Read lulogooli Ayubu 33 Bible Online

Ayubu 33 - lulogooli bible

Ayubu 33

¹Kigira yaga, Ayubu, nku saala, u hulire livola lyange, U hulire makuva gange gosi.

²Henza, kalunu, mmali kukunula munwa gwange; Lulimi lwange lu voye mmunwa gwange.

³Makuva gange ga la wla bulungi bwomwoyo gwange; Na geminwa gyange gyi manya nigo aga gyi vola na geligali.

⁴Roho wa Nyasaye u nombi, Na mwika gwa Wanyala Vyosi gu mbedzanga livamwoyo.

⁵Nu u va nu u nyala, u ntivulire; U lohidze makura gogo bulungi imbiri wange, singira havulavu.

⁶Henza, inze mbeye imbiri wa Nyasaye kuli ive u veye: Inze nda longwa mu budohi.

⁷Henza, litihidza lyange si li ku tihidza Kandi limina lyange si li ve liliduhu ku ive.

⁸Ligali u voye mu lihulira lyange, Na mbuliye mwoyo gwamakuva gojo, lwa u wye

⁹Mbeye musiyeku, si mbeye na mahyola mba; Si mbeye nekindu, kandi si ha veye nobudamano mu inze:

¹⁰Henza, a nyolanga kivune ku inze, A mbalidzanga kuva musigu wewe;

¹¹A vikanga virenge vyange mu mukatale, Na a lindanga tsinzira tsyange tsyosi.

¹²Henza, nda ku tivulira, mu likuva yili si u veye nobulungi; Kigira Nyasaye a veye munene kuvita mundu.

¹³Kigira ki u hing'ana naye, Kigira uyu si a haananga livalidza lyevindu vivye kali kilala kuvyo?

¹⁴Kigira Nyasaye a volanga inyinga indala, Yee, hali kaviri, kali muntu na a ta lola.

¹⁵Mu maloto, mu malola gobudiku Lwetsindolo tsyamaveere tsi dukanga ku vandu, Mu hindolo ku kitali;

¹⁶Nilwo lwa uyu a kunulanga amatu gavandu, Nokuvika muhuri ku megidzo gavo,

¹⁷A duke kutwulidza mundu a leke lisaavira lilye, Nokuvisa luyai ku vandu;

¹⁸A gayanga mwoyo gwigwe gu vule kutsia mbogo, Na livamwoyo lilye li vule kudiva nekivavi.

¹⁹A hebangwa mageli nobusaliri ku kitali kikye, Na lihing'ana li tsitsagil'langa madiku gosi mu vigumba vivye;

²⁰Livamwoyo lilye li luhe li vihireywi ubukima, Na mwoyo gwigwe gu vihireywi inyama indahi.

²¹Inyama yomubiri gwigwe i kamuluki, i vule kuloleka; Na vigumba vivye vya vulanga kuloleka vi hembuki.

²²Yee, mwoyo gwigwe gwesunda himbi ku bogo, Na livamwoyo lilye Ivesunda ku vadividzi.

²³Ingelosi na a va halala naye, U mbolannyi, mulala wo mu elfu Kumannya mundu aga mu dukiranga;

²⁴Hene yaho Nyasaye a mbera tsimbabasi, na a vola, U mu konye a vule kwika mbogo, Nyoye litungirwa.

²⁵Inyama yomubiri gwigwe i la va indoto kuvita yomwana Yirananga ku madiku gobusolelibwibwe.

²⁶A saalanga Nyasaye, naye ya mu bugirira, Kuduka a mu lole mmoni mwimwe nobusangali: Naye yiranyanga ku mundu ubulungi bwibwe.

²⁷Yimbanga imbiri wavandu, nokuvola, Inze nda kola ubwoni, nokukyaminya agobulungi Na si nda nyola vyambeti.

²⁸A tungiye mwoyo gwange gu vule kutsia mbogo, Na livamwoyo lyange li la lola ubulavu.

²⁹Yaga gosi Nyasaye a kolanga, Hali kaviri, yee kuduka hali kavaka, halala nomundu,

³⁰Kwirannya mwoyo gwigwe kutwula mbogo, A duke kulavidza nobulavu bwa avelivamwoyo.

³¹Henza ligali, O Ayubu, u mbulire: U kiring'ane, nda vola.

³²Nu u va nu u veye nago kuvola, u ntivulire: Vola, kigira inze nyenyanga kuvalidza ive kuva nobulungi.

³³Ni ga va ni ga ta veye ndiyo, u mbulire: Kiring'ana, na nda kwegidza ubugeeri.