Read lulogooli Ayubu 16 Bible Online

Ayubu 16 - lulogooli bible

Ayubu 16

¹Hene yaho Ayubu ya tivula, na a vola,

²Inze mbuliye makuva manyingi kuli yaga: Mwinye mwosi mu veye avaleminyi avakupidza kivi.

³Makuva ga vutswa ga la va nekiheri? Kinga likuva ki li ku vihiriridza u duke kutivula?

⁴Inze kandi nyala kuvola kuli mwinye mu volanga Myoyo gyenyu ni gyi va ni gyi veye ho gwange gwa li, Nkano nda ka lomba makuva halala ku mwinye, Nokumusung'usira mutwe gwange.

⁵Navutswa nkano nda ka mu dinyeridza nomunwa gwange, Nelileminya lyeminwa gyange nkano gya ka gayidza burerereri bwenyu.

⁶Kali ni mbola, livererera lyange si li gayidzwa mba; Kali ni nzigaya, nda konywaki?

⁷Navutswa kalunu u mali kunduhidza: U koli livugana lyange lyosi hatswa.

⁸U ng'imiye ligali, li gwiye lilolekidza ku inze: Ubung'afu bwange bu vuki ku inze, Bu lolekidzanga imbiri wange.

⁹U ntanduye mbutima bwibwe, nokunkupidza kivi; A dyedyeidzanga amino ku inze Musigu wange yogihidza tsimoni tsitsye ku inze.

¹⁰Valaminye minwa gyavo ku inze; Va nzalanga tsinzasaya nokunyega: Vevungidza avene halala ku inze.

¹¹Nyasaye ya mbika ku yavo ava vula kumutia, Nokunsikisa mmakono gavadamano.

¹²Inze nda li mu bwelemeridzi, naye ya ndonyannya; Yee, ya ngumira ligoti, nokumbunanya: Kandi ya nsingeridza mbe kyokugera ku.

¹³Avandu veve va lasanga mibano va nkumbiridza hosi; Ya nzatanya mu kikenge kyange, na a vula kumbererera; A tsukanga indulwi yange ku lirova.

¹⁴Ya nzatannya nobwadiku ku bwadiku; Ya ntwulira kuli ugundu.

¹⁵Inze nnavi tsingubo tsyamagunia ku mubiri gwange, Nolwiga lwange nduviki mu lu gukyi.

¹⁶Mmoni mwange mwoneki kulilira maliga, Na kiriri kyelikudza ki veye ku vigohe vyange

¹⁷Kali kirage ni ki ta veye mmukono gwange, Lisaala lyange li veye linifu.

¹⁸O kivala, u ta kunika masahi gange mba, Lilira lyange u ta leka li nyole hokusosa mba.

¹⁹Kuduka kalunu, henza, muloli wange a veye migulu, Na uyu u nkolera kihambiriru a veye igulu.

²⁰Avalina vange va ndeganga: Navutswa imoni yange i tsukanga ku Nyasaye amaliga;

²¹A duke kudinyeridza ubulungi bwa mundu imbiri wa Nyasaye, Nobwomwana womundu halala na wakye

²²Kigira lwa gyi viti mihiga mikekeke, Inze nda tsira ku inzira ya ndi vula kwirana kandi.