Read lulogooli Zaburi 107 Bible Online

Zaburi 107 - lulogooli bible

Zaburi 107

¹O mu santidze Yahova; kigira a veye mulahi; Kigira tsimbabasi tsitsye tsi veye ho mihiga nemihiga.

²Ava nanulwa va Yahova, va vole ndiyo, Ava u nanuye mu makono gomusigu,

³Nokuvavungidza kutwula mu vivala vyosi, Kutwula ivugwe na madioli, Na kasikasini na kusini.

⁴Va gendagenda mwigendanyama, inzira yekyangalangwi; Si va nyola lidala lyokumenya mu;

⁵Va li nenzala nobuluhu, Mwoyo gwavo gwa kudza muvo.

⁶Kunangwa mu kivi kyavo vanira Yahova, Naye ya va honnya mu lidambidzwa lyavo,

⁷Na a vimirira ku inzira inungi, Va duke kutsia mu lidala lyokumenya.

⁸Nkano avandu vidzominye Yahova ku tsimbabasi tsitsve, Noku vyokugenya vivye vya ya kola ku avana va avandu

⁹Kigira yigutidza mwoyo gu veye nelyenya, Na umwoyo gu veye nenzala a gwizulitsa ubulahi.

¹⁰Ava menya mu kisundi nomu kiriri kyelikudza, Va bofwa mu lidambidzwa nomu kivya;

¹¹Kigira vambakana makuva ga Nyasaye, Na va lega livola lya Weigulu Ligali:

¹²Kunangwa ya gehidza mwoyo gwavo mu kivi; Na vikigitala, kandi si ha li nowokukonya.

¹³Hene yaho vanira Yahova mu lidambidzwa lyavo, Naye ya va honnya mu kivi kyavo.

¹⁴Naye ya va twulidza mu kisundi nomu kiriri kyelikudza, Na a kalannya libofwa lyavo.

¹⁵Nkano avandu vidzominye Yahova ku tsimbabasi tsitsye, Noku vyokugenya vivye vya ya kola ku avana vavandu

¹⁶Kigira u vunannyi viribwa vyomugasa, Na ya kalaga vivasiriru vyekivya.

¹⁷Avasiru kigira bwebaali bwavo, Na kigira mahyolo gavo, va nyola lidambidzwa.

¹⁸Myoyo gyavo gyi lega vyokulia vvosi Na visunda himbi neviribwa vyelikudza.

¹⁹Hene yaho vanira Yahova lwa va li mu lisaliridzwa, Naye a va honnya ku lidambidzwa lyavo.

²⁰A tuma likuva lilye, na a va honnya Kandi a va twulidza mu lidividzwa lyavo.

²¹Nkano avandu vidzominye Yahova ku tsimbabasi tsitsye, Noku vyokugenya vivye vya a kola ku avana va vandu

²²Va lete tsisadaka tsyelisantidza, Na va landidze makuva gemiyinzi gyigye mu lwimba.

²³Yavo aviika ku inyanza mu amato, Ava kola miyinzi gyavo mu amadzi manene;

²⁴Yava va lola miyinzi gya Yahova, Na vyokugenya vivye mu luliva.

²⁵Kigira a laga, nokuvukidza kihudzudzi, Ki ginganga viguvuli vyago.

²⁶Va nina migulu, virana kandi hasi: Mwoyo gwavo gu saluluka kigira ubudamano.

²⁷Va vekera yiyi na yiyi, nokugenda kuli muhamhiki, Na ubugeeri bwavo bu mireywi.

²⁸Hene vaho vanira Yahova mu lidambidzwa lyavo, Naye a va honnya mu kivi kyavo.

²⁹A kola kihudzudzi kugwa mulengera Kuduka viguvuli vyayo vi kiring'ane.

³⁰Ma va sangala kigira va veye nemirembe; Na ndiyo a va letanga kuduka ha nyambuku ya venyanga.

³¹Nkano avandu vidzominye Yahova ku tsimbabasi tsitsye, Noku vyokugena a vivye vya a kola ku avana va v andu

³²Va mu nenehidze mu livugana lya avandu, Nokumwidzominya mu kyina kya vakulundu.

³³A girunkannya migera kugwa kivala kyumu, Na visenukiru vyamadzi kugwa marova gobuluhu;

³⁴A girunkannya kivala kyamakuyu kuva kyangalangwi kyomu nyu, Kigira ubudamano bwa yavo ava menya mukyo.

³⁵A girunkannya kyangalangwi kugwa lidavalia lyamadzi, Na kivala kyumu kugwa visenukiru vyamadzi.

³⁶Ha zana a kola avenzala kumenya ho, Va duke kulomba ho lidala lyoku menya.

³⁷Nokumidza milimi nokusimika mizabibu, Na va nyole makuyu gelimedeka.

³⁸A va gasidza kandi kuduka va medeka ligali; Kandi si a leka mitugu gyavo ku gehidzwa.

³⁹Navutswa kandi va gehidzwa na vinaminywa Kigira libofwa, na ubudamano, na liverera.

⁴⁰A tsuka lilega ku avanene, Na a va gendidza hatswa, ha ta li nenzira.

⁴¹Navutswa a vikanga mudaka igulu kumutwulidza mu lilegwa lilye, Nokumulombera aviko kuli kyayo.

⁴²Avalungi va la lola, nokusangala; Na ubukyamu bwosi bu la kunika munwa gwabwo.

⁴³Ku vosi wobugeeri a la gumira makuva yaga; Na va la ganagana tsimbabasi tsya Yahova.