Read lulogooli Ayubu 10 Bible Online

Ayubu 10 - lulogooli bible

Ayubu 10

¹Mwoyo gwange gu luhi ku livamwoyo lyange; Nda ha likenya lyange ubwiyangu; Nda vola ku litsunwa lya mbeye nalyo mu mwoyo gwange.

²Nda volera Nyasaye, U ta nkalagira mahyolo; U vuulire inze kivune kya u hangalidzanira ni inze.

³Bu veye bulahi ku ive kukupidza kivi, Nokulega miyinzi gyamakono gogo mwene, Nokung'ering'ana ku makuva gavadamano?

⁴U veye netsimoni tsyomundu? Kinga u lolanga kuli mundu?

⁵Madiku gogo ga veye kuli madiku gomundu, Kinga mihiga gyigyo gyi veye kuli madiku gomundu,

⁶U duke kuteveridza mu makuva gobudamano bwange Nokwenya ubwoni bwange,

⁷Kali nu u manyi inze si mbeye mudamano, Kandi si ha veye u nyala kuhona ku mukono gugwo?

⁸Mikono gyigyo gyi nombi nokunonga Hosi halala; na kandi u ndividza

⁹Yidzulitsa, mwadza, ive u nongi kuli budohi: Na u la mbika mu lugukyi kandi?

¹⁰Ive si u ntsukanga kuli amaveere, Nokumbohidza kuli tsinkonye?

¹¹U mbiki ligodo nenyama, Nokumbambanya halala neviguu mba nemiki.

¹²U mbeye livamwoyo netsimbabasi Nobuhenzi bubwo bu lindangamwoyo gwange.

¹³Na vindu yivi vyosi wa vi visa mu mwoyo gugwo; Mmanya yaga ga veye halala nive:

¹⁴Ni nkola ubwoni, hene yaho u mbenzanga, Ive si u la sameha budamano bwange.

¹⁵Inze ni mba mudamano, budamano bu ve ku inze; Na ni mba mulungi, ku yaga kandi si nda ginga mutwe gwange; Mbeye mu lizula tsisoni Nokuhenza kivi kyange.

¹⁶Mutwe owanoe ni gwiyidzominya, hene yaho ive u mbimanga kuli king'ang'a; Na kandi welolekidza ive mwene ku inze kuva wobugenyi.

¹⁷Ive wirannyanga kandi lilolekidza lilyo ku inze, Na livihirirwa lilyo u li medanga ku inze: Ligirunkana nobulwani vi veye halala ninze.

¹⁸Kunangwa kigira ki wa ntwulidza munda? Nkano nda twulidza ku mwoyo, na imoni i la vula kundola kali indala.

¹⁹Nkano nda va kuli u ta veye ho; Nkano kilindwa kya mbila kutwula munda.

²⁰Madiku gange si ga veye makekeke? Ieka, Mu ndeke tsyeng'ine, nduke kuleminywa mwoyo hakekeke,

²¹Ni nkikiri kutsia ha ndi vula kwirana, Mu kivala kyekisundi, na kyekiriri kyelikudza;

²²Ki veye kivala kyekisundi kimwamu, kuli budiku hagati, Ki veye kivala kyekiriri kyelikudza, kivala ki ta veye nelilombwa lyevindu, Kandi ki veye kivala kyobulavu bwakyo bu veye kuli kisundi.