Read lulogooli Ayubu 40 Bible Online

Ayubu 40 - lulogooli bible

Ayubu 40

¹Kandi Yahova ya tiwlira Ayubu, nokumuvolera,

²Uyu u kupa tsimbaka a la hing'ana no Wanyala Vyosi? Uyu u hangalidzana na Nyasaye, a tivule.

³Hene yaho Ayubu ya tivulira Yahova, na a vola

⁴Henza inze si mbeye kindu ligali mba; nda ku tivulira ndi? Mbikanga mukono gwange ku munwa gwange.

⁵Mboye lulala, si nda tivula mba Yee, mboye hali kaviri, navutswa si nda tsitsagil'la mba.

⁶Hene yaho Yahova ya tivulira Ayubu mu kihudzudzi, nokumuvolera,

⁷Webohe kikenge kalunu kuli musatsa: Inze ndenya likuva ku ive, na u nzilwadzire.

⁸U la tsangalalidza likalaga lyange? U la lola mahyolo ku inze, u duke kuvolwa kuvo mulungi?

⁹Kinga u vcye nomukono kuli gwa Nyasaye? U nyala kuhirigana nomwoyo kuli gwigwe?

¹⁰Wivike kalunu ubunene nobukumi; Wesyahe luyali nelidzominywa.

¹¹U tsuke lizulira lyobutima bubwo; U henze sa mulala woluyai u mu legannye.

¹²U henze sa mulala mwigingiri, u mwikidze hasi; U duvage avadamano ha va singiranga.

¹³U va vise mu lugukyi halala; Boha mmoni mwavo ha viswa.

¹⁴Hene yaho inze kandi ndeyama mu makuva gogo, Umukono gugwo mulungi gwene gu nyala kukuhonnya.

¹⁵U henze inkubo, ya nda lomba halala nive; Yayanga bunyasi kuli ing'ombe.

¹⁶Henza kalunu, tsingulu tsyayo tsi veye mu kikenge kyalyo, Na bunyali bwayo bu veye mu miki gyekifu kyayo.

¹⁷I hunganga mukira kuli mutaragwa: Imiki gyevirenge vyayo gyi hambana halala.

¹⁸Vigumba vyayo vi veye kuli tsimpimbo tsyomugasa; Tsimbalu tsyayo tsi veye kuli vidonye vyekivya.

¹⁹I veye munene wetsinzira tsya Nyasaye: Wa gi lomba uyu veng'ine u nyala kwisunda kuyo nekivavi kikye.

²⁰Ligali vigulu vi mwamiranga vyokulia, Hetsinyama tsyosi tsi kinanga.

²¹I gonanga isi wemisala gyekiriri, Mu lyevisa lyelihunzu, nomu kidende.

²²Misala gyeviriri gyi gi kunikanga neviriri vyagyo; Misala gyoku visenukiru vyamadzi gyi gi kumbiridza.

²³Henza, mugera ni gu medeka, si i degeranga mba; I suuviranga, kali Yordani ni gwizulira kuduka ku munwa gwayo.

²⁴Mundu ku vosi a nyala kugigumira, lwa i veye bwove, Kinga kugihudula molo gayo nomutego?