Read lulogooli Zaburi 103 Bible Online

Zaburi 103 - lulogooli bible

Zaburi 103

¹Gasidza Yahova, O mwoyo gwange; Na vyosi vi veye mu inze, vi gasidze lieta lilye litakatifu.

²Gasidza Yahova, O mwoyo gwange, U tivirira vyosi vya a ku kolera:

³U samehanga ubukyamu bubwo bwosi; U honnyanga ubulwaye bubwo bwosi;

⁴U bohololanga livamwoyo lilyo ku ubudivi; U ku vikanga itaji yetsimbabasi tsyobuyanzi na livererwa lilahi;

⁵Wigutidzanga lyenya lilyo nevindu vilahi, Ubusoleri bubwo bu galukidzangwa uhuhya kuli bwendidzu.

⁶Yahova a kolanga ubulungi, Na likalaga kigira vosi avadambi dzangwa.

⁷Ya mannya Musa tsinzira tsitsye, Na a mannya avana va Israeli likola lilye.

⁸Yahova a veye wetsimbabasi na welivererera. Na wa galaha ku butima, na wobunyingi bwelivererera.

⁹Si a la lembana madiku gosi; Kandi si a la vihiriu a mihiga nemihiga.

¹⁰Si a ku koleye kuli ubwoni bwetu, Kinga kukuha madanyi kuli ubudamano bwetu.

¹¹Kigira kuli mwigulu mu veye igulu ku lirova, Tsimbabasi tsitsye tsi veye tsinene ndiyo ku yava ava mu tidzanga.

¹²Kuli ivugwe yavukani ihale ne madioli, Ni ndiyo yavukannyi ubudamano bwetu na kwinye.

¹³Kuli dada a vererera avana veve, Ni ndiyo Yahova a verereranga ava mu tidzanga.

¹⁴Kigira a manya lilombwa lyetu; Na yidzulitsa kwinye ku veye lugukyi.

¹⁵Na ku mundu, madiku gege ga veve kuli ubunyasi; Na kuli kimuli kyomulimi, ni ndiyo a gasidzwa.

¹⁶Kigira imbuudza i vitanga kukyo ma ki vula kuva ho;

¹⁷Na ha zana si ha li ki manya kandi mba. Navutswa tsimbabasi tsya Yahova kutwula mihiga nemihiga kuduka mihiga nemihiga tsi veye ku yavo ava mu tidzanga, Na ubulungi bwibwe bu veye ku avana va avana vavo;

¹⁸Kuvo ava gumira lilagana lilye, Noku yavo avidzulitsa megidzo gege kugakola.

¹⁹Yahova a singeridzi intebe yeye yobwami migulu; Na ubwami bwibwe bwamehanga ku vyosi.

²⁰Mu gasidze Yahova, mwinye tsingelosi veve Ava veye netsingulu ligali, ava kolanga makuva gege, Na va huliranga mwoyo gwelivola lilye.

²¹Mu gasidze Yahova, mwinye amahe gege, Mwinye avatumekiri veve, ava kola ubulaliri bwibwe.

²²Mu gasidze Yahova, mwinye miyinzi gyigye gyosi, Hosi ha yameha: U gasidze Yahova, O mwoyo gwange