Read lulogooli Ayubu 2 Bible Online

Ayubu 2 - lulogooli bible

Ayubu 2

¹Kandi ga duka ku lidiku lilala avana va Nyasaye lwa va tsia kwevungidza avene imbiri wa Yahova, Setani yadza hagati havo kwivika mwene imbiri wa Yahova.

²Yahova ya teva Setani, U twula haliha? Setani ya tivulira Yahova, na a vola Ntwula kuvodonkana mu lirova, no kugenda yiyi na yiyi kulyo.

³Na Yahova ya teva Setani, U loli mutu mekiri wange Ayubu? Kigira si ha li nomulala u veye kuli uyu mu lirova lyosi, mundu musuuvirifu nomulungi, mulala u tidzanga Nyasaye, nokwavu kana nobudamano: naye kali kalunu a ki hambanangi nobudukiru bwibwe, kali nu u ng'oonya kuye, kumudividza bugira kivune.

⁴Na Setani ya tivulira Yahova, na a vola, Ligodo ne ligodo, yee, vyosi vyomundu a veye navyo a la haana kigira liva mwoyo lilye.

⁵Navutswa kalunu u nyire mukono gugwo u dire kigumba kikye nenyama yeye, na a la ku nyega imbiri wommoni mumwo.

⁶Na Yahova ya volera Setani, Henza, a veye mmukono gugwo; navutswa u linde livamwoyo lilye.

⁷Ma Setani ya twula imbiri wommoni mwa Yahova, na ya kuya Ayubu na mavimba madinyu kutwula ku induvatiru kuduka ku mutwe.

⁸Na ya vugula kijonjo a duke kweyagira; ni yikala mu ligoke.

⁹Hene yaho mukali wewe ya mu volera, Ive kuduka kalunu u ki hambananga nobudukiru bubwo? Sivulana na Nyasaye, u kudze.

¹⁰Na vutswa Ayubu ya volera mukali wewe, na a vola, Ive u volanga kuli mulala ku vakali vasiru a volanga. Ni ki ndiki? Ku nyole bulahi mmukono mwa Nyasaye, na ku vule kunyola ububi? Mmakuva yaga gosi Ayubu si ya kola bwoni neminwa gyigye mba.

¹¹Kunangwa inyinga avalina va Ayubu vavaka va hulira amakuva gobubi bwa mu gwira, va twula sa Mulala hango hehe ni vadza: Navo ni yava, Elifazu Muteman, na Bildadi Mushuhi, na Zofaru Munaamathi; na va lagana halala va tsie kuli rira Ayubu, nokumuleminya mwoyo.

¹²Na lwa va ginga tsimoni tsyavo, ni va kikiri ihale, si va mmanya mba, na va ginga myoyo gyavo, ni va lira; na va tandula sa mulala ijoho yeye, va duminya lugyukyi ku mitwe gyavo igulu.

¹³Ma vikala hasi halala naye mibasu gyitano na gyiviri, nobudiku bwagyo na si ha li nomulala wa mbolera likuva kali lilala: kigira va lola livererera lilye lya li linene.