Read lulogooli Zaburi 115 Bible Online

Zaburi 115 - lulogooli bible

Zaburi 115

¹Bu ta va ku kwinye, O Yahova, bu ta va ku kwinye, Navutswa ku lieta lilyo li hebwe umukumi Kigira tsimbabasi tsitsyo, na ageligali gogo.

²Kigira ki avetsihiri va nyala kuvola, Nyasaye wavo a veye haliha?

³Navutswa Nyasaye wetu a veye mwigulu: Ku vyosi u koli kuli ubulaliri bwibwe.

⁴Vifwananyi vyavo vi veye ifetha na ithahabu Likola lya makono ga avandu.

⁵Vi veye neminwa, navutswa si vi moloma mba; Vi veye netsimoni, navutswa si vi lola mba

⁶Vi veye namatu, navutswa si vi hulira mba; Vi veye namolu, navutswa si vi funyeridza mba;

⁷Vi veye namakono, navutswa si vi gumira mba; Vi veye nevirenge, navutswa si vi genda mba; Kandi si vi volanga mu magoti gavo.

⁸Ava vi lomba va la fwanana navyo; Yee, sa mulala a suuviranga kuvyo.

⁹O Israeli, u suuvire Yahova: A veye mukonyi wavo na ingavo yavo.

¹⁰O inyumba ya Haruni, mu suuvire Yahova: A veye mukonyi wavo na ingavo yavo.

¹¹Mwinye ava tia Yahova, mu suuvire Yahova: A veye mukonyi wavo, na ingavo yavo.

¹²Yahova a kwidzuliye; a la ku gasidza: A la gasidza inyumba ya Israeli; A la gasidza inyumba ya Haruni.

¹³A la gasidza ava tidzanga Yahova, Avakekeke na avanene halala.

¹⁴Yahova a mede mwinye ligali, Mwinye na avana venyu.

¹⁵Mwinye mu veye avagasidziywi va Yahova, Wa lomba ligulu nelirova.

¹⁶Ligulu yili li veye ligulu lya Yahova; Navutswa lirova ya ha avana va avandu.

¹⁷Avakudzu si vidzominya Yahova Kinga ku vavo avikanga mu likiring'ana;

¹⁸Navutswa kwinye ku la gasidza Yahova Kutwula kaluml kuduka mihiga nemi higa. Mwidzominye Yahova.