Read lulogooli Zaburi 108 Bible Online

Zaburi 108 - lulogooli bible

Zaburi 108

¹Mwoyo gwange gu luviriye, O Nyasaye; Ndimba, yee, ndimba tsyokwidzominya, kali nobukumi bwange.

²Vuka, ubukana bwelimuga na bwekinangoli: Inze mwene nda vuka mabwebwe.

³Nda ku santidza, O Yahova, hagati ha avandu; Nda kwimbira hagati hetsihiri.

⁴Kigira tsimbabasi tsitsyo tsi veye tsinene kuvita ligulu; Na ageligali gogo ga duka ku malesi.

⁵U nenehidzwe, O Nyasaye, igulu womigulu, Na ubukumi bubwo igulu welirova lyosi.

⁶Muyanze wowo a duke kuhonnywa U ku honnye nomukono gugwo mulungi, na u ku tivulire.

⁷Nyasaye ya vola mu butakatifu bwibwe: inze nda sangala; Ndavukannya Shekem, na nda gera livona lya Sukothu.

⁸Gileadi ki veye kyange; Manase ki veye kyange; Efiraim kandi ki veye kyokukinga mutwe gwange; Yuda a veye impimbo yange yobwami.

⁹Moabu ki veye kyokwisaava mu kyange; Nda sikisa kilatu kyange ku Edom; Nda kupa lwanga ku Filistia.

¹⁰Ibwaha a la mbila mu lidala lyombakwa lugaga? Lbwaha a la nzimirira kuduka Edom?

¹¹Si a li ive, O Nyasave, u ku teye? Kandi si u hereka amahe getu O Nyasaye.

¹²U ku konye ku musigu wetu; Kigira likonya lyomundu li veye lyavutswa.

¹³Kigira Nyasaye ku la kola nobunyali: Kigira niye u la duvaga avasigu vetu.