Read lulogooli Kutwula 37 Bible Online

Kutwula 37 - lulogooli bible

Kutwula 37

¹Na Bezaleli ya lomba lisanduku lyomusala gwe kikuma: ubutambi bwalyo bwa li ligera lyamakono gaviri na inusu, na ubugalamu bwalyo bwa li ligera lyomukono mulala na inusu, na ubudiguluku bwalyo bwa li ligera lyomukono mulala na inusu:

²naye ya li handidza ku ithahabu indahi mugati na ikyova, na ya li lombera itaji yethahabu kuvodonkana tsimbega tsyosi.

³Na ya li lombera tsimingiri tsine tsyethahabu, ku tsikorna tsyalyo tsine, tsimingiri tsiviri ku luvega lulala, na tsimingiri tsiviri ku luvega lundi.

⁴Na ya lomba misala gyokuginga gwomusala gwe kikuma, na ya handidza ku ithahabu.

⁵Na ya vika misala mu tsimingiri tsya li mmbalu mwalyo kuginga lisanduku.

⁶Na ya lomba intebe yetsimbabasi yethahabu indahi: ubutambi bwhayo bwa li ligera lyamakono gaviri na inusu, na ubugalamu bwayo bwa li ligera lyomukono nulala na inusu.

⁷Na ya lomba vakerubi vaviri vethahabu; ya va lomba nemiyinzi gyokutuula, ku viheri viviri vyentebe yetsimbabasi;

⁸mukerubi mulala ku kiheri kilala na mukerubi ku kiheri kindi: ya va lomba ku kindu kilala nentebe yetsimbabasi ku viheri viviri vyayo.

⁹Na vakerubi va nyira tsimbaha igulu, va kinga intebe yetsimbabasi netsimbaha tsyavo, na mmoni mwavo mwa henzana; uyu na uyu; na mumoni mwa vakerubi mwinama kuhenza intebe yetsimbabasi.

¹⁰Kandi ya lomba imeza yomusala gwe kikuma: ubutambi bwayo bwa li ligera lyamakono gaviri, na bugalamu bwayo bwa li ligera lyomukono mulala, na ubudiguluku bwayo bwa li ligera lyomukono mulala na inusu:

¹¹naye ya handidza ku ithahabu indahi, na ya gi lombera itaji yethahabu kugikumbiridza tsimbega tsyosi.

¹²Kandi ya lomba lukigiti lwayo kukumbiridza tsimbega tsyosi lwobugalamu bwalwo bwa li ligera lyevidete vine, na ya lu lombera itaji yethahabu kulukumbiridza tsimbega tsyosi.

¹³Na ya gi lombera tsimingiri tsine tsyethahabu, na ya tsi vika mu tsikorna tsine tsya li ku virenge vyayo vine.

¹⁴Na tsimingiri zana tsya li himbi ku lukigiti, tsi ve hokuvikira misala gyokuginga imeza.

¹⁵Na ya lomba misala gyokuginga ku musala gwe kikuma, na ya handidza kugyo ithehabu, kuginga imeza.

¹⁶Na ya lomba viju vya li ku imeza, tsisahani tsyayo, na vijiko vyayo, na tsindavo tsyayo, na vikombe vyokutsukira, vya lombwa nethahabu indahi.

¹⁷Na ya lomba kinara kyetaya kyetbahabu indahi: ya lomba kinara kyetaya nemiyinzi gyokutuula, bwikaiiru bwakyo, na musala gwakyo; na vikombe vyakyo, bwevumbu bwakyo, na vimuli vyakyo, vyosi vya li vyekindu kilala:

¹⁸na tsya li netsisya tsitano na lulala tsya twula mmbalu mwakyo; tsitsya tsivaka tsyekinara kyetaya tsya li ku luvega yilu, na tsisya tsivaka tsyekinara kyetaya tsya li ku luvega yilwo:

¹⁹vikombe vivaka vya lombwa kuli vimuli vyomutsyulu mu lusya lulala, bwevumbu na kimuli, na vikombe vivaka vya lombwa kuli kimuli kyomutsyulu ku lusya lundi, bwebumbu na kimuli: na ndiyo tsisya tsitano na lulala tsya twula ku kinara kyetaya.

²⁰Na mu kinara kyetaya vikombe vine vya lombwa kuli vimuli vyomutsulyu, bwevumbu bwavyo, na vimuli vyakyo;

²¹na bwevumbu bwa li isi wetsitaya tsiviri bwekindu kilala na bwevumbu bwa li isi wetsitaya tsiviri bwekindu kilala, kandi bwevumbu bwa li isi wetsitaya tsiviri bwekindu kilala, ku tsisya tsitano na lulala tsya twula kukyo.

²²Bwevumbu bwakyo na tsisya tsya li kindu kilala: kinara kya li kindu kilala kyemiyinzi kyokutuula kyethahabu indahi.

²³Kandi ya lomba tsyakyo tsitano na tsiviri, na visiminyiru vyakyo, na tsisahani tsyevisiminyiru, vyosi vyethahabu indahi.

²⁴Ya ki lomba halala na viju vyakyo vyosi vyetalenta yethahabu indahi.

²⁵Kandi ya lomba ubwali bwokuvuyidza kimuli bwomusala gwe kikuma: ubutambi bwabwo bwa li ligera lyomukono mulala, na ubugalamu bwabwo bwa li ligera lyomukono mulala, bwa li ubuleng'anu, na ubudiguluku bwabwo bwa li ligera lyamakono gaviri; na tsinziga tsyabwo tsya li tsyekindu kilala nabwo.

²⁶Na ya handidza ku ithahabu indahi ku luvega lwegulu, na mmbalu mwabwo tsimbega tsyosi, na tsinziga tsyabwo; na ya bu lombera itaji yethahabu kubukumbiridza tsimbega tsyosi.

²⁷Na ya bu lombera tsimingiri tsiviri tsyethahabu isi wetaji yabwo, mmbalu mwabwo mwombi ku tsimbega tsyabwo tsyombi, tsi ve hokuvikira misala gyokubuginga.

²⁸Na ya lomba misala gyokugipga gyomisala gwe kikuma, na ya handidza ku ithahabu.

²⁹Na ya lomba maguta matakatifu gokuvaka, na kimuli kilahi kyevifunyanga mwayu mulahi, kuli ubusidza bwomutsukanyi wevifunyanga mwayu.