sitwa na avageeri i la va kukyo kukiboha, i la va yemiyinzi milala, na yekindu kilala; yethahabu, na yeblue, na yekiforosadi, na yenzakanyu, na yekatani indahi.

⁹Na u la vugula magina gaviri malahi geberulo, na n la ngoda kugo ameta ga vana va Israeli:

¹⁰ameta gatano na lilala ku ligina lilala, na ameta gatano na lilala aga tigala, ku ligina lindi, kuli livulwa lyavo.

¹¹Nemiyinzi gyomusidza wokuvadza magina, u la vadza magina yaga gaviri, kuli livadzwa lyomuhuri, u la vadza ndiyo ameta ga vana va Israeli: u la ga lomba kuvikwa mu viduku vyethahabu.

¹²Na magina zana gaviri u la ga vika ku mikanda gyamavega gyekisibao, ga ve magina gokwidzulitsa ga avana va Israeli: na Haruni a la ginga ameta gavo imbiri wa Yahova ku mavega gege gaviri, ga ve kyokwidzulitsa.

¹³Na u la lomba viduku vyethahabu,

¹⁴na minyororo gyiviri gyethabu indahi; u la gyi lomba kufwanana ne migoye gyemiyinzi gyokusita: na la vika minyoro zana ku viduku.

¹⁵Na u la lomba isalamba yomukiritu yelikalaga, i ve miyinzi gyomusidza weligali; kuli miyinzi gyekisibao u la gi lomba; yethahabu, yeblue, yekiforosadi, yenzakanyu, na yekatani indahi, u la gi lomba.

¹⁶I la va yetsimbega tsine kandi yokulingwa; ligera li la va lyokutwula ku kidete kinene kuduka ku kyenyasi, ubutambi nohugalamu bu la leng'ana.

¹⁷Na u la vika ku viduku vya magina, tsimbaso tsine tsya magina: Iuvaso lulala lu la va neligina lya kanyu, na itopazi, na lisembe, yaga ga la va rnu luvaso lwokutanga;

¹⁸na luvaso lwa kaviri iu la va nezumaradi, na isafiro, na limasi;

¹⁹na luvaso lwakavaka lu la va nekuakinso, na lisalago, na amesusito;

²⁰na luvaso lwa kane lu la va neberulo, na ijazaa, na ijasipi: ga la handidzwa mu ithahabu mu viduku vyago.

²¹Na magina ga la va kuli ameta ga avana va Israeli, likumi na gaviri kuli ameta gavo; ga la vadzwa kuli livadza lyomuhuri, sa mulala kuli lieta lilye, ga la va getsihir; likumi na tsiviri.

²²Kandi u la lomba ku isalamba yomukiritu minyoro kuli lisitwa lyomugoye gwethahabu indahi.

²³Kandi u la lomba ku isalamba yomukiritu tsimingiri tsyethahabu tsiviri, nokuvika tsimingiri zana ku mikanda gyesalamba.

²⁴Na u la vika minyoro gyiviri gyethahabu mu tsimingiri tsiviri tsi veye ku mikanda gyesalamba yomukiritu.

²⁵Na tsisonga tsindi tsyeminyoro gyi sitwa gyiviri, u la tsi vika mu viduku viviri, na u la vi vika mikanda gyekisibao ku mavega imbiri.

²⁶Kandi u la lomba tsimingiri tsiviri tsyethahabu, na u la tsi vika ku mikanda gyesalamba yomukiritu kuntulu kwayo, ku luvega lwa isi ku kisibao.

²⁷Na u la lomba tsimingiri tsiviri tsyethahabu, nokutsivika ku mikanda gyekisibao gyoku mavega gyombi, isi wakyo ku luvega lwembiri, himbi nobuhambaniru bwakyo igulu womusipi gwekisibao gwa sitwa nobusidza.

²⁸Navo va la boha isalamba yomukiritu netsimingiri tsyayo ku tsimingiri tsyekisibao nomugoye gwoluvusi lweblue, i ve ku musipi gwelisitwa lilahi gwekisibao, i vule kwavukannywa nekisibao.

²⁹Na Haruni a la ginga ameta ga avana va Israeli ku isalamba yomukiritu yelikalaga ku mwoyo gwigwe lwa yingira hatakatifu, kuva lidzulitsa imbiri wa Yahova kazozo.

³⁰Na u la vika Urim na Thumim ku isalamba yomukiritu lyelikalaga: na vi la va ku mwoyo gwa Haruni, lwa yingira imbiri wa Yahova: na Haruni a la ginga likalagirwa lya avana va Israeli ku mwoyo gwigwe imbiri wa Yahova kazozo.

³¹Kandi u la lomba ijoho yekisibao yosi yeblue.

³²Na i la va nobwiyangu hagati hayo kuvitidzira mutwe: na i la va noluliga lwa sitwa kuvodonkana ubwiyangu bwayo, kuli ubwiyangu bwelikoti lyekivya, i vule kutanduka.

³³Noku lukigiti lwayo lwa hasi u la vika makomamanga geblue na kiforosadi, na malsanyu, kukumbiridza hosi lukigiti; na vikuli vyethahabu vi la va hagati hago tsimbega tsyosi;

³⁴kikuli kyethahabu, na likomamanga, kikuli kyethahabu, na likomamanga ku lukigiti lwejoho kugikumbiridza tsimbega tsyosi.

³⁵Nayo i la va ku Haruni kutumekira: na mwoyo gwavyo gu la hulirwa lwa yingira mu hatakatifu imbiri wa Yahova, na lwa a twula, a vule kukudza.

³⁶Kandi u la Imnba kibale kyethahabu indahi, na u la vadza ku kuli muhuri, makuva yaga, MUTAKATIFU KU YAHOVA.

³⁷Na u la vika kibale zana ku mugoye gwengubo yeblue, nakyo ki la va ku igudwa; ki la v a ku luvega lwembiri wegudwa.

³⁸Na ki la va mbweni bwa Haruni, na Haruni a la ginga ubudamano bwevindu vitakatifu, vya avana va Israeli va takasa mu vihaanwa vyavo; nakyo ki la va ku bweni bwibwe kazozo, va duke kubugirirwa imbiri wa Yahova.

³⁹Kandi u la sita likoti lyekatani, li lombwe nobusalago, na u la lomba igudwa yengubo yekatani indahi, na u la lomba musipi miyinzi gyomusidza welinava.

⁴⁰Kandi u la lombera avana va Haruni makoti, kandi u la va lombera misipi, na vigudu u la va lombera, gyi ve gyobukumi na gyelidzominywa.

⁴¹Na u la vi vika ku Haruni amwavo wowo, noku avana veve halala naye; na u la va vaka maguta nokuvavika ku miyinzi mitakatifu, nokuvatakasa, va duke kuntumekira mu miyinzi gyobusalisi.

⁴²Na u la va lombera tsisiruali tsyengubo yekatani kukunika kyahonyo kyavo; tsi la duka kutwula mu kikenge kuduka ku matango:

⁴³na tsi la va ku Haruni, noku avana veve, lwa vingira mu lihema lyokuvuganira mu, kinga lwa visunda himbi ku bwali kutumika mu hatakitifu; va vule kuginga ubudamano, na va kudza: yaga ga la va lilaga kuye noku visukululwi vivye inyima wewe mihiga na mihiga.