Read lulogooli Zaburi 116 Bible Online

Zaburi 116 - lulogooli bible

Zaburi 116

¹Inze nyanza Yahova, kigira a huliranga Mwoyo gwange na lisaala lyange.

²Kigira ya yekidza gutu gwigwe ku inze Kunangwa ndanira kuye inyinga ya mbeye mwoyo.

³Migoye gyelikudza gya naandza Na ubusaliri bwa Kihadisi bwa ngwira: Nda lola ubusaliri na liverera.

⁴Hene yaho ndanira lieta lya Yahova: O Yahova, nku saala, u honnye mwoyo gwange.

⁵Yahova a veye netsimbabasi, na ubulungi; Yee, Nyasaye wetu a veye neliverera.

⁶Yahova a lindanga ava ta li nobugeeri: Nda gehidzwa, naye ya mbonnya.

⁷Mwoyo gwange, wirane mu bwelemeridzi bubwo; Kigira Yahova a ku koleye vyobuhaani.

⁸Kigira u honnyi mwoyo gwange mu likudza Tsimoni tsyange kutwula ku maliga, Virenge vyange kutwula ku likigitala.

⁹Nda genda imbiri wa Yahova Mu kivala kya va veye mwoyo.

¹⁰Nsuuvira, kigira nda vola: Nda saliridzwa ligali:

¹¹Mu lyanguha lyange, nda vola, Avandu vosi va veye avavehi.

¹²Nda haana ikindu ki ku Yahova Ku vyosi vya ya mbaanira?

¹³Nda vugula kikombe kyobuhonnyi, Na ndanira lieta lya Yahova.

¹⁴Nda tunga vya nda laga vyange ku Yahova, Yee, imbiri wa avandu veve vosi.

¹⁵Likudza lyavatakatifu veve Li veye nobukumi mmoni mwa Yahova.

¹⁶O Yahova, ligali mbeye mutume; kiri wowo: Mbeye mutumekiri wowo, mwana womukana mutugwa wowo; Ive u mboholoye ku libofwa lyange.

¹⁷Nda ku letera kihaanwa kyelisa ntidza Ndanira lieta lya Yahova.

¹⁸Nda tunga vya nda laga vyange ku Yahova, Yee, imbiri wa avandu veve vosi,

¹⁹Mu mugidzi gwenyumba ya Yahova, Hagati hoho, O Yerusalemi. Mwidzominye Yahova.