Read lulogooli Ayubu 35 Bible Online

Ayubu 35 - lulogooli bible

Ayubu 35

¹Kandi Elihu ya tivula, na a vola,

²U ganagana yaga ga veye ubulungi bubwo, Kinga u volanga, Ubulungi bwange bu viti ubulungi bwa Nyasaye,

³U luhi u voye Ha la va ni vyambeti ki ku ive? Kand i, Nda nyola vyambeti ki kuvita mu likola ubwoni?

⁴Nda ku tivulira, Na vakye vovo halala na ive.

⁵U henze ligulu, u lole; Na malesi u ga henze, aga veye igulu kuvita iva.

⁶Nu u va nu u koli ubwoni, u koli ki kuye? Kandi amahyolo gogo ni ga va ni ga medeki, u mu koleye ki?

⁷Nu u va nu u veye mulungi, u mu hedza ki? Kinga a vuguye ki mmukono gugwo?

⁸Ubudamano bubwo namusia bu saleridzanga mundu kuli ive Nobulungi bubwo namusia bu konyanga mwana womundu.

⁹Kigira ubunyingi bwelidambidza, yavo va liranga; Vaniranga mukonyi kigira mukono gwa uyu wetsingulu.

¹⁰Navutswa si ha veye nomulala u volanga, Nyasaye Mulombi wange a veye haliha? U ku hedzanga liyimba tsinyimbu inyinga yobudiku,

¹¹U kwegidzanga kuvita tsinyama tsyomu lirova, U ku kolanga kuva nobugeeri kuvita manyonyi gombwerefu?

¹²Ha zana ha liranga yo, navutswa si ha veye nomulala u bugiriranga, Kigira luyai lwavandu avakyamu.

¹³Nyasaye, ligali si a la hulira aga vutswa Kandi Wanyala Vyosi si a la ga henza mba.

¹⁴Nasindi lwa ive u volanga, Si u mu henza, Likuva yilyo li veye imbiri wewe, na u lindiriranga uyu

¹⁵Navutswa kalunu, kigira u vule kuduka ku ive mbutima bwibwe, Kandi si a henza ligali ubwegingiri;

¹⁶Kigira yaga Ayubu a kunula munwa gwigwe ku vindu vya vutswa A medanga makuva bugira kuva nelimanya.