Read lulogooli Kutwula 9 Bible Online

Kutwula 9 - lulogooli bible

Kutwula 9

¹Kunangwa Yahova ya volera Musa, Wingire ku Farao, nokumuvolera, Yahova Nyasaye wa Vahebraina a vola ndi, U lakule avandu vange va tsie, va duke kuntumekira.

²Kigira nu u va nu u sula kuvalakula, nokuvigalira ligali,

³henza, mukono gwa Yahova gu veye ku mitugu gyigyo gyi veye mu kyayo, ku tsiparasi, ku tsisukiri, ku tsing'amia, ku tsing'ombe noku magondi: bu la va kuvyo ubulwaye budamano muno.

⁴Na Yahova a lavukanya mitugu gya Israeli na mitugu gya Egepeti; siki la kudza kindu kali kilala kya avana va Israeli.

⁵Na Yahova ya laga inyinga, na a vola Mugamba Yahova a la kola inkuva yiyi mu kivala.

⁶Na Yahova ya kola inkuva zana mugamba; na mitugu gyosi gya Egepeti gya kudza; navutswa ku mitugu gya avana va Israeli si gya kudza kali mulala mba.

⁷Na Farao ya tuma avandu, na henza, si ha li kali kilala kyemitugu kya Avaisraeli kya kudza. Navutswa mwoyo gwa Farao gwa dinya, na si ya lakula avandu kutsia mba.

⁸Na Yahova ya volera Musa na Haruni, Mu vugule ku ligoke lye kisambiru, na Musa a Iyuhe igulu imbiri wa Farao.

⁹Nalyo li la gwa ulugukyi lukekeke ku kivala kyosi kya Egepeti, li la va livimba li twulika na mavimba ku avandu noku mitugu, mu kivala kyosi kya Egepeti.

¹⁰Navo va vugula ligoke lye kisambiru, noku singira imbiri wa Farao; na Musa ya Ivuha igulu; na lya gwa mavimba noku twulika ku vandu noku mitugu.

¹¹Na avasegetiri si va nyala kusingira imbiri wa Musa kigira mavimba; kigira mavimba ga li ku avasegetiri, noku Avaegepeti vosi.

¹²Na Yahova ya dinyiridza mwoyo gwa Farao, naye si ya va hulira; kuli Yahova ya volera Musa.

¹³Na Yahova ya volera Musa, Vuka mugamba mabwebwe, u singire imbiri wa Farao, u mu volere, Yahova Nyasaye wa Vahebraina a vola, U lakule avandu vange, va tsie kuntumekira.

¹⁴Kigira ku inyinga yiyi nda leta maduya gange gosi ku mwoyo gugwo, noku avatumekiri vovo, noku avandu vovo; u duke kumanya si ha veye na wundi kuli inze mu lirova lyosi.

¹⁵Kigira kalunu nkano mmali kunyira mukono gwange, nokuduya ive na avandu vovo nolukudzo ludamano, na ive nkano u twulidzeywi mu lirova:

¹⁶navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

¹⁷Kali kalumu wegingira ku avandu vange, na u suye kuvalakula va tsie?

¹⁸Henza, mugamba himbi inyinga yiyi, nda kupidza imbula yamagina madamano, yolugano lu kikiri kuva ho mu Egepeti kutwula ku lidiku lya kya loleka kuduka lero.

¹⁹Kunangwa kalunu u tume kuleta l mitugu gyigyo gyingire, na vyosi vya u veye navyo mu mulimi; kigira ku vosi, mundu sa mlulala, ne mitugu se kiiala ki li nyolwa mu mulimi, ki ta letwa mu inyumba, imbula ya magina i la kupa kuvyo, navyo vi la kudza.

²⁰Uyu wa tia likuva lya Yahova ku vatumekiri va Farao, wirukidza vatugwa veve nemitugu gyigye vingire mu tsinyumba:

²¹na uyu wa vula kuhulira likuva lya Yahova ya leka avatugwa veve nemitugu gyigye mu mulimi.

²²Na Yahova ya volera Musa, Nyira mukono gugwo ku henzidza igulu, i duke kuva imbula ya magina mu kivala kyosi kya Egepeti, ku mundu, noku mitugu, noku vindu vyosi vyomu mulimi, mu kivala kyosi kya Egepeti.

²³Na Musa ya nyira impimbo yeye kuhenzidza igulu: na Yahova ya leta lihirigana nembula ya magina, na muliru gwika ku lirova na Yahova ya kupidza imbula ya magina ku kivala kya Egepeti.

²⁴Kunangwa ha li nembula yamagina, na muliru gwa tsugana namagina, ga li madamano ligali, yolugano lwayo lu kikiri kuva ho mu kivala kyosi kya Egepeti, kutwula lwa kya tanga kuva ihiri.

²⁵Na imbula yamagina ya duya vyosi vya li mu kivala kya Egepeti, vyosi vya ii mu mulimi, avandu nemitugu; na imbula yamagina ya duya vyosi vya mera mu milimi, nokuvunannya misala gyosi gyomu mulimi.

²⁶Mu kivala kya Goshen kyeng'ine, kya avana va Israeli va li mukyo, si ha li nembula yamagina.

²⁷Na Farao ya tuma na a langa Musa na Haruni, na a va volera Nkoli ubwoni inyinga yiyi: Yahova a veye mulungi, na inze na avandu vange ku veye avadamano.

²⁸Mu saale Yahova; kigira lihirigana linene na imbula yamagina vi duki; na inze nda mu lakula mu tsie, na si mu la lindagira mba.

²⁹Na Musa ya mu volera, Nonoho lwa ndi twula mu lidala, nda nyira makono gange ku Yahova; na lihirigana li la hera, kandi imbula yamagina i la vula kukupa; ive u duke kumanya lirova li veye lya Yahova.

³⁰Navutswa ive na avatumekiri vovo, mmanya si mu li tia Yahova Nyasaye.

³¹Na katani na shairi vya duywa; kigira shairi ya li na vyangala, na katani ya li mu lilavidza.

³²Navutswa ubuswage na ingano si vya duywa: kigira vya li ni vi kikiri kuviruka.

³³Na Musa ya twula mu lidala ku Farao, na a nyira makono gege ku Yahova: na lihirigana na imbula yamagina ya hera, na imbula si ya kupa mu kivala mba.

³⁴Na Farao lwa ya lola imbula yamagina na lihirigana vi heri, ya kira kukola ubwoni, nokudinnya mwoyo gwigwe, mwene na avatumekiri veve.

³⁵Na mwoyo gwa Farao gwa gwa mudinyu na si ya lakula avana va Israeli va tsie, kuli Yahova ya vola nomunwa gwa Musa.